1
۱۔ اِیں واسطے جیہڑیاں گالہیں اساں سُنیاں ہِن اُنہاں تے بہوُں دِل لا کے غور کرنا چاہیدا ہِے تاں جو بہہ کے اُنہاں کولوں دُور نہ لگے ونجوں۔
2
۲۔ کیونکہ جو کلام فرشتیاں دے پاروں کیتا گیا ہا جڈاں اوہ قائم ریہا تاں ہر قصور تے نافرمانی دا پورا پورا بدلہ ملے۔
3
۳۔ تاں اساں اتنی وڈی نجات توں غافل رِہ کے کیویں بچ سکدے ہئیں؟ جیں دا بیان پہلے توں خداوند دے وسیلے تھیا اَتے سُنن آلیاں توں ساڈے کول ثبوت نال پہنچیا۔
4
۴۔ اَتے نال ہی خدا وی اپنی مرضی دے موافق نشاناں تے عجیب کماں تے طرح طرح دے معجزے تے روُح القدس دی نعمتاں دے ذریعے نال اوُں دی گواہی ڈیندا ریہا۔
5
۵۔ اوُں نے اوُں آون آلے جہان کوُ جیندا اساں ذکر کریندے ہئیں فرشتیاں دے تابع نئیں کیتا۔
6
۶۔ بلکہ کئیں نے ہِک موقعے تے ایہہ وی آکھے کہ انسان کیا شئے ہِے جو تُوں اوُندا خیال کریندا ہئیں؟ یا آدم زاد کیا ہِے جو تُوں اوُندے تے نگاہ کریندیں؟
7
۷۔ تُوں اوُں کوُ فرشتیاں تُوں کجھ ہی گھٹ کیتے۔ تُوں نے اوُندے تے جلال تے عزت دا تاج رکھے اَتے اپنے ہتھاں دے کماں تے اوُں کوُ اختیار بخشے۔
8
۸۔ تُوں ساریاں شئیاں تابع کر کے اوُں دے پیراں تھلے کر ڈِتیاں ہِن۔ پس جئیں صورت اِچ اوُں نے ساریاں شئیاں اوُں دے تابع کیتیاں ہِن تا اوُں نے کوُئی شئے وی ایہو جئی نئیں چھوڑی جیہڑی اوُندے تابع نہ کیتی ہوئے پر اساں ہُن تائیں ساریاں شئیاں اوُندے تابع نئیں ڈیدھے۔
9
۹۔ ہاں البتہ اوُں کوُ ڈیدھے ہئیں جیہڑا فرشتیاں توں کجھ ہی گھٹ کیتا گئے یعنی یسوع کوُ کہ موت دا ڈُکھ برداشت کرن دے پاروُں جلال تے عزت دا تاج اوُں کوُ پوایا گئے تاں جو خدا دے فضل نال اوہ ہر ہِک بندے کیتے موت دا مزا چکھے۔
10
۱۰۔ کیونکہ جیندے کیتے ساریاں شئیاں ہِن اَتے جیندے پاروُں ساریاں شئیاں ہِن اوُں کوُ ایہو مناسب ہا جیہڑے ویلے بہوُں سارے پُتراں کوُ جلال اِچ داخل کرے تاں اُنہاں دی نجات دے بانی کوُ ڈُکھاں دے ذریعے کامل کر گھنے۔
11
۱۱۔ اِیں کیتے کہ پاک کرن آلا اَتے پاک تھیون سارے ہِک ای اصل آلے توں ہِن۔ اِیں وجہ توں اوہ اُنہاں کوُ بِھرا آکھن توں شرم نئیں کریندا۔
12
۱۲۔ چنانچہ اوہ فرماندے کہ تیڈا ناں میں اپنے بھراواں دے اگے بیان کریساں ۔ کلیسیا اِچ میں تیڈی حمد دے گیت گاساں۔
13
۱۳۔ اَتے وَل اِیہہ کہ میں اوُندے تے بھروسہ رکھیساں اَتے وَل ایہہ کہ ڈیکھ اَتے میں اُنہاں چھویراں سمیت جِنہاں کوُ خدا میکوُ ڈِتے۔
14
۱۴۔ پس جیویں کہ چھویر جئیں صورت اِچ خون تے گوشت اِچ شامل ہِن تاں اوہ آپ وی اُنہاں دی کار اُنہاں وِچ شامل تھئیاتاں جو موت دے وسیلے نال اوُں کوُ جیئن کوُ موت تے قدرت حاصل ہائی یعنی ابلیس کوُ تباہ کر ڈیوے۔
15
۱۵۔ اَتے جیہڑے ساری عمر موت دے ڈر توں غلامی وِچ گرفتار راہے اُنہاں کوُ چھُڑا گھنے
16
۱۶۔ کیونکہ اصل اِچ اوہ فرشتیاں دا نئیں بلکہ ابرہام دی نسل دا ساتھ ڈیندے۔
17
۱۷۔ پس اوُں کوُ ساریاں گالہیں وِچ اپنے بھراواں دی کار بننا لازمی ہا تاں جو اُمّت دے گناہواں دا کفارہ ڈیون کیتے اُنہاں گالہیں اِچ جیہڑیاں خدا نال تعلق رکھیندیاں ہِن ہِک رَحم دِل تے دیانتدار سردار کاہن بنے۔
18
۱۸۔ کیونکہ جئیں صورت اِچ اوُں نے آپ ہی آزمایش دی حالت اِچ ڈُکھ چاتے تاں اوہ اُنہاں دی وی مدد کر سگدے جنہاں دی آزمایش تھیندی ہِے۔