¹ Ɗaŋ mǝ ta dlyaad kǝ kennes ,Tiyofilus ,a kon nghǝrshi gya gon ɗaŋ Yesu gid. ² Hal dzaŋ gi ɗaŋ tǝ ta mɓiti kaari ɗaŋ a ta fuu mǝnshinnghǝn wos ɗaŋ a bwashi tǝ fighǝn zhipti var. ³ A kaar buŋnghǝn wos a giid gamashi ɓashi gwaam tǝ nghǝrshi gya gon monda daŋ taa caa vwaa woshi .Mɓudkǝn tashi wuɓsǝ a tagiid gamas ɓashi ca wulshi vi nǝ durghǝ guŋdǝ Cogn. ⁴ Ɗaŋ a tayi a tsǝnghǝn tǝ yaŋshi a lǝǝb namboŋ a ta caa shi yir ɓak gaan Urshelima hŋ ,bed tǝ gi tǝ ɓuɓ mbinghǝn ɗa raai kǝ Daadǝn ,gyo ɗaŋ caa wul tu, "Kǝ wum ɓasǝm ⁵ nǝ dur tu ciɓ Yahaya a ta fi baftismai tǝ zha, bet tǝ gii ta fiki gwan mǝn tǝ zhipti var ɗuun tǝ mɓutkǝn njwaatn ⁶ Kili yo ɗaŋ ci ciimshi she tǝ ced tǝ, "Daadǝn, a kili giin kǝnnda ka sular guŋdǝ Israila mǝ naa?" ⁷ A wulshi tu, "Yisǝŋ nghǝn kili tǝ dzaŋ yo ɗaŋ Daagǝn fii tǝ vartǝwos nǝ gwaan hŋ. ⁸ Bed tǝ gii ka kaɓ vartǝ , ǝŋ zhiptǝ var ya shiiɗi ɓaski ,kiles kǝnnda kaa tlyem zha mǝn giɓ Urushalima tǝ ɓuruk gib Yahudiya tǝ Samariya hal tǝ ɗeɓad ɓanci ghǝ Ɗǝgn. ⁹ Kili yo ɗaŋ Daadǝ Yesu kon nghǝrshi gya giin,ɗaŋ cigha yaalghǝn gaami ,she tǝ ta mɓitii gaami, kurvon ta waad tii a yir wasǝŋ ¹⁰ . Ɗaŋ tǝ ta ciken tǝ yaalghǝn gaami ɗaŋ aa tlii, gaɓak she mǝnmonci won mbǝlǝm a ken wasǝŋ tǝ lǝŋsǝ pak-pak. ¹¹ Tǝ wulshi tu "kyaani mǝnGalili ni caa kya dlǝǝr ɗuun kyaa yaal gamme? Yesu a a tai gammi wo suutǝ ɗi daɓak ɗaŋ gii ɗaŋ kǝ yel taghǝn wos gaami. ¹² Ɗaŋ tǝ sushiɖi ɗa wuur Zaitunes tǝ tlii Urushelima ,gyo ɗaŋ yi mel tǝ Urshalima ,nǝ ghǝ riighǝn vyaghǝn dzaŋ. ¹³ Ɗaŋ tǝ ta tulidi , she tǝ ta dlaari tǝ nɗaai giiɓ suumi lǝɓ yo ɗaŋ caa tsǝtn ngai .Yaŋshi kǝn ci gyaa Biturus ,Yohanna, Yakub,Andarawus,Filibus, Toma,Bartalamalus,Matta, Yakub kuni Alfa ,Siman murghǝkashi yatl wasǝŋ ,tǝ Yahuza kuni Yakub. ¹⁴ Ɓuruk wasǝŋ tǝ jwaam gaam wasǝŋǝi vi nambong, tǝ ken tǝ naghaɗ kǝn a karaghǝn Cogn .Yaŋshi tǝ gyaa guɗi, Maryamu naa Yesu, tǝ yesashi. ¹⁵ A giib kǝ mbuɗkǝni gya gii Biturus ta shishi dlǝǝrni a dlei gya ŋaa naa lǝǝdkǝn wasǝŋ ta fii kuri nambong tǝ tashi mbǝlǝŋ ,a wultu, ¹⁶ "Mǝnwopm ,a ta naa ciɓ vik cogn tǝ yughǝi ɗaŋ zhjptǝ var kon ɗa kaari a vik Dauda nǝ dur Yohuza ,gyo ɗaŋ a nda mǝn nguɓken Yesu ɗa kenni. ¹⁷ Duryo tu a tayi namboŋ a giiɓi wopm a ta nɗǝr kaɓ mɓaki woshi kǝ laa yo nɗaŋ a fii." ¹⁸ (Muurin diib lǝǝb wos tǝ vǝǝnnghǝ kuskǝ raa an ndaaɗi, a dlar vwaa woshi ,wotka wos tǝ paashi ɗi. ¹⁹ Mǝn Urshalima ɓuruk tǝ wum nghǝrshi gii, nǝ durghǝ gii tǝ ciim lǝǝɓes tǝ viwasǝŋ tu, "Akeldama" nǝ dur tu "nǝ leebkǝ voraŋ") ²¹ Nǝ durghǝ gii a naa ciɓ namboŋ a giib kǝ gya gyo ɗanŋ,mii ciimshi ɓaŋ ɗǝŋs kiliyo ɗaŋ Daadǝn Yesu a ta ya nda-nyol a dlei wopm. ²² Ngabkǝnɗi a baftisma Yohanna hal ɗi a dzaŋ yo ɗaŋ tǝ ta mɓiiti gaami,wo naa namboŋ tǝ myanni agib kǝ mǝn tlyaghǝn zhakǝ shishii ghǝn wos. ²³ Tǝ dlǝǝlar zaarsǝ mbǝlǝŋ a ken wasǝŋ ,Yusufu gyo ɗaŋ sǝm wos tu Barsabbas, gyo ɗaŋ caa ciim tǝ tu Matayas. ²⁴ Tǝ kara Cogn tǝ wul tu, "Daadǝn,kaa yisǝŋ raaghǝ zaarsǝi ɗeɓad, giidmi muryo ɗaŋ kǝ bwaami mǝn a mǝnin mbǝlǝŋǝn ²⁵ nǝdurghǝ tu tǝ kaɓ laaghǝ mǝnshigǝn yo ɗaŋ Yahuza gaami tlii a lǝbwos. Tǝ gǝm bwaagha a gaam wasǝŋ." ²⁶ bwaaghǝnes naa gaam Matayas, nǝ gii tǝ ta kwaan tǝ a giib kǝ mǝnshinngǝn tǝ dzuɓ tlitii namboŋyes.