1
۱۔ یسوع مسیح اِبن داؤد پُتر ابراہام دا نسب نامہ ۔
2
۲۔ ابراہام تھوں اضحاق جمیا تے اضحاق تھوں یعقوب جمیا تے یعقوب تھوں یہوداہ تے اُوندے دے بھرا جمے۔
3
۳۔ تے ول یہوداہ تھوں فارص تے زارح تمرتھوں جمے۔تے فارص تھوں حصرون جمیا تے حصرون تھوں رام جمیا۔
4
۴۔ تے ول رام تھوں عمینداب جمیا تے عمینداب تھوں نحسون جمیا تے نحسون تھوں سلمون جمیا۔
5
۵۔ تے وَل سلمون تھوں بوعز راحب تھوں جمیا تے وَل بوعز تھوں عبید رُوت تھوں جمیا تے ول عبید تھوں یسی جمیا۔
6
۶۔ تے وَل یسی تھوں داؤد بادشاہ جمیا۔ تے وَل داؤد تھوں سلیمان اوُں ذال کولوں جمیا جیہڑی پہلے اوریا دی ذال ہائی۔
7
۷۔ وَل سلیمان تھوں رُحبعام جمیا تے وَل رُحبعام تھوں ابیاہ جمیا تے ابیاہ تھوں آسا جمیا۔
8
۸۔ آسا تھوں یہوسفط جمیا تے یہوسفط تھوں یورام جمیا تے وَل یورام تھوں عزیاہ جمیا۔
9
۹۔ تے وَل عزیاہ تھوں یوتام جمیا تے وَل یوتام تھوں آخز جمیا تے وَل آخز تھوں حزقیاہ جمیا۔
10
۱۰۔ تے وَل حزقیاہ تھوں منسی جمیا تے وَل منسی تھوں امون جمیا تے امون تھوں یوسیاہ جمیا۔
11
۱۱۔وَل او نپی کے بابل ونجن دے زمانے اِچ یوسیاہ تھوں یکونیاہ تے اوندے بھرا جمے۔
12
۱۲۔ اوہ نپی کہ بابل ونجن تھوں بعد یکونیاہ تھوں سیالتی ایل جمیا۔ وَل سیالتی ایل تھوں زربابل جمیا۔
13
۱۳۔ تے وَل زربابل تھوں ابیہود جمیا تے وَل ابیہود تھوں الیاقیم جمیا تے وَل الیاقیم تھوں عازورجمیا۔
14
۱۴۔ تے وَل عازور تھوں صدوق جمیا تے وَل صدوق تھوں اخیم جمیا تے اخیم تھوں الیہودجمیا۔
15
۱۵۔تے وَل الیہود تھوں الیعزر جمیا تے الیعزر تھوں متان جمیا تے متان تھوں یعقوب جمیا۔
16
۱۶۔ تے وَل یعقوب تھوں یوسف جمیا۔ ایہہ اوُں مریم دا پئے ہا جیندے وچوں یسوع جمیا ہا جیہڑا مسیح اکھویندا ہِے۔
17
۱۷۔ داؤد کولوں گھِن کے ابراہام تک ساریاں چوڈاں پشتاں تھیاں اَتے داؤد تھوں گھِن کے نپی کےبابل ونجن تائیں چودہ پشتاں اَتے نپی کے بابل ونجن تھوں گھِن کے مسیح تائیں چوڈاں پشتاں تھیاں ۔
18
۱۸۔ خداوند یسوع مسیح دا جمناں اِیویں تھیا کہ جڈاں اوُندی ماں مریم دی منگی یوسف دے نال تھئی تاں اونہاں وے ملن تھوں پہلاں ای روح القدس دی قدرت نال حاملہ تھی گئی۔
19
۱۹۔ اوُندے پئے یوسف نے جیہڑا نیک ہائی اوُں کوُ بدنام کرنا ناں چاہند ہا ۔ایں پاروں اوُں کوُ چُپ چاپ چھوڑ ڈیون دا ارادہ کیتے۔
20
۲۰۔ جیویں ہی اوہ اپنے دل دے وچ اے گالھ سوُچیندا پیا ہا کہ خدا دےفرشتے کوُ اوُں خواب ڈِٹھا، فرشتے نے اوُں کوُ آکھیا اَے یوسفؔ داؤد دے پُتر! اپنی ذال مریم کوُں اپنے گھر گھن آؤن تھوں نہ ڈر کیو ں جو اوُندے ڈھِڈ اِچ ہِے اوہ روح القدس دی قدرت تھوں ہے۔
21
۲۱۔ اوہ ہِک پُتر کوُں جمسی تے توُں اوندا ناں یسوع رکھیں کیوں جو اوہ اپنے بندیاں کوُں اُنھاں دے گناہواں تھوں بچا گھنسی۔
22
۲۲۔ اے سارا کجھ اوُں گالھ کوُں پورا کرن کیتے تھیا جو خدا نے اپنے نبی دی رائیں آکھیا ہا اوہ پورا تھیوے۔
23
۲۳۔ ڈیکھو ہک کنواری ڈِھڈ نال ہوسی تے پُتر جمسی اَتے اوندا ناں عمانوایل رکھسن جیندا ترجمہ ہِے خدا ساڈے نال۔
24
۲۴۔ یوسف نے اپنی نیندر تھوں جاگ کے تے اوُں ویں ای کیتا جیویں خدا دے فر شتے نے اوُں کوُں حکم ڈِتا ہا تے وَل اوہ مریم کوُں اپنی ذال دی حیثت نال اپنے گھر گھن آیا۔
25
۲۵۔ اَتے وَل اوہ اوُں ویلے تائیں کٹھے نہ تھئےجئیں ویلے تائیں اُنھاں نے اپنے پُتر کوُں جم نہ ڈِتا اَتے اُوں دا ناں
یسوع رکھیا۔