1
۱۔پولس دی طرفوں جیہڑا نہ بندیاں دی طرفوں تے نہ بندیاں دے پاروں بلکہ یسوع مسیح تے خدا باپ دے پاروں جئیں نے اوُں مُردیاں وچوں زندہ کیتا ہویا رسول ہا۔
2
۲۔ اَتے سارے بھراوں دی طرفوں جیہڑے میڈے نال وِچ ہِن گلتیہ دی کلیسیاواں کوُ۔
3
۳۔ خدا باپ اَتے ساڈے خداوند یسوع مسیح دی طرفوں تُہاکوُ فضل تے اطمینان مِلدا راہوے۔
4
۴۔ اُوں نے ساڈے گناہواں دے کیتے اپنے آپ کوُ ڈے ڈِتا تاں جو ساڈے خدا تے باپ دی مرضی دے موافق ساکوُ اِیں راہون آلے خراب جہان توںآزادی ڈِتی۔
5
۵۔ اوُں دی تمجید ابدُالآباد تھیندی راہوے۔ آمین،
6
۶۔میں بہوں حیران تھیندا ہاں کہ جئیں نے تُہاکوُ مسیح دے فضل نال سڈیا ہِے اوُں دے نال تُساں جلدی نال پِھر کے کئیں بئی طرح دی خوشخبری دے پاسے پھِردے پئے ہیوے۔
7
۷۔ پر اوہ ڈوجھی نئیں ہاں پر بعض ایہو جئے ہِن جیہڑے تُہاکوُ گھبرا ڈیندے ہِن اَتے مسیح دی خوشخبری کوُ وگاڑنا چاہندے ہِن۔
8
۸۔لیکن اگر اساں یا اسمان دا کوُئی فرشتہ وی اوُں خوشخبری توں علاوہ جیہیڑی اساں تُہاکوُ سُنائی کوئی بئیا خوشخبری تُہاکوُ سُناوے تاں ملعون تھیوے
9
۹۔ جیویں اساں تُہاکوُ پہلے آکھ چُکے ہاں اوُں ویں ای ہُن وی میں تُہاکوُ وَلا آدھا ہاں جو اوُں خوشخبری توں علاوہ جیہڑی تُساں قبول کیتی ہا اگر کوئی تُہاکوُ بئی خوشخبری سنویندے تاں ملعون تھیوے۔
10
۱۰۔ ہُن میں بندیاں کوُ دوست بنیندا ہاں یان خُدا کوُ؟ اگر میں ہُن تک بندیاں کوُ خوش کریندا راہندا تاں تاں مسی دا بندا نہ ہوا ہاں۔
11
۱۱۔اَے بھراوؤ! میں تُہاکوُ آدھا پیا ہاں کہ جیہڑی خوشخبری میں تُہاکوُ سُنائی ہِے اوہ انسان جئی نئیں۔
12
۱۲۔ کیونکہ اوہ میکوُ انسان دی طرفوں نئیں پہنچی اَتے نہ میکوُ سکھائی گئی ہِے بلکہ یسوع مسیح دی طرفوں ہِے میکوُ اوُندا مکاشفہ تھئے۔
13
۱۳۔ یہودی طریقے دے نال میڈا جو چال چلن ہائی تُساں سُن چکے ہیوے کہ میں خدا دی کلیسیا کوُ بہوں ستاندا تے تنگ کریندا ہامی۔
14
۱۴۔ اَتے میں یہودی طریقے اِچ اپنی قوم دے بہوں سارے اپنی عمر دے بندیاں وِچوں ودھدا ویندا ہامی اَتے اپنے بزرگاں دی روایتاں وچوں بہوں سرگرم ہا۔
15
۱۵۔ پر جئیں خدا نے میکوُ میڈی ماں دے ڈِھڈ وچوں ای چُن گِدا ہا اَتے اپنے فضل توں سَڈ گِدا ہا جڈاں اوُں دی اِے مرضی تھئی۔
16
۱۶۔ کہ اپنے پُتر کوُ میڈے وِچ ظاہر کرے تاکہ میں غیر قوماں وِچ اوُں دی خوشخبری ڈیواں تاں ناں میں گوشت تے خون نال صلاح ڈِتی۔
17
۱۷۔ اَتے نہ یروشلیم اِچ اُنہاں دے کول گیا جیہڑے میڈے کولوں پہلے رسول ہَن بلکہ جلدی ہی عرب کوُ لگا گیا۔ وَل اُتھوں دمشق کوُ واپس آیا۔
18
۱۸۔ وَل ترئے سال دے بعد میں کیفا توں مُلاقات کرن کیتے یروشلیم گیا اَتے پندراں ڈِیں اوُں دے کول ریہا۔
19
۱۹۔ پَر بئے رسولاں وِچوں خداوند دے بھرا یعقوب دے علاوہ کئیں کوُ نہ مِلیا۔
20
۲۰۔ جیہڑیاں گالہیں میں تُہاکوُ لکھدا ہاں خدا کوُ حاضر جان کے آدھا ہاں کے اوہ کوُڑیاں نئیں۔
21
۲۱۔ اِیں دے بعد میں سوریہ تے کلکیہ دے علاقیاں وِچ آیا۔
22
۲۲۔ اَتے یہودیاں دی کلیسیاواں جو مسیح اِچ ہَن میڈی صورت توں واقف نہ ہَن۔
23
۲۳۔ پَر صرف ایہہ سُندیاں ہَن کہ جو ساکوُ پہلے ستاندا ہا اوہ ہُن اوُں دِین دی خوشخبری ڈیندا ہِے جینکوں پہلے تباہ کریندا ہا۔
24
۲۴۔اَتے اوہ میڈے پاروں خدا دی تمجید کریندیاں ہَن۔