¹ Wokit biga yom mutu ta Daud gerib, huwo wodi talimat le Siliman jena bito, gali, ² “Ana bi ruwa fi sika ta kulu duniya. Kun gowi, wa beinu nefsa taki rajil. ³ Hafisu talimat ta Yahwa Allah taki ashan inta bi douru fi sikat bito, ihterin hajat al huwo wori, wosiyat Bito, kararat bito, wa shihadat bito, amulu hisab taki lazim kede inta amulu haja al katibu fi ganun ta Musa, ashan inta bi naja fi kulu haja al inta bi amulu, fi ai mahal al inta bi ruwa fogo. ⁴ Yala biga Yahwa bi kalasu kalam bito al huwo kelim le ana, gali “kan iyal taki douru kuwes, wa be amana ashan bi douru gidam tai, be geliba kulu be nefsa kulu, humon ma bi gata min geni fi kursi ta Israel ⁵ Inta Kaman aruf suna al Yuab jena ta Sorowiya amulu le ana, wa haja al huwo amulu le itnin dubat ta jesh ta Israel, le Abner jena ta ner, wa le Amaza jena ta Yasir, al huwo katulu. Huwo kubu dom ta harb be salam wa kutu dom ta harb de fi gash fi sulba bito wa fi jizma fi kura bito. ⁶ Amulu ma Yuab be hikma al inta alimu lakin mata sibu ras bito al ajuz de nezil tehet be salam. ⁷ Wa bi ai teriga, beinu kuwes ma iyal ta Barzilai ta jalaad, wa kede humon kun ma del al bi akulu fi torbiza taki, ashan humon kan ja le ana zaman ana kan bi jere min Abslialom aku taki. ⁸ Aynu, fi shemei Kaman ma inta jena ta jere al min Benjamin, al kan laan ana be lana ta zalan fi yom al ana ruwa fi mahanain. Shemei nezil ashan bi ligo ana fi ordan, wa ana halifa le huwo be Yahwa, gali, “Ana ma bi katulu inta be sef” ⁹ Wa ashan kida, mata sibu huwo rija bidun ikab. Inta zol ta hikma, inta bi aruf sunu inta bi amulu le huwo. Inta bi nezil ras al ajuz de tehet fi sheol be dom.” ¹⁰ Baad dok Daud num tehet ma judud bito wa dofunu fi medina ta Daud. ¹¹ Zaman al Daud geni fi hokum ta Israel kan arbein sena. Huwo hukumu saba sena fi Hebron wa talat teletin sena fi orshehin. ¹² Biga Siliman geni fi kursi ta abu bito Daud, wa kan hokum bito taman wa sabit. ¹³ Adoniya jena ta Hajis ja le Betsheba uma ta Siliman. Huwo bada asalu, “inta ja be salam?” huwo Juwabu, “be salam.” ¹⁴ Huwo bada kelim, “ana der wori le inta.” Biga huwo juwabu ‘wonusu” ¹⁵ Adoniya kelim, “inta aruf gali mamlaka de tai, wa de yau al Israel der ashan ana bi kun melik. Lakin hajat geiru, wa mamlaka wodi le aku tai, ashan de bito min Yahwa. ¹⁶ Hasa ana der asalu wahid min inta, wa mata wasa bara min wusa tai,” Betsheba kelim le huwo, “Wonusu” ¹⁷ Huwo kelim, “malis kede inta Wonusu ma melik Siliman, ashan huwo ma bi wasa bara min wusa taki ashan kede huwo wodi Abishaj ta Shonami kun mara tai” ¹⁸ Betsheba kelim, “kuwes kalis, ana bi wonusu ma melik” ¹⁹ Min hinak Betsheba gum ruwa le melik Siliman ashan bi wonusu be kalam ta Adoniya melik gum alagu huwo wa dengir tehet le huwo. Biga huwo geni tehet fi kursi bito wa fi kursi jibu le uma ta melik. Huwo geni fi idan ta yemin. ²⁰ Biga huwo kelim, “Ana der asalu wahid haja suker min inta, kede inta ma wasa wusa bara min ana.” Melik juwabu huwo, “Asalu, ya uma tai, ana ma bi wasa wusa tai min inta? ²¹ Huwo bada kelim, “kede wodi Abishaj ta Shonami de mara le aku taki Adoniya.” ²² Melik Siliman juwabu uma bito gali, “le inta bi aslu Abishaj ta Shonomi le Adoniya? Le inta ma aslu mamlaka de le huwo Kaman, ashan huwo aku tai al kebir le huwo, le Abiyasar al kahin, wa le Yuab jena sorowyia? ²³ Melik Siliman gum halifu be Yahwa, gali, “ya Allah amulu le ana, wa Kaman ketir, kan sei Adoniya ma wonusu kalam