¹ sukkan ta Ureshelim kutu Ahaziya jena ta Yehuram al sukier melik fi mahal ta Abu tuo, ashan mujmuaa ta nas al jaa maa al Aarab le mukhaim de homon katulu Awlad al kubar tuo kulu. Wa Ahaziya jena ta Yehuram, melik ta Yahuza, Biga melik. ² Aumur ta ahaziya kan Itniin-wa Isheriin sina zaman howo bada hukum; howo hakimu le muda sina wahid fi Ureshelim Isim ta Auma tuo kan Aasaliya Biniya ta Umri. ³ Howo kaman kan douwuru fi turuk ta Beit ta Ahab ashan Auma tuo kan yahu mushtashar tuo fi amulu hajat ta al shar. ⁴ Ahaziya kan amulu haja al shar fi ena ta Yahwah, zi Beit ta Ahab kan gi amulu, ashan humon yahu kan mushtashareen tuo baad mutu ta Abu tuo, ashan bi demiru howo. ⁵ Huwo kaman tabie mushura tomon de; Huwo ruwa maa Yuram jena ta Ahab, melik ta Israel, ashan ruwa harib deed Hazael, melik ta Aram, fi Ramut Gilaad. Arameen auwgu Yuram. ⁶ Yuram rejaa fi Yezrael ashan bi aliju juruh tuo al auwgu fi Rama, zaman huwo shakil deed Hazael, melik ta Aram. Wa Ahaziya jena ta Yehuram, melk ta Yahuza, ruwa le Yezrael ashan bi ainu Yuram jena ta Ahab, ashan Yuram auwgu. ⁷ Hasa Allah jebu damar ta Ahaziya bi wasat ziyara ta Ahaziya le Yuram. zaman al howo wosulu, howo ruw maa Yehuram( Yuram) ashan hajimu Yehu jena ta Nimshi, al Yahwah ikhtaru ashan bi demiru Beit ta Ahab. ⁸ Wa, zaman Yehu kan gi nefizu hukum ta Allah fi Beit ta Ahab, howo legu ghaada ta Yahuza wa Iyal ta Akuwana ta Ahaziya gi khadimu Ahaziya. Yehu katulu homon. ⁹ Yehu fetish Ahaziya; homon legu howo gi dusu nefsa fi Samariya. jebu howo le Yehu, wa katulu howo. wa homon dufunu howo, ashan homon kelim, "Howo jena ta Yahushafat, Al howo kan talabu Yahwah maa gelba tuo kulu." Wa Beit ta Ahaziya Biga kan ma indu sulta tani ashan bi hakimu Mamlaka. ¹⁰ Wa zaman Aasaliya, Auma ta Ahaziya, ainu weled tuo mutu, Hiya gum wa katulu Iyal ta muluk kulu al fi Beit ta Yahuza. ¹¹ Lakin Yehusheba Biniya ta melik, serigu Yuasha jena ta Ahaziya bara min Iyal ta melik al kan gi ruwa katulu. Hiya kutu huwo wa adada tuo fi auda ta num. wa Yehusheba Biniya ta melik Yehuram, zuaja (Mara) ta Yehuiada al kahien (Leanu Hiya kan Aukhut ta Ahaziya), hiya dusu huwo min Aasaliya, ashan Aasaliya keli ma katulu howo. ¹² Huwo kan maa homon, dusu fi .Beit ta Allah le muda sita sina, fi zaman al Aasaliya kan gi hukumu al ardi