1
۱۔ جیہڑے ویلے ہنگامہ ختم تھیا تاں پولُس نے شاگرداں کوُ گھلیا اَتے اُنہاں دی حوصلہ افزائی تھئی۔ وَل اُنہاں نے اوُں کوں الوداع آکھیا تے اوُں کوُ چھوڑ کے مکدونیہ کوُ لگے گئے۔
2
۔ جیہڑے ویلے اوہ اِنہاں علاقیاں وِچ گیا تاں اوُں نے ایمانداراں دی بہوں حوصلہ افزائی کیتی۔ اَتے وَل اوہ یونان وِچ گیا۔
3
۔اِتھاں تریئے مہینے راہون دے بعد، اوہ جیویں ای سوریہ دی طرف روانہ تھیا تاں یہودیاں نے اوُں دے خلاف ہک سازش کیتی۔ پَس اوُں نے فیصلہ کیتا کہ اوہ مکدونیہ تھوں تھیندا ہویا واپس لگا ویسی۔
4
۔ اَتے پُرُس دا پُتر سوپُترُس جیہڑا کہ بیریہ دا ہا؛ اَتے تھسلنیکیوں تھوں ارسترخُس تے سکندس تے گیُس جیہڑے دربے تھوں ہَن اَتے تیمتھیس تے آسیہ دا تُخکُس تُرفمُس آسیہ تک اوُں دے نال آئے۔
5
۔ لیکن ایہہ بندے ساڈے کولوں پہلاں روانہ تھئے اَتے تروآس وِچ ساڈا انتظار کریندے ہَن۔
6
۔ بےخمیری روٹیاں دی عید دے ڈیہاں دے بعد اساں فلپی دا سفر کیتا، تے پنج ڈیہاں اِچ تروآس پہنچے۔ اِتھاں اساں سَت ڈیں راہے۔
7
۔ ہفتے دے پہلے ڈِیں، جڈاں اساں روٹی توڑن کیتے کٹھے تھئے، پولُس نے ایمانداراں نال گالھ کیتی۔ اوہ اگلے ڈِیں ونجن دا منصوبہ بنیندا پیا ہا، اِیں کیتے اوہ ادھی رات تک کلام کریندا ریہا۔
8
۔ جڈاں اساں کٹھے تھئے ہاسے اُتھاں بالا خانہ اِچ بہوں سارے چراغ بلدے پئے ہَن۔
9
۹۔ باری وِچ یُوتخُس ناں دا ہک جوان بندہ بیٹھا ہا اوُں دے تے نیند دا بہوں وڈا غلبا ہا۔ جڈاں پوُلس دیر تک گالہیں کریندا رہ گیا تاں ایہہ بندہ نیند وِچ تریجھی منزل تھوں تلے ڈِھے پیا تے جڈاں اوُں کوُ چاتا تاں اوہ مَر گیا ہا۔
10
۱۰۔ لیکن پولُس تلے گیا، پولُس نے اوُں کوُ زور نال چھکے اَتے اوُں دے نال لپٹ گیا۔ وَل اوُں نے آکھیا کہ " زیادہ پریشان نہ تھی کیوں جو ایہہ زندہ ہِے۔
11
۱۱۔ وَل اوہ واپس اُتے گئے اَتے روٹی توڑی تے کھادی۔ جڈاں بہوں دیر تائیں گالہیں کریندے کریندے سویر تھی گئی تاں اِیں دے بعد اوہ اُتھوں گیا۔
12
۔ اوُں جوان کوُ وَلا زندہ ڈیکھ کے اُنہاں کوُ بہوں تسلی تھئی۔
13
۔ اساں پولُس تھوں پہلے جہاز تک پہنچے، اَتے اسُّس کوُ روانہ تھئے، جتھاں اساں پولُس کوُ جہاز تے چڑھاون دا ارادہ کیتا ایہہ اوہ کم ہائی جیندا اوہ آپ وی ارادہ رکھیندا ہا، کیوں جو اوُں نے زمینی رستے تھوں ونجن دا اراداہ کیتا۔
14
۱۴۔ جڈاں اوہ ساکوُ اسُّس وِچ ملے، اساں اوُں کوُ نال گھن گدے تے مِتُلینے وِچ آئے۔
15
۱۵۔ تاں اساں اُتھوں روانہ تھئے اَتے اگلے ڈِیں خِیُس دے اوُں پار پہنچے۔ اگلے ڈِیں اساں سامس دے جزیرے تے پہنچے، اَتے اوُں دے اگلے ڈِیں اساں میلتُس دے شاہر پہنچے۔
16
۱۶۔ کیوں جو پولُس نے پکا ارادہ کیتا ہا کہ افسُس تھوں لنگھے، تاں جو اوُں کوُ آسیہ وِچ ویلہ نہ لنگھاونا پووے؛ کیوں جو اوہ پینتکست آلے ڈِیں کیتے یروشلیم ونجن دی جلدی اِچ ہا،، اَتے اِیں کیتے اوُں نے ہر ممکن کوشش کیتی۔
17
۱۷۔ اوُں نے میلتُس تھوں افسُس بندے بھیجے اَتے کلیسیا دے بزرگاں کوُ اپنے کول سڈایا۔
18
۱۸۔ جڈاں اوہ اوندے کول آئے، تاں اوُں نے اُنہاں کوُ آکھیا، تُساں جان دے ہیوے، کہ پہلے ڈِیں تھوں جڈاں میں آسیہ اِچ پیر رکھیا تاں کیویں میں ہمیشہ اپنا وقت تہاڈے نال لنگھایا۔
19
