¹ Ɗaŋ dzaŋ ngǝ Fentakos ta tuliɗi, yǝ ta yi lǝɓ namboŋ ɓuruk wasǝŋ. ² kyaɗ she yerwon wulɗi gaami ɗaŋ dǝllǝk yitar, ata shiiɗi yuŋ ɓuruk dǝn yo ɗaŋ tǝ ta yi ghai. ³ She ngǝrwon ta shiiɗi ɗaŋ riisǝŋ wuɗ a gaam ko gyo wasǝŋ. ⁴ Zhiptivar yugnshi waashi nguɓ wul ghǝn vii tǝ riisǝŋ gyaa gon. mǝnyo ɗaŋ zhiptivar vǝrshi tǝ wul vii. ⁵ A kilis Yahudawa gya gon tǝ ta yi Urshelima, mǝnngǝ Cogn ɗaŋ cii ko yatli gyo a dǝgn. ⁶ Ɗaŋ tǝ wum wulghǝn ngǝrshes tǝ vuui ɗeɓaɗ tǝ jwaamshiɗi nǝ duryo tu konu caa wum ɗan kutu ca wul tǝ riisǝŋ wasǝŋ. ⁷ A kwasarshj, tǝ wul tu, ''beɗ gya gii ɗaŋ caa wullǝm cin mǝn Galilii yan? ⁸ Wuri kǝnnda konu wasǝŋ caa wul vii wope? ⁹ Fisiyawa tǝ Mediyawa tǝ elimawa, tǝ Yahudawa tǝ Kafadokiya, giɓ Fontus tǝ Asiya. ¹⁰ Giɓ Firgiya tǝ Bamfiliya, giɓ Masar tǝ te Liɓiya tǝ te kaar sur, tǝ sǝǝɓǝrsǝ ɗaŋ tǝ dlamɗi Roma. ¹¹ Yahudawa tǝ gya gyo ɗaŋ nǝ Yahudawa hŋ, Kiritawa tǝ Larabawa, ɗeɓaɗ mǝ wum shi caa wul vii wopm tǝ fighǝn laaghǝ laa Cogn. ¹² Ɗeɓaɗ wasǝŋ aa kwasarshi hal tǝ tǝ vuui, tǝ wul dlǝŋsǝ wasǝŋ tu, ''Dek gin nǝ nii?'' ¹³ Beɗ tǝ gi gya gon wasǝŋ tǝ ryaa tǝ wul tu, ''zhak darndu dǝn kǝ muri kǝnnda caa ɗuushi'' ¹⁴ Beɗ tǝ gi Biturus tǝ dzuɓ tliiti namboŋes tǝ ta shishi a taashi vii tu ''mǝn Yahudiya tǝ ɓuruk mǝn tsǝtn ngǝn Urshelima, yisǝŋǝn gin, sǝǝn kǝǝm vetn . ¹⁵ Nǝdur tu mǝniin nǝ zhak darndu dǝn kǝnnda tǝ tlya hŋ, dur tu daŋni yi dwaam toknandam kǝ ɓintlɗi ¹⁶ Beɗ tǝ gi nǝ ngǝtn yo ɗaŋ shinngǝn Cogn Yowel. ¹⁷ Cogn wul tucikkǝn wo naa a ɓuɗkǝn ɓanngǝni giin, Ma shindar zhipti varanɗi a zarsǝ ɓuruk mǝri guɗiwan tǝ mǝn monci ta na nǝ mǝn konghǝn ngǝtn jaan tlǝɓǝrtǝ wan ta na nǝ mǝn yelghǝn zhiɗkǝn Cogn, beɗ tǝ gi ndwasaŋsǝ tlutn wo wurǝshi ¹⁸ Cik kǝnnda amonsǝ guɗi tǝ mǝn monci wan a mbuɗkǝni gya gin ma shinndar zhipti var ɗi, beɗ tǝ gi ta na nǝ mǝn konghǝn ngǝtnnghǝ jaan. ¹⁹ ma giɗ kwasarghǝn a dǝǝl gaami tǝ ngǝtn ghǝ giɗkǝn a dǝgn, voraŋ tǝ wuɗ tǝ kuurvon. ²⁰ Dzaŋ wo suui nǝ dugn, lǝpm wo suui nǝ voraŋ saɗɗa kǝnnda dzaŋ manngǝn Daadǝn. ²¹ wo nani tu gyo ɗaŋ ya cim sǝm Daadǝn wo tu vuumghǝ ni. ²² Mǝn Isar'ila, sǝn kǝǝm a vin. Yesu mǝn Nazareɗ gyo ɗaŋ Cogn giɗ tǝ ɓaski a tǝpm fighǝn ngǝtn ghǝ kwasarghǝ ɗaŋ a giɗ a dlie wan ɗaŋbgi ɗaŋ kǝ yisǝŋ. ²³ Nǝ dur gi, caaghǝn raa a Cogn kǝ yisǝŋ tǝ vǝrbti a mǝn tlyaghǝn raa kǝ ghǝmbalti, kǝ ɗuti. ²⁴ Cogn shisherti a mbi tǝ wumghǝn mǝskǝnni nǝ dur yo tu tǝ naa a dliwos hŋ ²⁵ Nǝ durghǝ yaan, myaa yel Daadǝn ɓasǝm ko dzangyo, nǝ duryo cigha taaghǝ zaretn ma wuum vǝrtǝ hŋ. ²⁶ Nǝ dur ghǝ gi caa polǝm raatn, riisǝŋaan caa luusǝmwos. beɗ tǝ gi maa tsǝtn sǝǝriɗ. ²⁷ Beɗtǝ gi kaa tlǝǝrǝm nyamri hŋ, kaa gaa murghǝ ndzǝkkǝn waa tǝ rashii hŋ. ²⁸ Giiɗǝm tǝpm raai yugn mi tǝ polghǝn waa kǝn myaa yel kenwa ³⁰ Gyaa kaam, ma wul vii sǝriɗi a dulghǝ Daadǝn Dauda! ata mǝs tǝ gii, vii giir wos yi ɓasmi ɗuun hal yaawom. ²⁹ Nǝ durghǝ gi, yaan cii murghǝ shinngǝn yo ɗaŋ a yisǝŋ Cognǝi, a caa raa ɓastǝ tǝ ŋaskǝn puus tu a giɓ kǝ Usuli wos kǝnnda murgh Daa variwo nyolɗi. ³¹ A ta yel ngǝrshe shiiɗi tun ɓaanndǝŋ ata wul vi a dulgam shishiighǝn gi ɗaŋ nǝ Ɓoorghǝni, beɗ tǝ gi tǝ fi bwaaghaɗ tǝ yaan nyaamri hŋ, dliwos ndǝr raais hŋ. ³² Yesui Cogn shisherti, gyo ɗaŋ ɓuruk wopm mǝ tlyaa zha woshi. ³³ Beɗ tǝ gi a ta yi a taaghǝ zarii Cogn a ndǝr mbii ɗa raai nǝ zhipti var kǝ Daadǝn, yaan wo shiiɗi ɓasmi gyo ɗaŋ kyaa yel kǝ ndǝr kǝ wuumi. ³⁴ Dauda ata taa gaami hŋ, beɗ tǝ gi a wul tu, ''Daadǝn a wul Daadǝn a wul Daaghǝ dǝnatn tu' tsǝtn a taaghǝ zaretn, ³⁵ Hal she myaa suular mǝn nyaanngaskǝn waa nǝ ngǝtn daɓtsǝghǝn a yaasǝŋ wa, ³⁶ ''Beɗ tǝ gi, dǝnngǝ Isra'ila tǝ yisǝŋǝi kǝrǝŋ-kǝrǝŋ tu Yesu ɗaŋ kǝ ghǝmbalti Cogn sularti nǝ Daadǝn tǝ Ɓorghǝnwos. ³⁷ Ɗaŋ tǝ wum cik raa wasǝŋ ta mbiŋ, tǝ wul Biturus tǝ gyaa mǝn shinngǝnes tu, ''mǝnwopm maa fii wuri?'' ³⁸ Biturus wul shi tu, ''kaɓǝn ndaɗkǝn waani a maan tǝ fiki baɓtisma mǝn, a giɓ kǝ sǝǝmngǝ Yesu ɗaŋ nǝ Ɓorghǝn nǝ dur gi Cogn tǝ dlaa ki loŋsǝ mǝnni, nǝ dur tu kaa kaɓ vartǝ kǝ zhipti var. ³⁹ Dur mbighǝn ɗa raai yo ɗaŋ nǝ yiir ɓaski tǝ gya mǝri waan tǝ gya mǝn ɗongai, ɗeɓaɗ zarsǝ yo ɗaŋ Daadǝn Cogn wo cimshi. ⁴⁰ Tǝ wumngǝn vik zarsǝ monnda a tlya zha washi ndǝr tlyashi moɗ ; a wul tu,''nyolarǝn gama wani a kuskǝ wusulin. ⁴¹ Ɗaŋ tǝ wuum neshi tǝ ndǝr tǝ fiishi baɓtismai, ɗaŋ dzaŋes tǝ ta tu zarsǝ zaŋngu mayi. ⁴² Tǝ ci ken tǝ wumngǝn kuɓar ghǝn kuɓarghǝn mǝnshinngǝn tǝ raapari a dlǝŋsǝ wasǝŋ, tǝ tsalghǝn dugn tǝ karaghǝn Daadǝn. ⁴³ Vartǝ ngaɓ ko gyo wasǝŋ ɗaŋ cigha sǝǝghǝn, tǝ ndǝr tǝ fii ngǝtn ngǝ kwasarghǝn tǝ ngǝrshi gyaa gon monnda ate mǝn shinngǝn. ⁴⁴ Beɗ tǝ mǝnyo ɗaŋ tǝ caa raa wasǝŋ a dlei wasǝŋ ngǝtn wasǝŋ nǝ ghǝ ko gyo wasǝŋ. ⁴⁵ Tǝ ɗiɓar ngǝtn wasǝŋǝi tǝ ɓǝǝl a dlei wasǝŋ, a giɓkǝ datǝpm yo ɗaŋ ko gyo wasǝŋ caa suu. ⁴⁶ Tǝ ci ken, ɓitaghǝn wasǝŋ naai namboŋ ko dzaŋ gyo nǝ ghǝ dǝn Cogn. caa tsal dugn a dlǝŋsǝ wasǝŋ, tǝ ci ngǝtn cighǝn tǝ dlǝŋsǝ wasǝŋ tǝ polghǝn a raa. ⁴⁷ Caa luu Cogn tǝ ndǝr tǝ tuu kaɓkǝni a zarsǝ monnda. Daadǝn nǝ gi ca gǝɗshi mǝn vuughǝn ko dzaŋ gyo.