¹ Hannah seli wa kelim, geliba tai arufa le Yahweh. Guron tai arufau le Yahweh. Kasuma tai dala ras ta ado tai, ashan ana farahan fi kulasa taki. ² Mafi zol kudus ze inta Yahweh, mafi ai haja gerib ma inta; mafi ai hajar ze Rabuna ta nina. ³ Mata wonusu kalam ta dala ketir ashan dala ta arfa nefsa shedid. Ashan Yahweh ayu Rabuna ta neget, be huwo amal bi wasinu. ⁴ Akhir ta rujal al gowi kasuru, lakin del al kafu huto guwa ze gas. ⁵ Del al kan kamil “shabaan” ijiro nufus bitomon bar le aish; Del al kan jiyan ma bi kun jiyan. Hata al ma bi weledu huwo weledu saba, lakin mara al indu iyal ketir bi tala deef. ⁶ Yahwehh bi katulu wa bi jibu ashan bi hai. Huwo bi kutu ashan bi waga fi hawiya wa bi Arfa fok. ⁷ Yahweh bitutu nas tannin masakin wa taniin ganiyan. ⁸ Huwo bi Arfa al meskin bara min wasaka “turab”Huwo bi arfa zol al muhtag min turab ashan bi kutu humon bi geni ma nas al shurafa wa bi worsu kursi ta mejid. ⁹ Huwo bi harisu kura ta nas bitou al Aminin, Lakin nas al ashrar bi kutu ashan bi askut fi doluma, leanu mafi zol bi gilibu be guwa. ¹⁰ Del al bi aridu Yahweh bi kasuru le gitaat; Huwo bi wodi sika diid humon min sama. Yahweh bi hokum nihayat ta ardi; huwo bi wodi guwa le melik bitou wa bi arfa guron tames bitou” ¹¹ 11. Biga Elikana ruwa le ramah, le bet bitou, jena de kadimu Yahwehh fi gidam ta Alie al gesis. ¹² Hasa awlad ta Alie kan ma indu gima. Humon ma arufu Yahwehh. ¹³ Tebia ta kahana ma shaab kan yau asna ai rajil gedimu zebiha, kadam ta kahana bi ja ma shayala al indu talata isnan fi ida bitou, ligo laham de be nijitu. ¹⁴ Huwo bi kutu huwo be asaya dakil furon, Auo hala, auo tawa, auo gidira. Kulu al kamash “shayala” bi tala ma huwo kahin de bi shilu le nefsa bitou. Humon bi amulu de fi Shiloh ma kulu Israel al ja hinak. ¹⁵ Al batal gubal humon bi haragu shaham, kadam ta kahana de bi ja, wa bi kelim le rajil al kan bi gedimu zebiha de, wodi laham ashan bi amulu sheya le kahin; leanu huwo ma bi rudu laham al nigitu min inta, lakin bes al neyi “al kam”. ¹⁶ Kan rajil de kelim le huwo, “humon bi haragu shaham de awel, wa biga shilu ze ma ita der.” Kaman huwo bi kelim, la, ita bi wodi huwo le ana hasa; kan mafi ana bi shilu huwo be guwa.” ¹⁷ Katia tarujal al sukar azim shedid gidam ta Yahwehh, leanu humon hagiru alisu tagdima ta Yahweh. ¹⁸ Lakin Samuel kadimu Yahweh ze jena be ephod min malabis ta kitau. ¹⁹ Uma bitou amulu le huwo rida sukeyer wa jibu le huwo min sena le sena, asna hia bi tala ma rajil ta hia ashan bi gedimu zebiha ta sena. ²⁰ Alie bariku alkanah wa mara bitou wa kelim, kede Yahwehh wodi le ita iyal ketir min kilal mara de ashan talab al hia amulu min Yahweh biga humon rija le bet bitomon. ²¹ Yahweh tani saidu Hannah wa tani hia biga hamil. Hia weledu talata awlad wa itwin banat. Fi zaman de, jena Samuel raba gidam Yahwehh. ²² Hasa alie kan kebir shedid; huwo asuma kulu al iyal bitou kan amulu le kulu Israel, wa kef humon kan bi num ma nasuwan al kan bi kadimu fi bab “madkal” ta khema ta ijtima. ²³ Huwo kelim le humon, lee itkum bi amulu hajat ze de? Leanu ana asuma amail takum al batal min nas del kulu” ²⁴ La, awlad bitai; leanu huwo ma kews kabar al ana asuma itakum bi kutu shaab ta Yahwehh wodoru sika. ²⁵ Kan walid zol rajil amulu katia did zol tani, Allah bi hukumu huwo, lakin kan zol amulu katia did Yahwehh, munu bi wonusu le huwo? Lakin humon ma bi asuma le sot ta abu bitomon, leanu Yahwehh gasitu ashan bi katulu humon. ²⁶ Jena Samuel raba, wa zidu fi sokol kewes ma Yahweh wa Kaman ma nas. ²⁷ Hasa rajil Allah ja le Alie wa kelim le huwo, “Yahwehh kelim, sei ana ma beyinu nefsa bitai le bet ta abu taki asna humon kan fi masir fi Azab ta bet ta feraon? ²⁸ Ana azilu huwo bara min kulu gabail ta Israel ashan bi kun kahin tai, ashan bi tala fok le mazbah bitai. Ana wodi le bet ta abu taki kulu tagdimat ta shaab ta Israel al amulu be nar. ²⁹ Lee, biga, itakum bi dusu zebiha bitai wa tagdimat, al ana wodi awamir fi mahal al ana fogo? Lee ita bi akrimu awlad taki fok min ana itakum bi kutu nufus takum bi kun semin be kulu tagditmat al ashan ta shaab tai Israel? ³⁰ Ashan kida, Yahwehh, Allah ta Israel, bi alinu, ana bi amulu waad inu bet taki wa beet ta abu taki bi douru gidam tai ilea bad. Lakin hasa Yahweh bi alinu, bi kun beyid min ana ashan huwo bi amulu, leanu ana bi akrimu del al bi Akrima ana, lakin del al bi Akrima ana, lakin del al bi hagiru an ataman bitou bi kun besit. ³¹ Ainu, ayam bi ja asna ana bi gata min guwa taki wa guwa ta bet ta abu taki, biga ma bi kun fi hinak umur towil le ai zol fi bet taki ³² Ita bi ainu deeka fi mahal al ana fogo. Be ragam min inu al kewes bi wodi le Israel, ma bi kun fi umur towil le ai zol (rajil) fi bet taki. ³³ Ai zol min itakum al ana ma gata min mazbah tai, ana bi sababu ena taki le fashal, wa ana bi sababu huzun fi gelba taki, biga kulu ziyada ta bet taki bi mutu ligo lisa rujal. ³⁴ De bi kun alama le ita al bi ja min itmin awlad taki, min Hophni wa Finehas; humon kulu bi mutu fi nefsa yom. ³⁵ Ana bi gomu le nefsa tai kahin al amin al bi amulu hasab ma fi gelba tai wa fi roho bitai. Ana bi abinu le huwo bet al mutuakil wa huw bi dooru gidam mishah ta melik bitai le abad. ³⁶ Ai zol al sibu huwo fi bet taki bi jaw a bi dengir tehet le huwo, bi asalu min gita ta fida wa rekif ta eash, wa bi kelim, malesh kutu ana le wahid min wazayif ashan ana bi akulu gita ta eash.