باب ۱

1 ۱۔میڈے پیارے تھِیُفلُس! میں تیکوُ پہلے وی ہِک رِسالہ اِنہاں ساریاں گالہیں دے بارے وِچ لکھیا ہائی جو یسوع شروع وِچ کریندا ریہا تے سِکھاندا وی ریہا۔ 2 ۲۔اوُں ڈیں تائیں جڈاں میں اوہ اُنہاں رسولاں کوُں جنہاں اوُں کوُ چُنیا ہائی روُح القدس دے وسیلے نال حُکم ڈے کے اُتے چاتا گیا ہا۔ 3 ۳۔اوُں نے ڈُکھ ساہون دے بعد بہوں سارے ثبوتاں دے نال اپنے آپ کوُ اُنہاں تے جیوندا ظاہر وی کیتا۔ وَل اوہ چالہی ڈیں تائیں اُنہاں کوُ نظریندا تے خدا دی بادشاہی دیاں گالہیں آدھا رہیا۔ 4 ۴۔اَتے اُنہاں دے نال مِل کے اُنہاں کوُ حکم ڈِتا کہ یروشلیم دے باہر نہ ونجو بلکہ باپ دے اوُں وعدے دے پورا تھیون دے منتظر راہو جیندا ذکر تُساں میڈے کولوں سُن چکے او۔ 5 ۵۔کیوں جو یوحنا نے تاں پانی نال بپتسمہ ڈِتا ہاپَر تُساں تھوڑے ڈئیاں دے بعد روح القدس نال بپتسمہ پاسو۔ 6 ۶۔ وَل اُنہاں نے جمع تھی کے اوُندے کولوں اِے پُچھیاجو اَے خداوند! کیا توُں ایں ویلے اسرائیل کوُ وَل بادشاہی ڈیسیں؟۔ 7 ۷۔ اوُں نے اُنہاں کوُ آکھیا اُنہاں ویلیاں تے معیاد اں دا جاننا جنہاں کوُ باپ نے اپنے ہی اختیار وِچ رکھیا ہےِ تہاڈا کم نئیں۔ 8 ۸۔پَر جڈاں روح القدس تُہاڈے تے نازل تھیسی تے تُساں طاقت پاسو اَتے یروشلیم تے سارے یہودیہ تے سامریہ اِچ بلکہ زمین دے اَخیر تک میڈے گواہ تھیسو۔ 9 ۹۔اِے آکھ کے اوہ اُنہاں دے ڈیدھیاں ڈیدھیاں اُتے چاتا گیا تے ہِک بَدل نے اوُں کوُ اُنہاں دیاں اکھیاں توُں لُکا گِدا۔ 10 ۱۰۔ اَتے اوُں دے ویندے ویلے جڈان اوہ آسمان اَل غور نال ڈیدھے پئے ہَن تاں ڈیکھو ڈوُ آدمی چِٹے کپڑے پاتے ہوئے اُنہاں دے کول آکھڑے تھئے ۔ 11 ۱۱۔اَتے آکھن لگے اَے گلیلی مَردو! تُساں کیوں کھڑے آسمان دے وَلے ڈیدھے ہو ؟ ایہو یسوع جیہڑا تُہاڈے کولوں آسمان تے چاتا گیا ہِے ایویں ای وَل آسی جیویں تُساں اوُں کوُں آسمان تے ویندیاں ہویاں ڈِٹھا ہِے۔ 12 ۱۲۔ تاں وَل اوہ اوُں پہاڑ تھوں جیہڑا زیتون دا پہاڑ اکھواندا ہِے اَتے یروشلیم دے نیڑے سبت دی منزل دے فاصلہ تے ہِےیروشلیم کوُ وَل گئے۔ 13 ۱۳۔ اَتے جیہڑے ویلے اوُں دے وِچ وڑے تاں اوُں بالا خانے تے چرھے جیندے وِچ اوہ یعنی پطرس تےیوحناتے یعقوب تے اندر یاس تے فلپس تے توما تے برتلمائی تے متی تے حلفئی دا پُتر یعقوب تے شمعون زیلوتیس تے یعقوب دا پُتر یہوداہ راہندے ہَن۔ 14 ۱۴۔اِے سارے دے سارے تھوڑی جہیاں زنانیاں اَتے یسوع دی ماں مریم تے اوُندے بھراواں دے نا ل ہِک دِل تھی کے دعا اِچ لگے راہے۔ 15 ۱۵۔ اَتے اُنہاں ڈیہواراں اِچ پطرس بھراواں اِچوں جیہڑای اندازاً ہک سو وھی دی جماعت ہائی کھڑا تھی کے آکھن لگا ۔ 16 ۱۶۔اَے بھراوؤ اوُں لکھے ہوئے دا پورا ےتھیونا ضرور ہا جو روح القدس نے داؤد دے مُنہ وِچوں اوُں یہوداہ دے حق اِچ پہلے تھوں آکھیا ہا جو یسوع دے پھدواؤن آلیاں دا راہنما تھیا۔ 17 ۱۷۔ کیوں جو اوہ ساڈے وِچوں گِنیا گیا ہااَتے اُوں نے اِیں خدمت دا حصہ پاتا ہا۔ 18 ۱۸۔(اوُں نے بدکاری دی کمائی نال ہِک پَیلی گِدی تے سر دے بھار ڈٹھا تے اوُندا ڈِھڈ پھٹ گئے تے ساریاں آندراں نکل آئیاں۔ 19 ۱۹۔اَتے اِے یروشلیم دے سارے راہون آلیاں کوُ پتا لگ گیا ۔ اِتھاں تاک کہ اوُں پَیلی دا ناں اُنہاں دی زبان اِچ ہَقَل دما پے گیایعنی لہو دی پَیلی )۔ 20 ۲۰۔کیونکہ زبور وِچ لکھا لاتھے جو اوُندا گھر اُجڑ ویسی، اَتے اوُں دے وِچ کوئی راہون آلا ناں راہسی اَتے اوُں دا عہدہ کوئی ڈوجھا گھن گھنسی ۔ 21 ۲۱۔وَل جیں تائیں خداوند یسوع ساڈے نال آندا ویندا ریہا یعنی یوحنادے بپتسمے تھوں گھن کے خداوند دے ساڈے نال تھوں چاتے ونجن تائیں جیہڑا برابر ساڈے نال رایہا۔ 22 ۲۲۔ چاہیدا ہِے اُنہاں وِچوں ہِک بندا ساڈے نال اوُں دے جیون دا گواہ بنے۔ 23 ۲۳۔وَل اُنہاں نے ڈوُ کوُ پیش کیتا ۔ ہِک یوسف کوُ جیہڑا برسبا اکھواندے اَتے جیندا لقب یوُستُس ہِے۔ڈوجھا متیاہ کوُ۔ 24 ۲۴۔اَتے اَکھ کہ دُعا کیتی کہ اَے خداوند ! توں جو ساریاں دی دِلاں دی جان دا ہئیں۔ ایہہ ظاہر کر کہ اِنہاں ڈوہاں وِچوں توں کئیں کو چُنا ہِے۔ 25 ۲۵۔کہ اوہ ایں خدمت تے رسالت دی جاہ گھِنے جیکوں یہوداہ چھوڑ کے اپنی جاہ لگا گیا۔ 26 ۲۶۔وَل اُنہاں نے اُنہاں دے بارے وِچ قُرعہ پاتے تے قُرعہ متیاہ دے ناں نکلے۔ وَل اوہ اُنہاں گیارہ رسولاں دے نال شُمار تھیا۔