باب ۱

1 ۱۔ملاکی دی وجہ توں اسرائیل کیتے خداوند دا کلمہ 2 ۲۔خداوند ݙیسداں ہےکہ میں نے تہاڈے نال محبت رکھی ولا وی تساں اکھدے ہیوےکہ تیں نے کہیڑی ڳالھ کنوں ساڈے نال محبت ݙکھائی ہے؟کیا عیسو یعقوب دا بھیرا نا ہا خداوند دا آکھنڑں ہےتے وی میں نے یعقوب کنوں محبت رکھی۔ 3 ۳۔ولاوی عیسو کنوں نفرت کیتی ۔میں نے ہیں پہاڑیں کوں ویران ݙیتےولا ہنیں دی میراث کوں صحرائی چراگاہ بنڑا ݙیتا۔ 4 ۴۔جے ادوم آکھے کہ اساں برباد تاں ہوئے ولا وی ویران جاہیں کوں ولا تیار کریسوں تے فوجیں دا رب آکھدا ہے۔ او تیار کریسن تے میں سٹ ڈیساں ولا او شیطانگی دے حد ولا او قوم آکھویسن جیندے اُتے ہمیشہ خداوند دا ظلم ہے۔ 5 ۵۔ تساں اپنڑی اکھیں کنوں ݙیکھسو ولا آکھسو کہ اسرائیل دی حد کنوں ٻاہر وی خداوند عظیم ہے۔ 6 ۶۔ پُتر اپنڑے پیو دی عزت کریندا ہے۔غلام اپنڑے مالک کنوں ڈردا ہے ۔ بس جے میں پیو ہاں تے میڈی عزت کیتھا ہے؟ ولا جے میں مالک ہاں تے میڈا خوف کیتھا ہے؟ تہاکوں فوجیں دا رب آکھیندا ہے اے پادریوں تساں جہیڑے میڈے ناں دی تحقیر کرینداہو ے تاہم تساں آکھیندے ہوےکہ اساں کہیڑی ڳالھ وچ تیڈے ناں دی تحقیر کیتی ہے؟ 7 ۷۔ ذبح کرن آلی جہہ تے ناپاک روٹی ݙیندے ہیوے۔ تاں تساں آکھدے ہیوےکہ اساں نے کہیڑی ڳالھ وچ تیڈی توہین کیتی ہے؟ ہناں وچ جہیڑے آکھدے ہین کہ خداوند دی میز حقیر ہے۔ 8 ۸۔ولا جݙاڹاندھا جانور کوں قربانی کیتے آنیدے وے تے کجھ بُرا کائنی۔ ولا جݙاڹ لنگڑا تے بیمار آنیدے وے تے کجھ بُرا کائنی۔ہنڑ ایہوں اپنڑے مالک دی قربانی ݙےکیا او تہاڈے کنوں خوش تھیسی یا تہاڈے تے مہربانی کریسی۔فوجیں دا رب اکھیندا ہے۔ 9 ۹۔ بس تساں ہوں طرح خدا کنوں مہربانی طلب کریندے ونجو کہ تہاڈےتے رحم کرے۔ تہاڈے ہتھیں نے اتنا کجھ کیتا ہے۔بس او تہاڈے تے مہربان ہوسی ۔ فوجیں دا رب آکھیندا ہے۔ 10 ۱۰۔کاش کے تہاڈے وچ کوئی اینجھا ہوندا جہیڑا دروازے بند کریندا ولا تساں میڈے ذبح کرن آلی جہہ تے بے فائدہ بھاہ نہ ٻالے۔ میں تہاڈے کنوں خوش کائنی۔فوجیں دا رب آکھیندا ہے ولا تہاڈے ہتھ دا ہدیہ ہرگز قبول نہ کریساں۔ 11 ۱۱۔ ہیں سانگوں کے سیج نکلنڑ کنوں رکھ تے سیج غروب ہونڑ تک قومیں وچ میڈے ناں دی تمجید ہوندی ہے۔ ولا ہر ہک جہہ وچ میڈے ناں کیتے اگر بتی تے پاک نذرانہ ݙیتا ویندا ہے فی الحقیقت قومیں وچ میڈے ناں دی تمجید ہوندی ہے ۔فوجیں دا رب آکھیندا ہے۔ 12 ۱۲۔لیکن تساں اے آکھ تے ہوندی توہین کریندے ہیوے کہ خداوند دی میز ناپاک ہے ولا جہیڑا کھانا ہوندے اُتے اندے او ذلیل ہے ۔ 13 ۱۳۔تساں اے وی آکھدے ہیوے کہ ڈیکھ اے کینجھی زحمت ہے۔ ولا ہوندے تے نک چڑھدیں ہیوے۔ فوجیں دا رب آکھیندا ہے۔ ولا تساں ضد کنوں گھیدے ہوئے لنگڑے تے بیمار کوں آن تے قربانی ݙیندے ہیوے۔ تے کیا میں ہوں کوں تہاڈے ہتھ کنوں قبول کر گھینسا؟ خداوند آکھیندا ہے۔ 14 ۱۴۔ملعون ہے او دغاباز جیندے گل وچ نر ہے۔لیکن او منت من تے خداوند کیتے نقص آلی مادہ قربانی ݙیندا ہے۔ ہیں سانگوں میں عظیم بادشاہ ہاں فوجیں دا رب آکھیندا ہے۔ ولا قومیں وچ میڈا ناں مہیب ہے۔