¹ Hasa juzu adda ta Yahuzah wa Benjamin sima gali al nas al kan biga mihjar kan hasa bi abinu al haikal le Yahuah, al Allah ta Israil. ² Kida umon wajihu Zerubbbabel wa al ruus ta usar judud tomon. Umon kelim le umon, ''Kede nina abinu ma itakum, le, ze itakum, nina bi fetisu Allah takum wa kalas zabihu le uwo mini al ayom zaman Esarhaddon, melik ta Assur, jabu nina le makan de.'' ³ Lakin Zerubbabel, Jeshua, wa al ruus ta usar judud tomon kelim, ''de yau ma itakum, lakin nina al lazim bi abinu al bet ta Allah tanina, lianu de yau nina al bi abinu le Yahuah, al Allah ta Israil, bes ze melik Cyrus ta Faris amiru.'' ⁴ Kida al nas ta al art amulu idenat Yahudien deyif; umon amulu al Yahudien kafu le abinu. ⁵ Umon kaman wodi rosua le mustusarin le habitu kutat tomon. Umon amulu de fi zaman kulu ayom ta Cyrus wa fijua al hukum ta Darius melik ta Faris. ⁶ Biga fi al bidaya ta hukum Ahasuerus umon katab al tuham dit al sukan ta Yahuzah wa Arselim. ⁷ Uwo kan zaman al ayom ta Artaxerxes al Bishlam, Mithredath, Tabeel, wa suraka tomon katab le Artaxerxes. Al juab kan moktub be Aramaic wa terjimu. ⁸ Rehum al kait wa Shimsahai al katib katab teriga de le Artaxerxes an Arselim. ⁹ Biga Rehum, Shimshai, wa suraka tomon, al kan guda wa muwazifin tanin fi al hakuma, al Farisien, rujal min Erech wa Babylon, wa al rujal min Susa(de yau, al Elamitien)-umon katab al juab- ¹⁰ wa umon kan limu be al nas al uzama wa kuat ta qabir Ashurbaipal le geni fi Samiria, kaman ma al bagin al kan fi al Wulaya Beyit al Bahar. ¹¹ De yau al sura ta al juab al umon rasal le Artaxerxzes: ''Kadamin taki, rujal ta al Wulaya Beyit al Bahar, katifu de: ¹² Kede al melik aruf gali al Yahud al masa min ita kalas ja dit nina fi Arselim le abinu medina tamarut. Umon kalas kalasu al hos/heyat wa amulu sayinu al asas. ¹³ Hasa kede al melik aruf gali kan medina de yau abinu wa al heta yau kalasu, umon ma bi wodi ayi usur wa daraib, lakin umon bi awugu al muluk. ¹⁴ Betaakit ashan nina kalas akalna mileh al gara, uwo biga ma munasib le nina le ayinu ayi adamkarama hasil le al melik. Uwo yau ashan ze de nina kalas bi kabiru al melik ¹⁵ le bahisu sejila abuhat takum wa le barhinu/arufu gali de yau medina al mutmerit al bi awugu muluk wa wulayat. Uwo kalas sabibu masakil ketir le al muluk wa wulayat. Uwo kan biga markas le tamarut mini bedriri sedid. Uwo kan le sabab de kan medina de demiru. ¹⁶ Nina bi kabiru al melik gali kan medina de wa heta kalas abinu, biga inak ma bi kun haja fadulu le ita fi al Wulayat Beyit al Bahar.'' ¹⁷ Kida al melik rasal bara al rad le Rehum wa Shimshai wa suraka tomon fi Samiria wa al tanin al umon fi al Wulaya Beyit al Bahar: ''Kede salam geni le itakum. ¹⁸ Al juab al itakum rasulu le ana kan kalas terjimu wa agrau le ana. ¹⁹ Kida Ana amiru al tahagigat wa iktasifu gali fi ayom wara umon kan itmaradu wa merid dit muluk. ²⁰ Muluk Uzama kalas hakam ala Arselim wa kan indu guwa ala ayihaja fi al Wulayat Beyit al Bahar. Usur wa daraib kan dafau le umon. ²¹ Hasa, amulu karar le rujal delin le wogifu wa ma bi abinu medina de lakadi Ana amulu karar. ²² Kelikum harisn ma le jahilu de. Le itakum sibu tahadid zede le zidu wa sabab kasara aktar le masleh al mulkia? ²³ Zaman karar melik Artaxerxes kan agarau gidam Rehum, Shimshia, wa suraka tomon, umon masa bara be sura le Arselim wa asuru al Yahud le wogifu abinu. ²⁴ Kida al sokol fogo al bet ta Allah fi Arselim wagaf lakadi al sena nimra itniin ta al hukum ta Darius melik ta Faris.