۱۹۔میں انکساری (دل دی انکساری) اَتے ہنجواں دے نال خدا دی خدمت کریندا رہیا، تے اوُں پریشانیاں وچوں وی جو یہودیاں دی سازش دے پاروں میڈے تے آئیاں ہِن۔
20
۲۰۔ تساں جان دے ہیوے کہ کیویں تہاڈے فائدہ دی شئے تہاڈے تے ظاہر کرن تھوں کڈائیں نہ ہٹیا اَتے تہاکوں سرعام تعلیم ڈِتی اَتے گھر گھر وی گیا۔
21
۲۱۔تساں جان دے ہیوے کہ کیویں میں یہودیاں تے یونانیاں کوُ خدا دے پاسے توبہ کیتے اَتے خداوند یسوع مسیح اِچ ایمان کیتے خبردار کریندا ریہا۔
22
۲۲۔ اَتے ہُن ڈیکھو میں روح القدس وِچ گرفتار تھی کے یروشلیم کوُ ویندا ہاں، اَتے اُنہاں گالہیں کوُ نئیں جان دا جو میڈے نال اُتھاں تھی سن۔
23
۲۳۔ سوائے ایں دے کہ پاک روح میکوُ ہر شاہر اِچ میڈا گواہ ہِے اَتے آدھا ہِے کہ زنجیراں تے تکلیفاں تیڈے کیتے تیار ہِن۔
24
۲۴۔ لیکن میں نئیں سمجھدا کہ میڈی زندگی کیویں میڈے کیتے قیمتی ہِے، تاں جو اپنی دوڑ کوُ ختم کراں تاں جو اوہ خدمت جیہڑی خداوند یسوع تھوں مِلی ہِے، خدا دے فضل دی خوشخبری دی گواہی پھیلاواں۔
25
۲۵۔ اَتے ہُن ڈیکھو میں جان دا ہاں کہ تُساں سارے جِنہاں دے وِچ میں بادشاہی دی تعلیم ڈیون کوُ گیا ، میڈا چہرا ہن تھوں نہ ڈیکھ سو۔
26
۲۶۔ اِیں کیتے میں اَج دے ڈیں گواہی ڈیندا ہاں کہ میں کئیں وی بندے دے خون تھوں بےقصور ہاں۔
27
۲۷۔ کیوں جو میں خدا دی مرضی تُہاڈے تے ظاہر کرن تھوں پِچھے نہ تھیا۔
28
۲۸۔ اِیں واسطے اپنے بارے وِچ فکر نہ کرو، اَتے اوُں گلہ دی جیندے تے پاک روح نے تہاکوں نگہبان بنایا ہِے، خداوند دی جماعت دی گلہ بانی فکر مندی نال کروجینکوں اوُں نے اپنے خون نال مول گِدے۔
29
۲۹۔میں جان دا ہاں کہ میڈے ونجن دے بعد بہوں سارے مُنہ زور بھیڑیئے تہاڈے وِچ شامل ہوسن، اَتے گلہ کوُ نہ چھوڑیسن۔
30
۳۰۔ میں جان دا ہاں حتیٰ کہ تہاڈے وچوں وی کجھ لوگ آسن اَتے کجھ اُلٹیاں سِدھیاں گالہیں کریسن، کہ شاگرداں کوُ اپنے پچھے چھک گھنو۔
31
۳۱۔ اِیں کیتے ہوشیار راہو، یاد رکھو کہ تریئے سال میں ہنجواں دے نال رات تے ڈِیں تہاڈے وِچوں ہر ہک کوُ نصیحت کرن تھوں باز نہ آیا۔
32
۳۲۔ اَتے ہُن میں خدا وِچ تے اوُندے فضل دے کلام وِچ تُہاکوُ سپرد کریندا ہاں۔ جو اِیں قابل ہِے کہ تہاکوُ تعمیر کرے اَتے اُنہاں ساریاں دے نال تُہاکوُ میراث ڈیوے جو خدا کیتے مخصوص کیتے گئے ہِن۔
33
۳۳۔ میں کئیں بندے دی چاندی، سونے یا کپڑیاں دی ناجائز خواہش نئیں کیتی۔
34
۳۴۔ تُساں جان دے ہیوے کہ اِنہاں ہتھاں نے اپنی تے اُنہاں دی جیہڑے میڈی نال نال ہَن، ضرورتاں کوُ پورا کیتا ہِے۔
35
۳۵۔ ساریاں گالہیں وِچ میں تُہاکوُں نمونہ ڈِتا ہِے جو کیویں کمزوراں دی کم دے ذریعے مدد کرنی چاہیدی ہِے، اَتے کیویں تُہاکوُں خداوند یسوع دے کلام کوُ یاد رکھنا چاہیدا ہَے؛ اوہ الفاظ جیہڑے اوُں نے آپ آکھے ہَن کہ : "ڈیونا گھنن کولوں زیادہ بابرکت ہِے"۔
36
۳۶۔ جڈاں اوُں نے ایہہ سارا کجھ آکھ ڈِتا، تاں گوڈیاں دے بھار تھی کے اُنہاں ساریاں دے نال دُعا کیتی۔
37
۳۷۔ اوہ سارے بہوں روُنے اَتے پولُس دے گلے لگ کے اوُں کوُ چمی ڈِتی۔
38
۳۸۔ اوُں نے جو کجھ آکھے اوُں دے پاروں اُنہاں وِچوں بہوں سارے اُداس ہَن جو اوہ اوُندا مُنہ وَلا کڈائیں نہ ڈیکھ سن، تاں اُنہاں نے اوُں کوُ حفاظت نال جہاز تک پہنچایا۔