1
۱۔جڈاں ہیرودیس بادشاہ دے زمانے وِچ یسوع دے یہودیہ دے بیت الحم وچ جمن دے کجھ عرصہ بعد مجوسی ڈبھار کولُوں یروشلیم وچ اِے آدھے ہوئے آئے کہ۔
2
۲۔ یہودیاں دا بادشاہ جیہڑا جمیا ہِے او کِتھاں ہِے؟ کیوں جو اساں ڈبھار اِچ اوندھا تارا ڈیکھ کے اوُں کوُں سجدہ کرن کیتے آئے ہئیں۔
3
۳۔ ول ہیرودیس بادشاہ نے ایہہ سُن کے تے اوندھے نال دے سارے بندے گھبریج گئے۔
4
۴۔ ہیرودیس نے سارے وڈیریاں تے کاہناں تے فقیہیاں کوُ کھٹا کیتا تے اُنہاں کولوں پُوچھیا جو مسیح کِتھاں پیدا تھیسی۔
5
۵۔ اوہناں نے اوُں کوُ ڈسایا یہودیہ دے بیت لحم وِچ کیونکہ نبی دی معرفت ایہو لکھاگیا ہِے کہ۔
6
۶۔ اے بیت لحم یہوداہ دے علاقے تُو یہوداہ دے وڈیریاں وچوں ہرگز چھوٹا نئیں کیونکہ تیڈے وچوں ہِک وڈیرا نکلسی جیہڑا میڈی اُمت اسرائیل دا آجڑی ہوسی ۔
7
۷۔ وَل ہیرودیس نے چُپ کر کے مجُوسیاں کوُں کھٹا کیتا تاں اُنہاں کولوں تارے دے بارے پُوچھیا کہ اوہ کیہڑے ویلے ڈِٹھا ہا۔
8
۸۔ وَل ایہہ آکھ کے اُنہاں کوُں بیت لحم کو گھلیا کہ ونجو تے اوُں بال کُوں چنگی طرح گولو جیہڑے ویلے بال تُہاکُوں مل ونجے تے میکوُں آن کے ڈساؤ تاں جو میں وی اوُں بال کو سجدہ کر سگاں ۔
9
۹۔ اوہ بادشاہ دی گالھ سُنن دے بعد اُہناں نے اپنی راہ گِدی تاں ڈیکھو اوہ تارا جیہڑا اُنہاں نے چڑھدے پاسے ڈِٹھا ہائی اوہ اُنہاں دے اَگے اِگےٹُر پیا اِتھوں تک کہ اوُں جاہ تے ونج کے رُک گیا جِتھاں اوہ بال ہا۔
10
۱۰۔ جیہڑے ویلے اُنہاں نے تارے کو ڈِٹھا تے او خُوشی نال بھر یج۔
11
۱۱۔ اوہ اوُں گھر دے اندر گئے تے نِکے بال کوُ اپنی ماں مریم دے کول ڈِٹھا تے اُنہاں نے جھُک کے اوُں کوُں سجدہ کیتا وَل اُنہاں نے اپنے ڈبے کھول کے سونا تے لُبنان تے مُر اوُں کوُں نظر کیتے۔
12
۱۲۔ وَل خدا نے اُنہاں کُوں خواب وِچ آکھیا کہ ہیرودیس کوں ول نہ ونجو وَل اوہ ڈوجھی راہ تھوں اپنے وطن ول روانہ تھی گئے۔
13
۱۳۔ اُنہاں دے روانہ تھیون دے بعد یوُسف کُوں خواب وِچ خُداوند دا فرشتہ ڈِکھائی ڈِتا وَل اوُں کوُ آکھیا اُٹھ۔ بال تے اوہندی ماں کُوں گھِن کے مصر کوُ بھج ونجو اَتے جیہڑے ویلے تائیں میں تیکوُ نہ آکھاں اُتھائیں راہویں کیونکہ ہیرودیس اِیں بال کوُ گولیندا وَدا ہِے تاں جو اِیں کوُ مار سَٹے۔
14
۱۴۔ وَل رات دے ویلے یوسف اُٹھی کے بال تے اوہندی ماں کُوں گِھن کے مصر راوانہ تھی گیا۔
15
۱۵۔اوہ ہیرو دیس دے مرن تک اُتھائیں ریہا تاں جو ایہہ گالھ پوری تھی ونجے جیہڑی خُدا نے اپنے نبی دی راہئیں آکھی ہا کہ میں اپنے پُتر کُوں مِصر وچوں سڈائے۔
16
۱۶۔ جیہڑے ویلے ہیرودیس نے ڈِٹھا کہ مجوسیاں نے میڈے نال مذاق کیتے تاں اوہ بہوں غصے تھیا اَتے بندے گھل کے بیت لحم تے اوُں علاقے دے اندروں اوُں سارے بالاں کوُں مروا ڈِتا جیہڑے ڈوُ ڈوُ سال دے یا ایندے کولوں نکے ہَن۔ اوُں ویلے دے حساب نال جیہڑے اوُں مجوسیاں نے پتا کیتا ہا۔
17
۱۷۔ اوُں ویلے اوہ گالھ پوری تھئی جیہڑی یرمیاہ نبی دی معرفت آکھی گئی ہائی کہ۔
18
۱۸۔ رامہ وِچ ہِک آواز سُنائی ڈِتی۔ کہ روونا تے وڈا ماتم ۔ راخل اپنے بالاں کو روندی پئی ہِے تے اوُں نے ہر طرح دے سکون تے آرام دا انکار کر ڈِتے جو اوہ مر گئے ہِن ۔
19
۱۹۔ جیہڑے ویلے ہیرودیس مر گِیا تاں ڈیکھو خدا دے فرشتے نے مِصر وچ یوسف کُوں خواب اِچ آکے اوُں کوُں آکھیا۔
20
۲۰۔ اُٹھی تے اِیں بال تے اِیندی ماں کوُں گِھن کے اسرائیل دے مُلک اِچ لگا ونج کیونکہ جیہڑے بال دی جان گھنن آلے ہَن او مر گئے ہِن۔
21
۲۱۔ وَل یوسف اُٹھی کے تے بال تے اوہندی ماں کوُں گَھن کے اسرائیل دے مُلک وِچ لگا گیا۔
22
۲۲۔ پر جیہڑے ویلے اوُں کوُں پتہ لگے کہ ہیرودیس دی جاہ تے اُوہندا پُتر ارخلاؤس یہودیہ تے حکومت کریندا پیا ہِے تاں اُتھاں ونجن کولوں ڈر گیا اَتے خواب اِچ ہدایت گھِن کے گلیل دے علاقے کوُ روانہ تھی گیا۔
23
۲۳۔ اَتے ناصرت نامی ہِک شاہر دے وِچ راہون لگا تاں جو اے گالھ پوری تھیوے جیہڑی خدا نے نبیاں دی راہیئں آکھی گئی ہا کہ او ناصری اکھواسی۔