1
۱۔ اوُں ویلے روح یسوع کُوں جنگل اِچ کھن گیا تاں جو شیطان کولُوں آزمایا ونجے ۔
2
۲۔ ول چالیس ڈیں تے چالیس رات تایں فاقہ کر کے چھیکڑ تے اوُں کُوں بھُک لگی۔
3
۳۔ تاں آزماؤن آلے نے کول آ کے اوُں کوں اکھیا اگر تُوں خُدا دا پُتر ہئیں تاں اِنہاں پتھراں کُوں آکھ کہ اے ٹُکر بن ونجن۔
4
۴۔ ول یسوع نے اوُں کوُں جواب ڈِتا کہ بندہ صرف ٹُکر نال ای جیوندا نہ راہسی بلکہ ہر گالھ تھوں جیہڑی خدا دے منہ وِچوں نکلدی ہِے۔
5
۵۔ وَل شیطان اوُں کوُں پاک شاہر اِچ گِھن گیا اَتے ہیکل دی ساریاں تھوں اُچی جاہ تے کھڑا کر کے اوُں کوُ آکھیا ۔
6
۶۔ اگر تُوں خدا دا پُتر ہئیں تاں اپنے آپ کوُ تھلے سُٹ ڈےکیوں جو لکھا لاتھے کہ اوہ تیڈے کیتے اپنیاں فرشتیاں کوُ حکم ڈیسی اَتے اوہ تیکوُ اپنے ہتھاں تے چا گِھنسن تاں جو اے نہ تھیوے کہ تیڈے پیراں کوُ تھُڈا لگے۔
7
۷۔ یسوع نے اوُں کُوں آکھیا اے وی لکھا لاتھے کہ تُوں خداوند اپنے خدا دی آزماش نہ کر۔
8
۸۔ وَل شیطان اوُں کوں ہک بہوں اُچے پہاڑ تے گھن گیا اَتے دنیا دی ساریاں سلطنتاں تے اُنہاں دی ساری شان و شوکت اوُں کوُں ڈِکھائی۔
9
۹۔ تے وَل اوُں کوُں آکھیا کہ اے ساری شان و شوکت میں تیکوں ڈے ڈیساں اگر توں میکوں جھک کے سجدہ چا کریں۔
10
۱۰۔ یسوع نے اوُں کوُں آکھیا کہ توں خداوند اپنے خدا ای کوُں سجدہ کر تے صرف اوُندی ای عبادت کر۔
11
۱۱۔ وَل شیطان اوُں دے کولُوں لگا گیا تے فرشتے آکے اوُں دی خدمت کرن لگ پئے۔
12
۱۲۔ ول جیہڑے ویلے یسوع کو پتہ لگے کہ یوحنا کوُں پکڑوا ڈِتا گیا ہِےتاں اوہ گلیل کوُ لگا گیا۔
13
۱۳۔ اَتے ناصرت کوُں چھوڑ کے کفر نحوم اِچ وَنج ریہاہ جو گلیل دی جھیل دے کنڈے زبولوُن تے نفتالی دے علاقے وچ ہِے۔
14
۱۴۔ تاں جو یسعیاہ نبی دی معرفت آکھیا گیا ہائی او پُورا تھیوے کہ۔
15
۱۵۔ زبولون تے نفتالی دی زمین دریائے یردن دے پار غیر قوماں دی گلیل۔
16
۱۶۔ جیہڑے لوگ اندھارے وِچ بیٹھے ہَن اُنہاں نے عظیم نُور ڈِٹھا تے اوہ جیہڑے اپنے خطے تے موت دے سائے دے ہیٹھاں بیٹھے ہن اُوہناں تے ہک نور چمکے۔
17
۱۷۔ اوُں ویلے تھوں یسوع نے پر چار کرنا شروع کیتا تے آکھیا توبہ کرو کیوں جو آسمان دی بادشاہی نیڑے آگئی ہِے۔
18
۱۸۔ ول او گلیل دی جھیل دے کنارے ٹُردا ویندا ہا تے اوُں نے ڈو بھراواں کو ڈِٹھا شمعون جیہڑا پطرس اکھواندا ہا تے اوُں دا بھِرا اندریاس کوُ جھیل وِچ جال سٹیندیاں ہویاں ڈِٹھا کیوں جو اوہ مچھیرے ہن۔
19
۱۹۔ یسوع نے اوہناں کوُ آکھیا میڈے پچھوں آؤ تاں میں تُہاکوں آدم گیر بنیساں۔
20
۲۰۔ اُنہاں نے جلدی نال اپنے جال چھور ڈِتے تاں اوُں دے پچھوں ٹُر پئے۔
21
۲۱۔ وَل اوہ اُتھوں ٹُر پیا تاں اَگے آ کے اوُں نے ڈو بھراواں یعنی زبدی دے پُتراں یعقوبؔ تے اُہناں دے بھرا یوحنا کُوں ڈِٹھا کہ اوہ اپنے پیو زبدی دے نال کشتی وِچ اپنے جال ٹھیک کریندے پئے ہن تاں اُنہاں کوُ اپنے وَل سڈیا ۔
22
۲۲۔ تاں اُنہاں نے جلدی نال اپنی کشتی تے اپنے پیو کو چھوڑ کے اُوندے پیچھوں ٹُر پئے ۔
23
۲۳۔ یسوع گلیل دی جھیل کے سارے علاقیاں وِچ پھردا ریہا تے اُنہاں دے عبادت خانہ وِچ تعلیم ڈیندا تے خدا دی بادشاہی دا پرچار کریندا تے بندیاں دی ہر طرح دی بیماریاں تھوں شفا ڈیندا ریہا۔
24
۲۴۔ اوُں دے بارے وِچ اے خبر سوریہ دے سارے علاقیاں وِچ پھیل گئی تاں لوگ سارے بیماراں کو اوندھے کول گِھن آئے کئی مریض تاں طرح طرح دی بیماریاں وِچ پھسے ہوئے ہَن جیہڑے بندے شیطان دی پکڑ اِچ ہن مرگی آلیاں تے مفلوُجاں کوُ یسوع کول گِھن آئے تے یسوع نے اُنہاں کوُں چنگا کر ڈِتا۔
25
۲۵۔ گلیل تے دکپلس تے یروشلیم تے یہودیہ تے یردن دے پار ہک بہوں وڈا ہجوم اُوندھے پِچھوں تھی پیا۔