¹ ۱۔ اَتے جیہڑے ویلے اساں اُنہاں کولوں وڈی مشکل نال الگ تھی کے جہاز تے روانہ تھئے تاں ایویں تھیا جو سِدھی راہ تھوں کوس وِچ آئے اَتے ڈوجھے ڈِیں رُدُس اِچ تے اُتھوں پترہ وِچ آئے۔ ² ۔ وَل ہک جہاز سِدھا فینیکے کوُ ویندا پیا ہا مِلے اَتے اوندے تے سوار تھی کے روانہ تھئے۔ ³ ۔ جڈاں کُپُرس ڈِکھائی ڈِتے تاں اوُں دے کھبے ہتھ چھوڑ کے سوریہ کوُ لگے گئےاَتے صور وِچ اُترےکیوں جو اٗتھاں جہاز دا مال لہاونا ہائی۔ ⁴ ۔ جڈاں شاگرداں کوُ لبھ گِدا تاں اساں سَت ڈِیں اُتھائیں راہے۔ اُنہوں نے روح دی معرفت پولُس کوں آکھیا کہ یروشلیم اِچ پیر نہ رکھائے۔ ⁵ ۔ اَتے جداں اوہ ڈِیں لنگھ گئے تاں ایویں تھیا کہ اساں نکل کے روانہ تھئے اَتے ساریاں نے ذالاں تے بالاں سمیت ساکوں شاہر دے باہر تک پہنچایا۔ وَل اساں سمندر دے کنارے جھک کے دعا کیتی۔ ⁶ ۔ اَتے ہک ڈوجھے تھوں وِداع تھی کے اساں تاں جہاز تے چڑھے اَتے اوہ اپنے اپنے گھر واپس لگے گئے۔ ⁷ ۔ اَتے اساں صور تھوں جہاز دا سفر ختم کر کے پَتُلمیس اِچ پہنچے اَتے بھراواں کوُ سلام کیتا اَتے ہک ڈِین اُنہاں دے نال راہے۔ ⁸ ۔ ڈوجھے ڈِیں اساں روانہ تھی کے قیصریہ وِچ آئے اَتے فلپس مُبشر دے گھر جیہڑا اُنہاں ستاں وِچوں ہائی اُتر کے اوُں دے نال راہے۔ ⁹ ۹۔ اوُں دی چار کنواری دھیاں ہَن جو نبوت کریندیاں ہَن۔ ¹⁰ ۱۰۔ اَتے جڈاں اساں اُتھاں بہوں ڈِیں راہے تاں اگبُس ناں ہک نبی یہودیہ تھوں آیا۔ ¹¹ ۱۱۔اوُں نے ساڈے کول آکے پولُس دا کمر بند گِدا اَتے اپنے ہتھ پیر بَدھ کے آکھیا روح القدس ایویں فرمائے کہ جئیں بندے دا ایہہ کمر بند ہِے اوُں کوُ یہودی یروشلیم اِچ ایویں اِی قید کر گھن سن تے غیر قوماں دے حوالے کر ڈیسن۔ ¹² ۔ جڈاں ایہہ سُنیا تاں اساں تے اُتھاں دے لوگاں نے اوُں دی منّت کیتی کہ اوہ یروشلیم کوُ نہ ونجے۔ ¹³ ۔ پر پولُس نے جواب ڈِتا جو تُساں کیا کریندے ہو؟ کیوں رو رو کے میڈا دِل توڑیندے ہو؟ میں تاں یروشلیم اِچ خداوند یسوع دے ناں تے نہ صرف قید تھیون تے بلکہ مرن کیتے وی تیار ہاں۔ ¹⁴ ۱۴۔ جڈاں اوہ نہ منیا تاں اساں ایہہ آکھ کے چُپ تھی گئےجو خدا دی مرضی پوری تھیوے۔ ¹⁵ ۱۵۔ اُنہاں ڈیہاں دے بعد اساں اپنے سفر دا سبب بنا کے یروشلیم کوُ گئے۔ ¹⁶ ۱۶۔ اَتے قیصریہ تھوں وی بعض شاگرد ساڈے نال چلے تے ہک پُرانے شاگرد مناسون کُپری کوُ نال گھن آئے تاں جو اساں اوُندے ہاں مہمان تھیووں۔ ¹⁷ ۱۷۔ جیہڑے ویلے اساں یروشلیم پہنچے تاں بھرا وڈی خوشی دے نال ساکوُں مِلے۔ ¹⁸ ۱۸۔ اَتے ڈوُجھے ڈِیں پولُس ساڈے نال یعقوب دے کول گیا تے سارے بزرگ اُتھاں حاضر ہَن۔ ¹⁹ ۱۹۔ اوُں نے اُنہاں کوُ سلام کر کے جو کجھ خدا نے اوُں دی خدمت تھوں غیر قوماں اِچ کیتا ہا تفصیل نال ڈسیا۔ ²⁰ ۲۰۔ اُنہاں نے ایہہ سُن کے خدا دی تمجید کیتی۔ وَل اوُں کوُ آکھیا اے بھرا توں ڈیدھا ہئیں جو یہودیاں وِچ ہزارہا بندے ایمان گھن آئے ہِِن اَتے اوہ سارےشریعت دے بارے وِچ سرگرم ہِن۔ ²¹ ۲۱۔ اَتے اُنہاں کوُ تیڈے بارے وِچ سکھا ڈِتا گئیےجو توں غیر قوماں وِچ راہون آلے سارے یہودیاں کوُ ایہہ آکھ کے موسیٰ تھوں پھر ونجن دی تعلیم ڈیندا ہِے جی نہ اپنے بالاں دا طہور کرو نہ موسیٰ دی رسماں تے چلو۔ ²² ۲۲۔ پس ہُن کیا کیتا ونجے؟ لوگ ضرور سُنسن کہ توں آیا ہئیں۔ ²³ ۲۳۔ اِیں کیتے جو کجھ اساں تیکوُ آدھے ہئیں اوہ کر۔ ساڈے وِچوں چار بندے ایہو جئے ہِن جنہاں نے منّت منی ہِے۔ ²⁴ ۲۴۔ اُنہاں کوُ گھن کے اپنے آپ کوُ اٗنہاں دے نال پاک کر اَتے اُنہاں دی طرفوں کجھ خرچ کر تاں جو اوہ سَر مُنڈاون تاں سارے جان گھنن کہ جو گالہیں اُنہاں کو تیڈے بارے وِچ سکھائیاں گئیاں ہَن اُنہاں دی کجھ اصل نئیں بلکہ توں آپ وی شریعت تے عمل کر کے ٹھیک طرح چلدا ہئیں۔ ²⁵ ۲۵۔ پر غیر قوماں وِچوں جیہڑے ایمان گھن آئے ہَن اُنہاں دے بارے اساں ایہہ فیصلہ کر کے لکھا ہا کہ اوہ صرف بُتاں دی قربانی دے گوشت تے خون تے گلا دبائے ہوئے جانور تے حرامکاری کولوں اپنے آپ کوُ بچائے رکھن۔ ²⁶ ۲۶۔ایویں پولُس اُنہاں بندیاں کوُ گھن کے اَتے ڈوجھے ڈِیں اپنے آپ کوُ اُنہاں دے نال پاک کر کے ہیکل وِچ آیا اَتے خبر ڈِتی جو جڈاں تائیں ساڈے وِچوں ہر ہک دی نذر نہ چڑھائی ونجے پاکیزگی دے ڈِیں پورے کریسن۔ ²⁷ ۲۷۔ جڈاں اوہ سَت ڈِیں پورے تھیون کوُ ہا تاں آسیہ دے یہودیاں نے اوُں کوُ ہیکل اِچ ڈِیکھ کے سارے لوگاں وِچ ہلچل مچائی اَتے ایہہ آکھ کے اوُں کوُ پکڑ گِدے۔ ²⁸ ۲۸۔ جو اے اسرائیلیو! ساڈی مدد کرو۔ ایہہ اوُہو بندے ہِن جیہڑے ہر جاہ اُمّت تے شریعت اَتے اِیں مقام دے خلاف تعلیم ڈیندا ہِے بلکہ اوُں نے یونانیاں کوُ وی ہیکل اِچ سڈا کے اِِیں پاک مقام کوُ ناپاک کیتے۔ ²⁹ ۲۹۔ کیوں جو اُنہاں نے اِیں تھوں پہلے تُرفمُس افسی کوُ اوُں دے نال شاہر اِچ ڈِٹھا ہا اوُں ہی دے بارے اُنہاں نے خیال کیتے جو پولُس اوُں کوُ ہیکل اِچ گھن آیا ہا۔ ³⁰ ۳۰۔ اَتے سارے شاہر اِچ ہلچل پے گئی تے لوگ دوڑ کے جمع تھئے اَتے پولُس کوُ پکڑ کے ہیکل تھوں باہر گھلیندے ہوئے گھن گئے تے جلدی نال دروازے بند کر گِدے۔ ³¹ ۳۱۔ جڈاں اوہ اوُں کوُ مار سٹنا چاہندے ہَن تاں اُتاں پلٹن دے سردار دے کول ایہہ خبر پہنچی جو سارے یرشلیم اِچ کھلبلی پے گئی ہِے۔ ³² ۳۲۔ اوہ اوُں ویلے ہی سپاہیاں تے صوبے داراں کوُ گھن کے اُنہاں دے کولوں تلے دوڑیا آیا اَتے اوہ پلٹن دے سردار تے سپاہیاں کوُ ڈیکھ کے پولُس کوُ مارن تھوں باز آئے۔ ³³ ۳۳۔ اے ڈیکھ کے پلٹن دا سردار نیڑے آیا تے اوُں کوُ گرفتار چا کیتا اَتے ڈُو سنگلیاں دے نال بَدھن دا حکم دے کہ پوچھن لگا جو ایہہ کون ہِے۔ تے اِیں نے کیا کیتا ہِے؟ ³⁴ ۳۴۔ بھیڑ وِچوں بعض کجھ چّلاندے راہے تے بعض کجھ۔ جیہڑے ویلے ہلڑ دے پاروں کجھ وی نہ جان سگے تاں حکم ڈِتا کہ اِیں کوُ قلعے وِچ گھن ونجو۔ ³⁵ ۳۵۔ جڈاں پوڑیاں تے پہنچے تاں بھیڑ دی زبردستی دے پاروُں سپاہیاں کوُ اوُں کوُ چا کے گھن ونجنا پیا۔ ³⁶ ۳۶۔ کیوں جو لوگاں دی بھیڑ اُچی آواز نال ایہہ آدھی ہوئی اوُں دے پِچھوں ٹُر پئی کہ اِیں کوُ مار سَٹو۔ ³⁷ ۳۷۔ اَتے جیہڑے ویلے پولُس کو قعلے دے اندر گھن ونجن کوُ ہا تاں اوُں نے پلٹن دے سردار کوُ آکھیا کیا میکوُ اجازت ہِے کہ میں تیکوُ کجھ آکھ سگاں؟ اوُں نے آکھیا توں یونانی جان دا ہئیں؟۔ ³⁸ ۳۸۔ کیا توں اوہ مصری نئیں جو اِیں تھوں پہلے غازیاں وِچوں چار ہزار بندیاں کوُں باغی کر کے جنگل اِچ گھن گیا ہا۔ ³⁹ ۳۹۔ پولُس نے آکھیا میں یہودی بندہ کلکیہ دے مشہور شاہرتَرسُس دا راہون آلا ہاں۔ میں تیڈی منّت کریندا ہاں کہ میکوُ لوگاں دے نال بولن دی اجازت ڈِے۔ ⁴⁰ ۴۰۔ جڈاں اوُں نے اوُں کوُ اجازت ڈِتی تاں پولُس نے پوڑیاں تے کھڑے تھی کے لوگاں کوُ ہتھ نال اشارہ کیتا۔ جڈاں اوہ چُپ چاپ تھی گئے تاں عبرانی زبان وِچ ایویں آکھن لگا۔