1
۱۔ آخر چوڈاں سال دے بعد میں برنباس دے نال وَل یروشلیم کوُ گیا اَتے طِطُس کوُ وی نال گھِن گیا۔
2
۲۔ تے میڈا ونجنا مکاشفہ دے مطابق تھیا اَتے جیہڑی خوشخبری دی غیر قوماں وِچ مُنادی کریندا ہاں اوہ اُنہاں نال بیان کیتی پر الگ تھی کے میں اُنہاں ہی لوگاں نال جوکجھ سمجھے ویندے ہَن تاں جو ایویں نہ تھیوے کہ میڈی اِیں ویلے دی یا اگلی محنت بے فائدہ تھی ونجے۔
3
۳۔ پر طِطُس وی جیہڑا میڈے نال ہا اَتے یونانی ہِے طہور کراون تے مجبور نہ کیتا گیا۔
4
۴۔ اَتے ایہہ اُنہاں کوُڑے بھراواں دے پاروں تھیا جو چُپ تھی کے آ وڑے ہَن تے چوری نال وَڑ گئے ہَن تاکہ اوُں آزادی کوُ جو ساکوُ مسیح یسوع وِچ مِلی ہِے جاسوساں دے دے طور تے گول کے ساکوُ غلامی وِچ گھِن آون۔
5
۵۔ اُنہاں دےب تابع راہوناں ساکوُ تھوڑی دیر کیتے وی منظور نہ تھیا تاں جو خوشخبری دی سچائی تُہاڈے وِچ قائم راہوے۔
6
۶۔ اَتے جیہڑے لوگ کجھ سمجھے ویندے ہَن (بھاویں اوہ کیہو جئے ہَن میڈا ایندے نال کجھ کوُئی متعلق نئیں۔ خدا کئیں آدمی دا طرفدار نئیں) اُنہاں کولوں جیہڑ ے کجھ سمجھے ویندے ہَن میکوُ کجھ حاصل نہ تھیا۔
7
۷۔ لیکن برعکس ایندے کہ جڈاں اُنہاں نے اِے ڈِٹھا کہ جئیں طرح طہور کراون آلیاں کوُ خوشخبری ڈیون دا کم پطرس دے حوالے تھیا اوں وے ای طہور آلیاں کوُ سُناونا اِیں دے حوالے تھیا۔
8
۸۔ (کیونکہ جئیں نے طہور آلیاں دی رِسالت کیتے پطرس اِچ اثر پیدا کیتے اوُں نے ای غیرقوماں کیتے میڈے اندر وی اثر پیدا کیتے)۔
9
۹۔ اَتے جڈاں اُنہاں کوُ اوُں قابلیت دا پتا لگےجیہڑی میکوُ ملی ہائی تاں یعقوب تے کیفا تے یوحنا نے جیہڑے کلیسیا دے رُکن سمجھے ویندے ہَن میکوُ تے برنباس کوُ سجے ہتھ نال اپنے نال مِلا گِدا تاں جو غیرقوماں دے کول ونجوں تے اوہ طہور آلیاں دے کول۔
10
۱۰۔ اَتے صرف اِے آکھ کے کہ غریباں کوُ یاد رکھائے پَر میں آپ ہی اِیں کم دی کوشش اِچ ہامی۔
11
۱۱۔ وَل جیہڑے ویلے کیفا انطاکیہ وِچ آیا تاں میں اوُں دے سامنے تھی کے اوُں دی مخالفت کیتی کیوں جو اوہ مخالفت دے لائق ہا۔
12
۱۲۔ اِیں کیتے کہ یعقوب دی طرفوں کجھ لوگاں دے آون تھوں پہلے تاں اوہ غیر قوم آلیاں دے نال کھاندا ہا پر جیہڑے ویلے اوہ آگئے تاں طہور آلیاں کولوں ڈر دے مارے نہ کھاندا ہا تے دور تھی گیا۔
13
۱۳۔ اَتے باقی یہودیاں نے وی اوُں دے نال مَل کے ریاکاری کیتی۔ اِتھوں تک کہ برنباس وی اُنہاں دے نال ریاکاری اِچ شامل تھی گیا۔
14
۱۴۔ جیہڑے ویلے میں ڈِٹھا کہ اوہ خوشخبری دی سچائی دے موافق سِدھی چال نئیں پئے ٹُردے تاں میں ساریاں دے سامنے کیفا کوُ آکھیا کہ توُں یہودی تھیون دے باوجود غیر قوماں دی کار اپنی زندگی گزریندا پئیں نہ کہ یہودیاں دی کار تاں غیر قوماں کوُ کیوں یہودیاں آلی کار چلن تے مجبور کریندا ہئیں؟
15
۱۵۔ اساں جو پیدا ہی یہودی تھئے ہئیں اَتے گناہگار غیر قوماں وِچوں نئیں۔
16
۱۶۔ تاں وی اِے جان کے کہ انسان شریعت دے اعمال نال نئیں بلکہ صرف یسوع مسیح تے ایمان گھِن آون نال راستباز تھیندے آپ وی مسیح یسوع تے ایمان گھِن آوے تاں جو اساں مسیح تے ایمان گھِن آون نال راستباز ٹھہروں نہ کہ شریعت دے اعمال نال۔ کیونکہ شریعت دے اعمال نال کوُئی بندا راستباز نہ ٹھہرسی۔
17
۱۷۔تے اساں جیہڑے مسیح اِچ راستباز ٹھہرنا چاہندے ہاں اگر آپ ہی گناہگار نکلوُں تاں کیا مسیح گُناد دا وسیلہ ہِے؟ ہر گز نئیں۔
18
۱۸۔ کیونکہ جو کجھ میں ڈھا چھوڑے اگر اوُں کوُ وَل بناواں تاں اپنے آپ کوُ قصوروار ٹھہراندا ہاں۔
19
۱۹۔ آخر کار میں شریعت دے اعتبار نال مَر گیا تاں جو خدا دے اعتبار نال زندہ تھی ونجاں ۔
20
۲۰۔ میں مسیح دے نال مصلوب تھی گیا ہاں اَتے ہُن میں زندہ نئیں ہاں بلکہ مسیح میڈے وِچ زندہ ہِے اَتے میں جو ہُن اِیں جسم اِچ زندگی گزریندا پیا ہاں تاں خدا دے پُتر تے ایمان گھِن آون نال گزریندا پیا ہاں جئیں نے میڈے نال محبت رکھی تے اپنے آپ کوُ میڈے کیتے موت دے حوالے کر ڈِتا۔
21
۲۱۔ میں خدا دے فضل کوُ بےکار نئیں کریندا کیوں جو راسبازی اگر شریعت دے وسیلے نال مِلے ہا تاں مسیح دا مرنا بےکار تھیوےہا۔