de did mara bito. ²⁴ Wa hasa ze Yahwa hai, al sabitu ana wa kutu ana geni fi kursi ta Daud abu tai, wa abinu bet katulu.” ²⁵ Melik Siliman gum rasulu Benaiah jena ta Yahoyada, wa benaiah ligo Adoniya wa katulu. ²⁶ Wa Kaman melik kelim le Abiasar al kahin, “Gum rija fi anasos, mahala ta zira taki. Inta kuwes lakin bi istehik mutu. Laki fi zaman de ana ma bi katulu inta, ashan kan arfau sandu ta tifagiya to Rabuna Yahwa gidam Daud abu tai wa inta ligo tab fi sik al abu tai ligo fogo taab. ²⁷ Min hinak Siliman rafudu Adiasar min shokol kahhin le Yahwa, ashan huwo bi kalasu kalam ta Yahwa, al huwo kan wonusu le bet ta Ali fi shilwa. ²⁸ Kabara wonsulu le Yuab, ashan kan Yuab bi sau adoniya, wa ma saud abshalom. Yuab gum jere fi kema ta Yahwa wa amsuku gurun ta mazbah ²⁹ Biga wori le melik Siliman gali Yuab jere fi juwa kema ta Yahwa wa hasa huwo fi janbu mazbah. Siliman gum rasulu Benaiah jena ta Yahoyada, gali, “Ruwa katulu huwo.” ³⁰ Benaiah gum dakalu fi juwa kema ta Yahwa wa kelim le huwo, “melik kelim, “kede inta tala bara. Yuab juwabu, “la, ana bi mutu hini” benaiah gum rija le melik, wa kelim, “Yuab gali huwo der mutu fi mazbah hinak.” ³¹ Melik kelim le huwo, “amulu ze al huwo kelim katulu huwo wa dofunu huwo ashan inta bi shilu min bet tai wa min bet abu tai dom al Yuab kubu sakit. ³² Kede Yahwa rija dom bito fi ras bito, ashan bidun abu tai ma aruf huwo katulu nafareh kuwesin ashen min huwo zatu be sef bito, Abner jena ta ner, kaid ta Jesh ta Israel, wa Amasa jena ta Yasir, kaid ta Jesh ta Yahuza. ³³ Kede dom tomon rija fi ras ta Yuab wa fi ras ta iyat bito le nihaya. Lakin le Daud wa iyal, wa bet bito, wa kursi bito, kede kun fi salam min Yahwa le nihaya” ³⁴ Benaiah jena yahoyada tala wa katulu Yuab. Huwo dofunu fi bet bito fi sahra. ³⁵ Melik gum kutu Benaiah jena ta Yohayada mosul min jesh fi mahal bito, wa kutu saduk al kahin fi mahat ta Adbiasar. ³⁶ Melik rasulu ashan kede nadi shemei, wa kelim le huwo, Abinu le inta bet fi orshelim wa geni hinak, wa mata ruwa min hinak le ai mahal tani. ³⁷ Ashan kan inta tala yom tani min hinak, wa mururu min wadi radrun, kede inta aruf gali inta bi mutu wa dom taki bi kun fi rasak” ³⁸ Shemei gum kelim le melik, “al inta kelim de kuwes. Ze sidi tai melik kelim, kadam taki bi amulu.” Biga shemei geni fi orshelim zaman towil. ³⁹ Lakin fi nihaya ta talata sena, tnin min kadamin ta shemei jere bara le akish jena ta maaka, melik ta jat. Humon ja wori le shemei, gali, “aynu, kadamin taki fi jat” ⁴⁰ Shemei gum, jahizu himar bito wa fat le akish fi jat ashan bi aynu kadamin bito. Huwo ruwa wa rijau kadamin bito wara min jat. ⁴¹ Kabara wosulu le Siliman gali shemei ruwa min orshelim le jat wa huwo rija wara. ⁴² Melik rasulu ashan kede nadi shemei wa huwo kelim le huwo, ana ma halifu inta be Yahwa wa ana shalidu le inta, gali, kede inta arufa gali yom al kan inta tala wa ruwa fi ai mahal, inta bi mutu? Wa inta kelim le ana al ana asuma de kuwes? ⁴³ Le biga inta ma hafizu waad taki le Yahwa wa talimat al ana wodi le inta?” ⁴⁴ Kaman melik kelim le shemei, “inta aruf fi geliba taki kulu hajat al batal al inta amulu le Daud abu tai. Ashan kida Yahwa bi rija batal taki fi ras taki. ⁴⁵ Lakin melik Siliman bi bariku wa kursi ta Daud bi sabita gidam ta Yahwa le nihaya” ⁴⁶ Min hinak melik wodi talimat le Benaiah jena ta Yahoyada. Huwo tala bara wa katulu shemei. Biga al sulta sabitu kuwes fi idan ta Siliman.