¹ Kan fi hinak rajil al akitu min ramathian ta sufiin, min jebel ta medina ta Afraim; Isim bitou kan al kanah jena ta Yeroham, jena ta Aliyahu jena ta tahu jena ta suf, huwo Aframi. ² Huwo indu itnen de Feninnah. Feninnah indu iyal, Lakin Hannah ma indu. ³ Rajil de bi ruwa min medina bitou sena baad sena ashan bi wa ashan bi gedimu zebiha le Yahwehh ta Junud fi shilioh. Itene awlad ta Alie, ito fani wa finhas, kahana le Yahweh, kan hinak. ⁴ Wokit ja yom ta Alkanah ashan bi gedimu zobiha ta kulu sena, huwo daiman wodi agsam ta laham le Feninnah mara bitou, wa le kulu awlad wa banat bita hia. ⁵ Lakin le Hannah huwo diaman bi wodi ziyada agsam, leanu huwo hibu Hannah, be ragam min inu Yahweh kan gofulu rihim bita hia. ⁶ Dera ta hia bi dala le hia shedid ashan bi kutu hia bi zalan, leanu Yahweh kan gofulu rihim bita hia. ⁷ Ashan kida sena baad sena, wokit hia bi tala le bet ta Yahweh ma usura bita hia, dera ta hia daiman bi kutu hia zalam, ashan kida hia bi Istakdimu kore wa ma bi akulu. ⁸ Alkanah rajil bita hia daiman bi kelim le hia, “hanah, lee luti bi kore? Lee luti ma bi Akulu? Lee gelba taki zalan? Sei ana ma afdal le inti min ashara awlad? ⁹ Fi wahid min munasabat de, Hannah gom fok baad humon kalasu mia akil wa shirad fi Shiloh. Hasa Alie Al kahin kan geni ala mahal gaad bitou ala madkal le maabad ta Yahweh. ¹⁰ Hia kan haznan shedid; hia bi seli le Yahweh wa bi kore shedid. ¹¹ Hia amulu halifa wa hia gali, “Yahweh ta junud, kan ita bi ainu le waja ta kadma taki wa Zekiru ana, wa mata nesitu kadma laki, lakiu wodi le kadma taki jena, biga ana bi wodi huwo le Yahweh kulu ayam ta haya bitou, wa mafi mus kalis bi lemesu ras bitou. ¹² Ze ma hia bi istemer selo gidam ta Yahweh, Alie ainu kasma ta hia. ¹³ Hannah wonusu fi dakil gelba ta hia, shafah bita hia bi harik, lakiu sot bita hia ma bi asumau. Ashan kida Alie fekir gali hia sekran. ¹⁴ Alie kelim le hia “lahadi miten inti bi kun sekran? Shilu merisa taki de bara min inti.” ¹⁵ Hannah juwabu, la, ya seid bitai, ana mara haznan fi rohu. Ana ma asherab merisa wele ana sekran bemerisa al gowi, lakin ana bi dofugo rohu bitai gidam ta Yahweh. ¹⁶ Mata kutu kadma taki ashan bi kun mara al ma indu khima; ana bi wonusu wonusu bar ketir galak huzun) bita al ketir wa Istifzaz talise) bitai.” ¹⁷ Biga Alie juwabu wa kelim, “ruwa be salam; kede Allah ta Israel wodi talab al inti asalu min huwo” ¹⁸ Hia kelim, kede kadma taki ligo neaama fi ena taki” biga mara de ruwa fi sika ta hia wa akulu; wosa ta hia kan biga ma hazuan. ¹⁹ Humon gom sabah bedri wa sajadu gidam ta Yahweh wa biga humon rija tani le bet bitomon fi Ramah. Al kanah arufu Hannah mara bitou, wa Yahweh zekiru hia. ²⁰ Wokit zaman ja, Hannah hamil wa weledu weled, hai hadi isim bitou Samuel, gali leanu ana kan aslu huwo min Yahweh, min Yahweh.’’ ²¹ Tani mara al kanah wa kulu bet bitou tala ashan bi gedimu le Yahweh zebiha ta sena wa bi dafa ahad bitou. ²² Lakin Hannah ma ruma; hia kelim le rajil ta hia, ana ma bi ruwa lahadi jena de bi fotuma: biga ana bi jibu huwa, ashan biga huwo bi zahir gidam Yahweh wa bi geni hinak ilea bad.” ²³ Al kanah rajil ta hia kelim le hia, “ amulu al bi kun kwes le ita, istena lahadi tia bi fotumu huwo: bes bikun Yahweh bi akitu kalam bitou .” ashan kida mara de geni wa rada weled bita hia lahadi hia fotumu huwo; ²⁴ Wokit hia kan fotumu huwo, hia shilu huwo ma hia, le gidam be talata sena bagara, ephah ta degig taam, wa gizaz ta meria, wa hia jibu huwo le bet ta Yahweh fi Shiloh. Hasa jena de kan lisa suger. ²⁵ Humon katulu bagara de, wa humon jibu jena de le Alie ²⁶ Hia kelim, oh, seyid bitai! Ze ma ita hai, seyid bitai, ana yau mara al wogif hina le ita bi seli le Yahweh. ²⁷ Le Ajli jena de ana seli wa Yahweh wodi le ana sual al ana asalu min huwo. ²⁸ Ana wodi huwo le Yahweh, kulu ayam ta haya bitou huwo yau som al kebir le Yahweh.” Biga huwo sajada “abidu” Yahweh hinak