1
۱۔ ولا ہنڑ اے کاہنو۔ تہاڈے کیتے اے حکم ہے۔
2
۲۔ جے تساں سونڑڑ آلے نہ ہوسو۔ ولا میڈے ناں دی تمجید کوں مدنظر نہ رکھےسو۔ فوجیں دا رب آکھیندا ہے تے میں تہاڈے تے لعنت بھیڄساں ۔ولا تہاڈی نصحتیں کوں قابل لعنت کر ݙیساں بلکہ قابل لعنت کر چکا ہاں ۔ ہیں سانگوں تساں نے ہوں کوں مد نظر کائنی رکھیا۔
3
۳۔ ݙیکھ میں تیڈے بازو کوں کٹ ݙیساں ولا تیڈے منہ گندگی یعنی تہاڈی قربانیں دا گند سٹ ڈیساں ولا تساں ہوندے نال سٹ ݙیتے ویسو۔
4
۴۔ ولا تساں ڄانڑ گھنسو کہ میں نے اے حکم تہاکوں ہیں سانگوں ݙیتا ہے کہ میڈا عہد لاوی دے نال قائم رہے۔فوجیں دا رب آکھیندا ہے۔
5
۵۔میڈا وعدہ ہوندے نال زندگی تے سلامتی دا ہا۔ تے میں نے ہوں کوں اے عطا کیتیں ۔ ولا خوف دا وی ہا۔ تے او میں کنوں ڈردا تے میڈے ناں کنوں ترساں رہیا۔
6
۶۔سچائی دی تعلیم ہوندے منہ وچ ہئی ولا ہوندے ہوٹھیں تے کُوڑ نہ پایا گیا۔ او میڈے حضور سلامتی تے سچائی نال چلدا۔ولا ڈھیر سارئیں کوں برائی دی راہ کنوں واپس گھن اندا رہیا۔
7
۷۔ یقیناً لازمی ہے کہ پادری دے ہوٹھیں دے وسیلے سنبھالیں رہیں ولا ہوندے منہ کنوں تعلیم دی کوشش کیتی ونجے۔ ہیں سانگوں او فوجیں دا رب دا رہبر ہے۔
8
۸۔لیکن تساں راہ کنوں ہٹ گئے ہیوے ولا اپنڑی تعلیم کنوں ڈھیر ساریں کوں ٹھوکر کھاوائی ہے۔ تساں نے لاوی دی عہد کوں خراب کر ڈیتا ہے۔ فوجیں دا رب آکھدا ہے۔
9
۹۔بس میں وی تہاکوں ساریں لوگیں دے نال ذلیل تے کم تر کریندا ہاں۔ ہیں کیتے کہ تساں میڈی راہیں تے قائم کائنی رہئیے ولا تعلیم ݙیندے وقت میڈے چہرے دا لحاظ کائنی کیتا۔
10
۱۰۔کیا اساں ساریں دا ہک پیو کائنی ؟ کیا ہک ہی خدا نے ساکوں پیدا کیتا ؟ ولا کیوں اساں ہک ݙوجھے کنوں بے وفائی کرتے اپنڑے پیو ݙاݙے دے عہد کوں بدنام کریندے ہیں ؟
11
۱۱۔ یہودہ بے وفائی کریندا ہے۔یروشلیم وچ ہک نا کرن آلا کم کیتا ویند ا ہے ہاں جہیڑا خداوند کیتے خاص تے ہوں کوں پیارا ہا ہوں کوں یہودہ نے بدنام کیتا ہے۔ ہیں سانگوں کہ ہوں نے بیگانہ خدا دی دھی نال پرنیج گیا ہے۔
12
۱۲۔خداوند ہوں بندے کوں جہیڑا ایویں کریندے خواہ سوال کرن آلہ ہوے یا خواہ جواب ݙیوڑڹ آلہ یعقوب دے خیمیں کنوں خارج کر ݙے ولا ہیں گروہ کنوں وی جہیڑا فوجیں دا رب دے سامنڑیں ہدیہ آنیدا ہے۔
13
۱۳۔ ولا تساں وی اے کریندے ہیوے۔ یعنی تساں خداوند دی قربانی آلی جہہ کوں ہنجوں تے دھاڑو فریاد کنوں ڈھانپ ݙیندے ہیوے۔ ولا ہیں کیتے او ولا نہ تہاڈے ہدئیے تے نگاہ کریندا ہے۔ ولا نہ ہوں کوں تہاڈے ہتھ کنوں قبول ہی کریندا ہے۔
14
۱۴۔ولا تساں آکھیندے ہیوے کہ وجہ کیا ہے؟ وجہ اے ہے کہ خداوند تیڈے تے تیڈی جوانی دی رن دے درمیان گواہ ہے۔ تیئں نے ہوں کنوں بے وفائی کیتی ہے۔ ہیں کیتے او تیڈی رفیقہ تے منکوحہ رن ہئی۔
15
۱۵۔کیا ہوں نے ہک ہی کائنی بنڑایا ۔ ہیں کیتے ہوں دے نال ٻیا دم موجود ہا؟ تے ولا ہک کیوں ؟ ہیں مقصد کنوں خبر دار راہو ولا کوئی اپنڑی جوانی دی رن کنوں بے وفائی نہ کرے۔
16
۱۶۔ہیں سانگوں میکوں طلاق کنوں نفرت ہے۔ خداوند اسرائیل دا خدا آکھیندا ہے ولا ہوں کنوں وی جہیڑا اپنڑے لباس کوں ظلم کنوں ڈھاکیندا ہے۔ فوجیں دا رب آکھیندا ہے۔ بس اپنڑے نفس کنوں خبردار راہو ولا بے وفائی نہ کرو۔
17
۱۷۔ تساں اپنڑی ڳالھیں کنوں خداوندکوں تنگ کریندے ہیوے۔ تے وی تساں آکھیندے ہیوے ۔ کہ اساں ہوں کوں کہیڑی ڳالھ وچ تنگ کریندے ہیں ؟ ہیں وچ جہیڑے آکھیندے ہین کہ ہر ہک جہیڑا برائی کریندا ہے او خداوند دے نظر وچ نیک ہے ولا او ہوں کنوں خوش ہے۔ ولا اے کہ انصاف دا خدا کیتھاں ہے؟+