1
۱۔ ایہہ یسوع مسیح دا مکاشفہ ہِے جو اوُں کوُ ڈِتا گیا ہا تاں جواپنے بندیاں کوُ اوہ شئیاں ڈِکھاوے جیہڑیاں چھیتی تھیون آلیاں ہِن اوُں نے ساریاں گالہیں اپنے فرشتے کو گھل کے اپنے بندے یوحنا تے ظاہر کیتیاں ہِن۔
2
۔ یوحنا نے اوُنہاں ساریاں چیزاں دی گواہی ڈِتی جئیں کوُ اوُں نے ڈِٹھا تے یسوع مسیح دی شہادت ڈِتی۔
3
۔ مُبارک ہِے اوہ جیہڑا ایں نبوت کوُ اُچی آواز نال پڑھدے۔ اَتے اوہ سارے اوُں کوُ سُن دے ہِن۔ نبوت دے اِیں کلام کوُ اَتے جو کجھ ایندے وِچ لکھیا ہِے عمل کریندے ہِن، کیوں جو ویلہ نیڑے ہِے۔
4
۔ یوحنا دی طرفوں ستّاں کلیسیاواں دے ناں جیہڑیاں آسیہ وِچ ہِن، اَتے اوہ جیہڑا ہِے اَتے جیہڑا ہائی، اَتے جیہڑا آون آلا ہِے اَتے اوہ روُحاں جیہڑیاں اوُندے تخت دے سامنے ہِن۔
5
۔ اَتے یسوع مسیح دی طرفوں، جیہڑا وفادار گواہ ہِے، مُردیاں وِچوں زندہ تھیون آلیاں وِچوں پلیٹھی دا، تے زمین پر دے حاکماں تے حاکم، تہاکوں فضل تے اطمینان حاصل تھیندا راہوے جیہڑا ساکوُ پیار کریندا ہِے اَتے جئیں نے اپنے خون دے پاروں ساکوں ساڈے گناہاں تھوں آزادی ڈِتی۔
6
۔ اَتے ساکوُ ہک بادشاہی ڈِتی تے اپنے خدا تے باپ کیتے کاہن وی بنا ڈِتے۔ اوُں دا جلال تے سلطنت اخیر تائیں قائم راہوے۔ آمین۔
7
۔ ڈیکھو! اوہ چھیتی بدلاں تے آون آلا ہِے، ہر اَکھ اوُں کوُ ڈیکھسی، اَتے اوہ وی جنہاں نے اوُں کوُ زخمی کیتا ہِے اَتے زمین دے سارے قبیلے اوُں دے پاروں ماتم کریسن بےشک، آمین۔
8
۔ خداوند خدا فرماندے! میں الفا تے اومیگا ہوں اوہ جو ہِے، اَتے جیہڑا ہائی، اَتے جیہڑا آون آلا ہِے، جیڑا قادرِمطلق ہِے۔
9
۹۔ میں یوحنا، تہاڈا بھرا تے یسوع مسیح دی مصیبت، بادشاہی تے صبر اِچ تہاڈا شریک ہاں۔ جیہڑا خدا دے کلام تے یسوع دی گواہی دے پاروں اوُں جزیرہ وِچ ہامی جیہڑا پتمس اکھویندا ہِے۔
10
۱۰۔ خداوند دے ڈیں روُح وِچ آگیا۔ میں اپنے پیچھوں نرسنگے جئی آواز سُنی۔
11
۱۱۔ اَتے میکوُ حکم ملے جو توں ڈِٹھے اوُں کوُ کتاب اِچ لکھ گھن تے اوُں کوُ ستّاں کلیسیاواں کوُ گھل چھوڑ۔ یعنی افسس تے سُمرنہ تے پُرگمن تے تھواتھیرہ تے سردیس تے فلدلفیہ تے لودیکیہ ۔
12
۔ میں پَرت کے ڈِٹھا کہ کیہڑی آواز میڈے نال گالہیں کریندی پئی ہِے۔ اَتے جیہڑے ویلے میں پَرت کے ڈِٹھا تاں میں سونے دے سَت چراغدان ڈِٹھے۔
13
۔ اَتے اُنہاں چراغداناں دے وِچ ہک آدمزاد کھڑا ڈِٹھا جئیں پیراں تائیں لمبا چوغہ پاتا ہویا ہا تے اپنی چھاتی تے سونے دا سینہ بند بدھے ہوئے ہا۔
14
۱۴۔ اوُندا سَر تے وال اوُن دی طرح بلکہ برف دی مانند چٹے ہَن، اَتے اوُندیاں اَکھیاں اَگ دی چنگاڑھی دی طرح ہَن۔
15
۱۵۔ اوُں دے پیر خالص چاندی دی طرح ہِن جینکوُ بھٹی وِچ تپایا گیا ہوئے۔ تے اوُں دی آواز زور نال چلدے ہوئے پانی دی طرح ہائی۔
16
۱۶۔ اوُں دے سجے ہتھ سَت تارے ہَن، تے اوُندے مُنہ چوں ڈوُ دھار آلی تیز تلوار نکلدی ہا۔ اوُں دا چہرہ ایویں چمکدا ہا جیویں سِجھ اپنی تیز سوجھلے نال چمکدا ہَے۔
17
۱۷۔ جڈاں میں اوُں کوُ ڈِٹھا، میں اوُندے پیراں اِچ مُردہ تھی کے ڈھِے پیا، اوُں نے اپنا سجا ہتھ میڈے تے رکھیا تے اکھیا، نہ گھابر۔ میں اوّل تے آخر ہاں۔
18
۱۸۔ اَتے میں زندہ ہاں۔ میں مَر گیا ہامی، پر ڈیکھ میں ہمیشہ زندہ راہساں۔ موت تے عالم ارواح دی کنجیاں میڈے کول ہِن۔
19
۱۹۔ پس جو کجھ تُساں ڈِٹھا ہِے، جو تھیندا پئے تے جو کجھ اِیندے بعد تھیون آلا ہِے اوُں کو ڈیکھ گھن۔
20
۲۰۔ جیہڑے سَت تارے میڈے سجے ہَتھ اِچ تُساں ڈِٹھے ہِن، تے سونے دے سَت چراغدان جیہڑے توں ڈِٹھے ہِن: سَت تارے سَت کلیسیاواں دے فرشتے ہِن۔ اَتے سَت چراغدان سَت کلیسیاواں ہِن۔