1
۱۔ جیہڑے ویلے فرشتے نے میکوُ حیاتی دے پانی دا دریا ڈِکھایا، پانی بلور دی کار صاف ہا۔ ایہہ خدا تے بّرہ دے تخت وِچوں واہندا پیا ہا۔
2
۔ شہر دی سڑک دے وِچ جیندے ڈوُہاں پاسے دریا واہندا ہا اَتے حیاتی دا درخت ہا جیندے وِچ بارہ طرح دے پھل لگدے ہَن جو بارہ مہینے لگے راہندے ہَن۔ اِیں درخت دے پتے لوگاں کیتے شفا دا کم کریندے ہَن۔
3
۔ اُتھاں لعنت نہ ہوسی کیوں جو خدا تے بّرہ دا تخت شہر اِچ ہوسی، اَتے خادم اوُندی خدمت کریسن۔
4
۔ اوہ اوُندا مُنہ ڈیکھسن اَتے اوُندا ناں اُنہاں دے متھیاں تے ہوسی۔
5
۔ اُتھاں رات منہ ہوسی، اُنہاں کوُ ڈیوے تے سِجھ دی روشنی دی ضرورت نہ ہوسی، کیونکہ خداوند خدا آپ اُنہاں تے روشنی سٹیسی۔ اوُں دی سلطنت ہمیشہ ہمیشہ تک راہسی۔
6
۔ فرشتے نے میکوُ آکھیا، ایہہ الفاظ سچے تے اعتماد دے قابل ہِن کہ خداوند نے جو نبیاں دی روح دا خدا ہِے۔ اپنے فرشتے کوُ خادماں کوُ ڈِکھاون کیتے بھیجیا ہا کہ کیا کجھ جلدی تھیون آلا ہِے۔
7
۔ ڈیکھ! میں جلد آون آلا ہاں، مبارک ہِے اوہ جو ایں کتاب دی نبوت دیاں گالہیں تے عمل کریندا ہِے۔
8
۔ میں یوحنا کلہا ہاں جئیں نے ایہہ گالہیں ڈِٹھیاں تے سُنیاں ہِن۔ جیہڑے ویلے میں ڈِٹھا تے سُنیا تاں اوُں فرشتے دے پیراں وِچ ڈھے کے سجدہ کیتا جئیں نے میکوُں ایہہ گالہیں ڈِکھایاں ہَن۔
9
۹۔ اوُں نے میکوُ آکھیا، ''ایویں نہ کرو، کیوں کہ میں وی تہاڈی طرح، تہاڈے بھراواں تے نبیاں دی طرح ہم خدمت ہاں اَتے اُنہاں ساریاں دی طرح جو اوُں کلام دی تابعداری کریندے ہِن۔ خدا دی پرستش کرو!''
10
۱۰۔ اوُں نے میکوُ آکھیا، ''اِیں کتاب دی نبوت دی گالہیں تے ٹھپا نہ لا اِیں کیتے جو ویلہ نیڑے ہِے۔''
11
۱۱۔ ''اوہ جیہڑا ناراست ہِے، اوہ نارستی کریندا ونجے، جو پاک ہِے اوہ پاک ای تھیندا ونجے۔''
12
۔ ڈیکھو! میں چھیتی آون آلا ہاں، اَتے ساریاں کوُ اُنہاں دے کماں دے موافق ڈیون کیتے اجر میڈے کول ہِے۔
13
۔میں الفا تے اومیگا اوّل وآخر ابتدا وانتہا ہاں۔
14
۱۴۔ مبارک ہِن اوہ جنہاں نے اپنے کپڑے دھوتے ہِن اوہ حیاتی دے درخت تھوں کھاون دا اختیار پاسن تے اُنہاں بوہیاں وِچوں لنگھ ویسن۔
15
۱۵۔ کتے، حرامکار، جادوگر، خونی، بت پرست تے ہر ہک کوُڑی گالھ دا پسند کرن آلا تے اُنہاں تے عمل کرن آلا باہر راہسی۔
16
۱۶۔ میں یسوع نے اپنا فرشتہ کلیسیاواں دے کول ایں گالھ دی تصدیق کیتے گھلیا ہا جو میں داؤد دی اصل ونسل توں تے سویر دا چمکدا ستارہ ہاں۔
17
۱۷۔ روُح تے کوار آدھِن، ''آ!'' تُو جو سُندا ہئیں آکھ، ''آ!'' جو پیاسا ہِے آوے، اَتے جو خواہش کریندا ہِے اوُں کوُ زندگی دا پانی مفت ڈِتا ویسی۔
18
۱۸۔ اِیں کتاب دی نبوت دیاں گالہیں سُنن آلے دی تصدیق کریندا ہاں جو اگر کوُئی اِیں کتاب اِچ ودھیندا ہِے تاں خدا اِیں کتاب وِچ لکھیاں ہویاں ساریاں آفتاں اوُں دے تے آسن۔
19
۱۹۔ اگر کوُئی اِیں نبوت دی کتاب وِچوں کجھ کڈھ چھوڑے تاں خدا اوُں دا حصہ حیاتی دے درخت اِچوں تے پاک شہر اِچوں کڈھ چھوڑیسی جئیں دا ذکر اِیں کتاب وِچ کیتا گیا ہِے۔
20
۲۰۔ جو اِنہاں گالہیں دی گواہی ڈیندا ہِے آکھسی ''میں چھیتی آون آلا ہاں! آمین! یسوع مسیح آ!۔
21
۲۱۔ تہاڈے ساریاں تے خداوند یسوع دا فضل تھیندا راہوے۔(آمین)۔