¹ ۱۔ پہلے زمانے اِچ خدا نے پئیو ڈاڈے توں گھن کے حصہ بہ حصہ تے طرح بہ طرح نبیاں دی زبانی کلام کر کے۔ ² ۲۔ اِیں زمانے دے آخر اِچ ساڈے نالاپنے پُتر دے وسیلے نال کلام کیتے جئیں کوُ اوُں نے ساریاں شئیاں دا وارث وی ٹھہرائےاَتے جئیں دے وسیلے نال عالم وی پیدا کیتے۔ ³ ۳۔ اوہ اوُں دے جلال پرچھاواں تے اوُندی ذات دا نقش تھی کے ساریاں شئیاں کوُ اپنی قدرت دے کلام نال سنبھالدا ہِے۔ اوہ گناہواں دھو کے عالمِ بالا تے کبریا دے سجے ہتھ ونج بیٹھے۔ ⁴ ۴۔ اَتے فرشتیاں توں وی اتنا خدا شناس تھی گئے جئیں قدر اوُں نے میراث اِچ اُنہاں کولوں افضل ناں پائے۔ ⁵ ۵۔ کیوں جو فرشتیاں وِچوں اوُں نے کڈائیں کئیں کوُ آکھے کہ تُوں میڈا پُتر ہئیں۔ اَج تُوں میڈے وِچوں پیدا تھئیں؟ اَتے وَل ایہہ کہ میں اوُں دا پیئو ہوساں اَتے اوہ میڈا پُتر ہوسی؟۔ ⁶ ۶۔ اَتے جیہڑے ویلے پلیٹھی کوُ ولا دُنیا اِچ ولا گھن آندے تاں آدھے کہ خدا دے سارے فرشتے اوُں کوُ سجدہ کرن۔ ⁷ ۷۔ اَتے فرشتیاں دے بارے وِچ ایہہ آدھے کہ اوہ اپنے فرشتیاں کوُ ہواواں تے اپنے خادماں کوُ بھا دے شعلے بنیندا ہِے۔ ⁸ ۸۔ پر پُتر دے بارے وِچ آدھے کہ اے خدا تیڈا تخت ہمیشہ تائیں راہوے اَتے تیڈی بادشاہی دا عصا راستی دا عصا ہِے۔ ⁹ ۹۔ توُں تاں راستبازی نال محبتتے بدکاری نال عداوت رکھی۔ اِیں دے پاروں خدا یعنی تیڈے خدا نے خوشی دے تیل نال تیڈے ساتھیاں دی بجائے تیکوُ زیادہ مسَح کیتے۔ ¹⁰ ۱۰۔ اَتے ایہہ کہ اَے خداوند! تُوں تاں شروع وِچ ہی زمین دی بنیاد پائی اَتے آسمان تیڈے ہتھ دی کاریگری ہَن۔ ¹¹ ۱۱۔ اوہ فنا تھی ویسن پر تُوں باقی راہسیں اَتے اوہ سارے کپڑیاں دی کار پُرانے تھی ویسن۔ ¹² ۱۲۔ تُوں اُنہاں کوُ چادر آلی کار لپیٹ ڈیسیں اَتے اوہ کپڑیاں آلی کار بدل ویسناَ پر تُوں اوہو ہی ایں اَتے تیڈے سال ختم نہ تھی سن۔ ¹³ ۱۳۔ پر اُنہاں نے فرشتیاں وِچوں کئیں دے بارے وِچ کڈائیں آکھے کہ تُوں میڈے سجے ہتھ بہہ جڈاں تائیں میں تیڈے دشمناں کوُ تیڈے پیراں تھلے دی چوکی نہ کر ڈیواں؟۔ ¹⁴ ۱۴۔ کیا اوہ ساریاں کدمت کرن آلیاں روُحا ں نئیں جیہڑیاں نجات دی میراث پاون آلیاں دی خاطر خدمت کیتے گھلیاں ویندیاں ہِن؟۔