¹ ۱۔ اَے امیرو ذرا سنوتاں! تُساں اپنی مصیبتاں تے جیہڑیاں آون آلیاں ہِن روؤو تے ہاڑے پاؤ۔ ² ۲۔ تُہاڈا مال وگڑ گیا ہِے اَتے تُہاڈے کپڑیاں کوُ کیڑا کھا گئے۔ ³ ۳۔ تُہاڈے سونے چاندی کوُ زنگ لگ گئے اَتے اوہ زنگ تُہاڈے تے گواہی ڈیسی تے اَگ دی تُہاڈا گوشت کھاسی۔ تُساں اخیر زماے اِچ خزانہ جمع کیتا ہِے۔ ⁴ ۴۔ ڈیکھو جِنہاں مزدوراں نے تُہاڈی پیلیاں اِچ کم کیتا ہائی اُنہاں دی اوہ مزدوری جیہڑی تُساں دھوکے نال رکھ گِدی ہائی واویلا کریندی ہِے اَتے فصل وڈھن آلیاں دی فریاد رب الافواج دے کناں تائیں پُج گئی ہِے۔ ⁵ ۵۔ تُساں زمین اُتے موجاں کیتیاں تے مزے اُڑائے۔ تُساں اپنے ذبح ہوؤن دے ڈینہ اپنے دِلاں کوُ موٹا تازہ کیتے۔ ⁶ ۶۔ تُساں راستباز بندے کوُ قصوروار بنا کے قتل کیتے پر اُوں نے تہاڈا سامنا نئیں کیتا۔ ⁷ ۷۔ پس اَے بھراو! خداوند دے آون تائیں صبر کرو۔ ڈیکھو۔ زمیندار زمین دی قیمتی پیداوار نوں اُڈیکدا ہِے تے پہلے تے پچھلے مینہ دے آون تائیں صبر کریندا راہندا ہِے۔ ⁸ ۸۔ تُساں وی صبر کرو اَتے اپنے دِلاں کوُ مضبوط رکھو کیونکہ خداوند جلدی آون آلا ہِے۔ ⁹ ۹۔ اَے بھراؤ! ہک ڈوجے دی چغلی نہ کرو تاں جو تُساں سزا نہ پاؤ۔ ڈیکھو منصف دَر تے کھڑا ہِے۔ ¹⁰ ۱۰۔ اَے بھراؤ! جِنہاں نبیاں نے خداوند دے ناں تھوں کلام کیتا ہائی اُنہاں کوُ ڈُکھ چاؤن تے صبرکرن کوُ نمونہ سمجھو۔ ¹¹ ۱۱۔ ڈیکھو اساں صبر کرن آلیاں کوُ مبارک آدھے ہاں۔ تُساں ایوب دےصبر دا حال تاں سُنا ہوسی اَتے خداوند دی طرفوں جیہڑا اوندا انجام تھئے اوندا وی پتا لگ گئے جیندے تھوں خداوند دا بہوں ترس تے رَحم ظاہر تھیندا ہِے۔ ¹² ۱۲۔ پر اَے میڈے بھراؤ! ساریاں تھوں ودھ کے ایہہ ہِے کہ قسم نہ کھاؤ۔ نہ آسمان دی نہ زمین دی۔ نہ ای کئیں بئی شئے دی بلکہ ہاں دی جاہ تے ہاں کرو اَتے نئیں دی جاہ تے نئیں تاں جو سزا دے نہ تھیوؤ۔ ¹³ ۱۳۔ اگر تُہاڈے وچوں کوُئی تنگ ہووے تاں دُعا منگے۔ اگر خوش ہووے تاں حمد دے گیت گاوے۔ ¹⁴ ۱۴۔ اگر تُہاڈے وچوں کوُئی بیمار تھی ونجے تاں کلیسیا دے بزرگاں کوُ سڈے اَتے اوہ خداوند دے ناں اِچ اوُں کوُ تیل مَل کے اوُندے کیتے دُعا کرن۔ ¹⁵ ۱۵۔ جیہڑی دُعا ایمان دے نال کیتی ویسی اوندے باجھوں بیمار بچ ویسی اَتے خدوند اوُں کوُ چا کھڑا کریسی اَتے اگر اوندے کولوں گناہ تھئے ہوون تاں اُنہاں دی وی معافی تھی ویسی۔ ¹⁶ ۱۶۔ پس تُساں آپس اِچ ہک ڈوجے دے سامنے اپنے اپنے گناہواں دا اقرار کیتا کرو اَتے ہک ڈوجھے کیتے دُعا کیتا کرو تاں جو چنگے تھی ونجو۔ راستباز دی دُعا دے اثر نال بہوں کجھ تھی سگدے۔ ¹⁷ ۱۷۔ ایلیاہ ساڈے وانگر ہک بندہ ہائی۔ اوُں نے وڈے جوش نال دُعا منگی کہ مینہ ناں پووے۔ تے تاں ساڈھے ترائے سال تائیں زمین تے مینہ نہ پیا۔ ¹⁸ ۱۸۔ وَل اوُں نے دُعا منگی تاں آسمان تھوں پانی لتھے اَتے زمین دی پیداوار تھئی۔ ¹⁹ ۱۹۔ اَے میڈے بھراؤ! اگر تُہاڈے وچوں کوُئی سدھے رستے تھوں گمراہ تھی ونجے اَتے کوُئی اوُں کوُ ول واپس گھن آوے ۔ ²⁰ ۲۰۔ تاں اوہ ایہہ جان گھنے کہ جیہڑا کوُئی کئیں گنہگار کوُ اوندی گمراہی تھوں واپس گھن آسی۔ اوہ ہک جان کوُ موت تھوں بچا گھنسی اَتے بہوں سارے گناہواں تے پردا چا پاسی۔