¹ ۱۔ غرض ہم زور آوروں کو چاہئے کہ ناتوانوں کی کمزوریوں کی رعایت کریں نہ کہ اپنی خُوشی کریں۔ ² ۲۔ ہم میں ہر شَخص اپنے پڑوسِی کو اُس کی بِہتری کے واسطے خُوش کرے تاکہ اُس کی ترقّی ہو۔ ³ ۳۔ کِیُونکہ مسِیح نے بھی اپنی خُوشی نہِیں کی بلکہ یُوں لِکھا ہَے کہ تیرے لعن طعن کرنے والوں کے لعن طعن مُجھ پر آپڑے۔ ⁴ ۴۔ کِیُونکہ جِتنی باتیں پہلے لِکھی گئِیں وہ ہماری تعلِیم کے لِئے لِکھی گئِیں تاکہ صبر سے اور کِتاب مُقدّس کی حوصلہ افزائی سے اُمِید رکھّیں۔ ⁵ ۵۔ اور اب خُدا صبر اور تسلّی کا چشمہ تُم کو یہ تَوفِیق دے کہ مسِیح یِسُوعؔ کے مُطابِق آپس میں یک دِل رہو۔ ⁶ ۶۔ تاکہ تُم یک دِل اور یک زبان ہوکر ہمارے خُداوند یِسُوعؔ مسِیح کے خُدا اور باپ کی تمجِید کرو۔ ⁷ ۷۔ چُنانچِہ جِس طرح مسِیح نے خُدا کے جلال کے لِئے تُم کو اپنے ساتھ شامِل کرلِیا ہَے اُسی طرح تُم بھی ایک دُوسرے کو شامِل کرلو۔ ⁸ ۸۔ مَیں کہتا ہُوں کہ مسِیح خُدا کی سَچّائی ثابِت کرنے کے لِئے مختُونوں کا خادِم بنا تاکہ اُن وعدوں کو پُورا کرے جو باپ دادا سے کِئے گئے تھے۔ ⁹ ۹۔ غَیر قَومیں بھی رحم کے سبب سے خُدا کی حمد کریں۔ چُنانچہ لِکھا ہے کہ اِس واسطے مَیں غَیر قَوموں میں تیرا اِقرار کرُوں گا اور تیرے نام کے گیت گاؤں گا۔ ¹⁰ ۱۰۔ اور پھِر وہ فرماتا ہَے کہ اَے غَیر قَومو! اُس کی اُمّت کے ساتھ خُوشی کرو۔ ¹¹ ۱۱۔ پھِر یہ کہ اَے سب غَیر قَومو! خُداوند کی حمد کرو اور سب اُمّتیں اُس کی ستایش کریں۔ ¹² ۱۲۔ اور پھریسعیاہ بھی کہتا ہَے کہ یسّی کی جڑ ظاہِر ہوگی یعنی وہ شَخص جو غَیر قَوموں پر حُکُومت کرنے کو اُٹھے گا اُسی سے غَیر قَومیں اُمِید رکھّیں گی۔ ¹³ ۱۳۔ چُنانچِہ خُدا جو اُمِید کا چشمہ ہَے تُمہیں اِیمان رکھنے کے باعِث ساری خُوشی اور اِطمینان سے معمُور کرے تاکہ رُوحُ القُدس کی قُدرت سے تُمہاری اُمِید زیادہ ہوتی جائے۔ ¹⁴ 4۱۴۔ اور اَے میرے بھائِیو! مَیں خُود بھی تُمہاری نِسبت یقِین رکھتا ہُوں کہ تُم آپ نیکی سے معمُور اور تمام معِرفت سے بھرے ہو اور ایک دُوسرے کو نصِیحت بھی کرسکتے ہو؟ ¹⁵ ۱۵۔تاہم مَیں نے بعض جگہ خدا کے اُس فَضْل کے وسیلہ سے جو مجھ پر ہوا تمھیں زیادہ دِلیری کے ساتھ یاد دِلانے کے طَور پر لِکھا ہَے ۔ ¹⁶ ۱۶۔چُنانچِہمجھے غیر قوموں کے لئے مسیح یسوعؔ کا خادم ہونے کی توفق ملی ہَے تاکہ خُدا کی خُوشخَبری کی خِدمت کاہِن کی طرح انجام دُوں تاکہ غَیر قَومیں نذر کے طَور پر رُوحُ القُدس سے مُقدّس بن کر مقبُول ہوجائیں۔ ¹⁷ ۱۷۔سومَیں اُن باتوں میں جو خُدا سے مُتعلِّق ہَیں مسِیح یِسُوعؔ کے باعِث فخرکر سکتا ہُوں۔ ¹⁸ ۱۸۔کِیُونکہ مُجھے کِسی اَور بات کے ذِکر کرنے کی جُرأت نہِیں سِوا اُن باتوں کے جو مسِیح نے غَیر قَوموں کی اطاعت کے لِئے قَول اور فعِل کے ذریعے مجھ میں سے پوری کِیں۔ ¹⁹ ۱۹۔نشِانوں اور معُجزوں کی طاقت سے اور رُوحُ القُدس کی قُدرت سے یہاں تک کہ مَیں نے یروشلِؔیم سے لے کر چاروں طرف اُلُّرکؔم تک مسِیح کی خُوشخَبری کی پُوری پُوری منادی کی۔ ²¹ ۱۹۔نشِانوں اور معُجزوں کی طاقت سے اور رُوحُ القُدس کی قُدرت سے یہاں تک کہ مَیں نے یروشلِؔیم سے لے کر چاروں طرف اُلُّرکؔم تک مسِیح کی خُوشخَبری کی پُوری پُوری منادی کی۔ ²⁰ ۲۰۔اور مَیں نے یہِی حَوصلہ رکھّا کہ جہاں مسِیح کا نام نہِیں لِیا گیا وہاں خُوش خَبری سُناؤں تاکہ دُوسرے کی بُنیاد پر عمِارت نہ اُٹھاؤں۔ ²² ۲۲۔اِسی لِئے مَیں تُمہارے پاس آنے سے بار بار رُکا رہا۔ ²³ ۲۳۔مگر چُونکہ مُجھ کو اَب اِن مُلکوں میں جگہ باقی نہِیں رہی اور بہُت برسوں سے تُمہارے پاس آنے کا مُشتاق بھی ہُوں۔ ²⁴ ۲۴۔ اِس لِئے جب اِسفاؔنیہ کو جاؤں گا تو تُمہارے پاس ہوتا ہُؤا جاؤں گا کِیُونکہ مُجھے اُمِید ہَے کہ اُس سفر مَیں تُم سے مِلُوں گا اور جب تُمہاری صُحبت سے کِسی قدر میرا جی بھر جائے گا تو تُم مُجھے اُس طرف روانہ کر دو گے۔ ²⁵ ۲۵۔لیکِن بِالفعل تو مُقدّسوں کی خِدمت کرنے کے لِئے یروشلِؔیم کو جاتا ہُوں۔ ²⁶ ۲۶۔ کِیُونکہ مکِدُنؔیہ اور اَخؔیہ کے لوگ یروشلِؔیم کے غِریب مُقدّسوں کے لِئے کُچھ چندہ کرنے کو رضا مند ہُوئے۔ ²⁷ ۲۷۔کِیا تو رضا مندی سے مگر وہ اُن کے قرضدار بھی ہَیں کِیُونکہ جب غِیر قَومیں رُوحانی باتوں میں اُن کی شِریک ہُوئی ہَیں تو لازِم ہَے کہ جِسمانی باتوں میں اُن کی خِدمت کریں۔ ²⁸ ۲۸۔ چُنانچِہ مَیں اِس خِدمت کو پُورا کر کے اور جو کُچھ حاصِل ہُؤا اُن کو سَونپ کر تُمہارے پاس ہوتا ہُؤا اِسفاؔنیہ کو جاؤں گا۔ ²⁹ ۲۹۔اور مَیں جانتا ہُوں کہ جب تُمہارے پاس آؤں گا تو مسِیح کی کامِل بَرکَت لے کر آؤں گا۔ ³⁰ ۳۰۔اور اَے بھائِیو! مَیں یِسُوعؔ مسِیح کا جو ہمارا خُداوند ہَے واسطہ دے کر اور رُوح کی محبّت کو یاد دِلا کر تُم سے اِلتماس کرتا ہُوں کہ میرے لِئے خُدا سے دُعائیں کرنے میں میرے ساتھ مِل کر جانفشانی کرو۔ ³¹ ۳۱۔ کہ مَیں یہُودیہ کے نافرمانوں سے بَچا رہُوں اور میری وہ خِدمت جو یروشلِیم کے لِئے ہَے مُقدّسوں کو پسند آئے۔ ³² ۳۲۔اور خُدا کی مرضی سے تُمہارے پاس خُوشی کے ساتھ آ کر تازہ دم ہو سکُوں۔ ³³ ۳۳۔خُدا جو اِطمینان کا چشمہ ہَے تُم سب کے ساتھ رہے۔ آمین۔