1
۱۔ پولُس دی طرفوں جو خدا دی رضی نال مسیح یسوع دا رسول ہِے اُنہاں مُقّدساں دے ناں جیہڑے افسس اِچ ہِن تے مسیح یسوع اِچ ایماندار ہِن۔
2
۲۔ ساڈے باپ خدا تے خداوند یسوع مسیح دی طرفوں تُہاکوُ فضل تے اطمینان مِلدا راہوے۔
3
۳۔ساڈے خداوند یسوع مسیح دے خدا تے باپ دی حمد ہووے جئیں نے ساکوُ مسیح وِچ آسمانی مقاماں تے ہر طرح دی روحانی برکت بخشی۔
4
۴۔ چنانچہ اوُں نے ساکوُ بنایٰ عالم توں پہلے اوُں دے وِچ چُن گِدا ہا تاں جو اساں اوُں دے نیڑے محبت اِچ پاک تے بےعیب ہوؤں۔
5
۵۔ اَتے اوُں نے اپنی مرضی دے نیک ارادے دے موافق پہلے توں ای ساکوُ اپنے کیتے مقرر کیتا ہا کہ یسوع مسیح دے وسیلے نال اوُندے کیتے لےپالک پُتر ہوؤں۔
6
۶۔تاں جو اوُں دے اوُں فضل دے جلال دی ستایش ہووے جو ساکوُ اوُں پیار اِچ مُفت ڈیندے۔
7
۷۔ اوُں دے خون دے وسیلے نال ساکوُ اوُں دے وِچ چھٹکارا یعنی قصوراں دی معافی اوُں دے اوُں فضل دی دولت دے موافق حاصل ہِے۔
8
۸۔ جیہڑا اوُں نے ہر طرح دی حکمت تے دانائی دے نال بہوں زیادہ ساڈے تے نازل کیتے۔
9
۹۔ چنانچہ اوُں نے اپنی مرضی دے بھید کوُ اپنے اوُں نیک ارادے دے موافق ساڈے تے ظاہر کیتےجیئں کوُ اپنے آپ اِچ ٹھہرا گِدا ہا۔
10
۱۰۔ تاکہ زمانیاں دا پورا تھیون دا ایہو جیہا انتظام ہووے کہ مسیح اِچ ساریاں شئیاں دا مجموعہ تھی ونجے۔ خواہ اوہ آسمان دیاں ہوون خواہ زمین دیاں۔
11
۱۱۔ اوُں دے وِچ اساں وی اوُں دے ارادے دے موافق جو اپنی مرضی دی مصلحت دے نال سارا کجھ کریندا ہِےپہلے توں مقرر تھی کے میراث بنے۔
12
۱۲۔ تاکہ اساں جو پہلے توں مسیح دی اُمید وِچ ہاسےاوُں دے جلال دی ستایش دا باعث ہوؤں۔
13
۱۳۔ اَتے اوُں دے وِچ تُساں تے وی جڈاں سچائی دے کلام کوُ سُنےجو تُہاڈی نجات دی خوشخبری ہِے اَتے اوُں دے تے ایمان گھن آئے پاک موعودہ روح دی مُہر لگی۔
14
۱۴۔ اوہو خدا دی ملکیت دی مخلصی کیتے ساڈی میراث دا بیعانہ ہِے تاکہ اوُں دے جلال دی ستایش تھیوے۔
15
۱۵۔ اِیں دے پاروں میں وی اوُں ایمان دا جیہڑا تُہاڈے وِچ یسوع مسیح تے ہِے تے سارے مقدساں سے ظاہر ہِے حال سُن کے۔
16
۱۶۔ تُہاڈے بارے شکر کرن توں باز نہیں آندا اَتے اپنی دُعاواں اِچ تُہاکوُ یاد کریندا ہاں۔
17
۱۷۔ کہ ساڈے خداوند یسوع مسیح دا خدا جو جلال دا باپ ہِے تُہاکوُ اپنی پہچان اِچ حکمت تے مکاشفہ دی روح بخشے۔
18
۱۸۔ اَتے تُہاڈے دِل دیاں اکھیاں سوجھلیاں تھی ونجن تاکہ تُہاکوُ پتا لگ ونجے کہ اوُں دے بلاون توں اُید کیہو جئی ہِےتے اُوندے میراث دے جلال دی دولت مقدساں اِچ کیہو جئی ہِے۔
19
۱۹۔ اَتے اساں ایمان گھِن کے آون آلیاں کیتے اوُں دی وڈی قدرت کیا ہی وڈی ہِے۔ اوُں دی وڈی تاثیر دے موافق۔
20
۲۰۔ جو اوُں نے مسیح اِچ کیتی جڈاں اوُں کوُ مُردیاں وِچوں زندہ کر کے اپنے سجے ہتھ آسمانی مقاماں تے بٹھایا۔
21
۲۱۔ اَتے ہر طرح دی حکومت تے اختیار تے قدرت تے ریاست تے ہر ہِک ناں توں بہت بلند کیتا جو نہ صرف اِیں جہان اِچ بلکہ آون آلے جہان اِچ وی گِدا ویسی۔
22
۲۲۔ اَتے اوُں دے پیراں تلے ساریاں شئیاں کر ڈِتیاں تے اوُں کوُ ساریاں شئیاں دا سردار بنا کے کلیسیا کوُ ڈے ڈِتا۔
23
۲۳۔ ایہہ اوُندا بدن ہِے اَتے اوُندی معموری جو ہر طرح نال ساریاں دا معمور کرن آلا ہِے۔