¹ Del kan rujal al ja le Daud le siklag, ligo kan huwo dusu min wosa ta shaul jena ta Kish, humon kan wasat Asakir, musaidiin bitou fi harib. ² Humon kan musalahin be nashad wa bi Istagtimu ida bitomon al Yamin wa al Shamal fi durubu hujar fi derib ta silah min mal al tehet, humon kan agriba ta Shaul, min gebila ta Benyamin ³ Reis de kan akiezer, tawali Yoah, kulu awlad ta shamaah al Gibeathi. Hinak kan ya Zuiel wa Falet, awlad ta Azmoth, hinak kan Kaman Barakah, yahu al anathothi, ⁴ Yashmiah al Gibeoni, juudi wasat telethon (wa fi kiyada ta telethon); yeremiah, Yahaziel, Yohanan, Yozabad al Gediri, ⁵ Eluzi, yerimoth, Bealiah, shemariah, shaftiah al Harufi, ⁶ Al kanah al korahion, Yashiah, azarel, Yoezer, Yashobeam, wa ⁷ Yoelah wa zebadiah, awlad ta Yaroham min Gedor. ⁸ Baad min al Gadin domu le Daud fi mahal al gowi fi beriya. Humon kan muharibin al gowi, rujal ta harib, jahis le harib, al bi agder gobodu dere wa nishab; wosa bitomon kan bata ze wosa ta aseid, humon ken seriin ze gazal fi jebel. ⁹ Kan hinak azer yau reis, Obadiah nimra itnin, al yab nimira talata, ¹⁰ Mishmannah nimra arba, Yeremiah nimira kamsa, ¹¹ Attai nimira sita, Eliel nimira sabath ¹² Yohana nimira tamania, al zabad nimira tisaa, ¹³ Yeremiah nimira Asharah, makbannai nimira hidashar ¹⁴ De awlad to Gad kan ruasa ta jeshe. Kayid al suger le miya wa kayid al kebir le alif. ¹⁵ Humon gata uordon fi bidaya ta Shahar, wokit ta Feidan bitou huwo mala, wa amulu mushkila le del al bi geni fi awdiya ashan bi jere, kulu nahwa sherik wa nahwa garib. ¹⁶ Baad min rujal min Benyamin wa yahuza ja le mahal al gowi le Daud. ¹⁷ Dauud tala bara ashan bi gabilu humon wa bi wonusu ma humon: “iza itakum ja fi salam le ana ashan bi saidu ana, gelba tai bi kun wahid ma geliba takum. Lakin iza kan itakum ja ashan bi amulu le ana kayana le adu bitai, kede Allah ta judud tanina aninu wa wabiku itakum, ligo ana ma amulu batal.” ¹⁸ Biga roho kati amasai, al huwo reis ta telethon. Amasai kelim, anina le ita Daud. Anina fi itijah taki, jena ta Yesse. Salam, kede salam kun le ita, kede salam kun le del al bi saidu ita, leanu Allah taki yau bi Saidu ita. “biga Daud Istagbilu humon wa kutu humon ruasa le jeyosh bitou. ¹⁹ Baad min Manasseh Kaman indama le Daud asna huwo ja me Filistinin diid shaul le harib. Lisa humon ma saidu Filistiniin, leanu itijahat ta Filistiniin amulu musura ma bad bitomon wa rasulu Daud bara, humon kelim, “huwo bi dom le seid bitou Shaul fi kutura ta haya tanina” ²⁰ Asna huwo ruwa le siklag, rujal min Manasseh al dumu le huwo kan adnah, Yozabad, Yediael Michael, yazabad, alyahu, wa sillethai ruasa fok alif min Manasseh. ²¹ Humon saidu Daud fi shakila diid ferik al bi douru, leanu humon kan muharibin al gowi. Humon kan ruasa fi Jesh. ²² Rujal ja le Daud yom baad yom ashan bi saidu huwo, lahadi bi kun fi hinak jesh azim, ze jesh ta Allah ²³ De yau adad ta Junud le harib, al ja le Daud le habron, ashan bi hawilu mamlaka min Shaul le huwo, hasab kalam ta Yahwah. ²⁴ Rujal ta Yahuza al arfa dere wa harba kan 6,800, musalah le Harib. ²⁵ Min shimeon kan hinak 7,100 muharibin gowin muderibin le harib ²⁶ Min lawiin kan hinak 4,600 rujal ta shakila. ²⁷ Yahoiada kan yau kayid reis ta shab, muharib gowi, kan indu itnin wa ishirin ruasa min usura bitou. ²⁸ Ma sadok, rajil shab, muharib gowi, kan indu itnin wa ishitin ruasa min usura bitou. ²⁹ Min benyamin, akuana ta Shaul, kan talata Alif, Aktar min humon kan bi harisu bet ta Shaul lahadi yom ta Alela “zaman ta hasa” ³⁰ Min gebila ta Afraim kan hinak 20,800 muharibin al gowi, rujal al kan marufin fi usurat bitomon ³¹ Min gebila ta nus gebila ta Manasseh kan hinak taman tashar Alif rujal marufin al ja ashan bi amulu Daud melik. ³² Min yasachar, kan hinak miten ruasa al kan fahim min Aukat wa bi arufu Israel der Amulu shunu. Kulu Akuana bitomon tehet awanur bitomon. ³³ Min zabulun kan hinak kamsin Alif rujal al bi shakila, jahisu le harib, be kulu adowat ta harib, wa zahiz ashan bi wodi Aoluwiya be don kilafat “tegsim” ³⁴ Min naftali kan hinak Alif dabit, wa ma humon sabah wa teletin rujal ma dere wa harba. ³⁵ Min al Daniin kan hinak 28,600 rujal Jahisu le harib. ³⁶ Min asher kan hinak Arbeiin Alif rujal ta harib jahusu le harib. ³⁷ Min itijah al tani ta urdon, min Al Rawabiin, al Gadiin, wa nus gebila ta Manasseh, kan hinak 120,000 musalahiin be kulu anwa min adawat ta harib. ³⁸ Jesh del kulu, johisu le harib, humon ja ma kulu gelba ashan bi amulu Daud melik le kulu Israel. Kulu bagi ta Israel kan fi itifagiya ashan bi amulu Daud melik Kaman. ³⁹ Humon kan hinak ma Daud talat ayam, bi akulu wa bi Ashirab, lanu Akuana bitomon rasulu le humon ma gowanin, ⁴⁰ Be idafa, le del al geribiin le humon, hata yasachar wa zabulun wa naftali, jibu ash fi hamir, Gimal,Jena himar wa bagara, wa cake min tin, Zebib, karma, zet, ganmaya wa khorufan, leanu kan Farah fi Israel.