¹ ۱۔ اے سنگتیو! ہن میں تہاکوں ایہہ ڈوجہا پَتر لکھدا پیا ہاں اَتے یاد دہانی دے طور تے ڈوحاں پَتراں تھوں تہاڈے صاف دِلاں کوں حوصلہ ڈیندا ہاں۔ ² ۔ تاں جو تُساں اِنہاں گالہیں کوُں جیہڑیاں پاک نبیاں نے پہلے تھوں آکھیاں ہَن اَتے خداوند تے نجات ڈیون آلے دے اوُں حکم کوُ یاد رکھو جو تُہاڈے رسولاں دے پاروں آیا ہا۔ ³ ۔ اَتے ایہہ پہلے جان گھنو اخیر ڈیہاں وِچ ایہو جئے مذاق کرن آلے آسن جو اپنیاں خواہشاں دے موافق چلسن۔ ⁴ ۔ اَتے آکھسن جو اوُندے آون دا وعدہ کتھاں گیا؟ کیوں جو جڈاں دے پیو ڈاڈا سُتے ہِن اوُں ویلے تھوں ہُن تائیں سارا کجھ اوُں ویں ہی ہے جیویں مُڈھوں تھوں ہا۔ ⁵ ۔ اوہ تاں جان بُجھ کے ایہہ بھُل گئے کے خدا دے کلام دے پاروں آسمان موڈھوں موجود ہِے۔ تے زمین پانی وِچوں بنی تے پانی اِچ قائم ہِے۔ ⁶ ۔ اِنہاں دے ای پاروں اوُں زمانے دی دُنیا بُڈ کے ہلاک تھی گئی۔ ⁷ ۔ پر ایں ویلے کہ آسمان تے زمین اوُں کلام دے ایں واسطے رکھے گئے ہِن جو زندہ کیتے ونجن تے اوہ بےدین بندیاں دی عدالت تے ہلاکت دے ڈِیں تائیں محفوظ راہسن۔ ⁸ ۔ اے سنگتیو! ایہہ خاص گالھ تُہاڈے کولوں لُکی نہ راہوے کہ خداوند دے نیڑے ہِک ڈِیں ہزار سال دے برابر ہِے تے ہزار سال ہک ڈیں دے برابر۔ ⁹ ۹۔خداوند اپنے وعدے وِچ دیر نئیں کریندا جیہو جئی دیر بعض لوگ سمجھدِن، بلکہ تُہاڈے بارے وِچ تحمل کریندا ہِے ایں کیتے کہ کئیں کو وی ہلاک ڈیکھنا نئیں چاہندا، ہتھوں ایہہ چاہندا ہے جو ساریاں دی توبہ تائیں نوبت پہنچے۔ ¹⁰ ۱۰۔ پر خداوند دا ڈیں چور دی طرح آویسی۔ اوُں ڈیں آسمان وڈے شور تھوں برباد تھی ویسن اَتے آسمانی تارے سخت گرمی دی وجہ تھوں پگھل ویسن تے زمین تے اوُندے کم سڑ ویسن۔ ¹¹ ۱۱۔ جو ایہہ ساریاں شئیاں ایویں پگھلن آلیاں ہِن تاں تہاکوُ پاک چال چلن تے دینداری اَچ کیہو جیا تھیونا چاہیدا ہِے؟۔ ¹² ۔ اَتے خدا دے اوُں ڈیں دے آون دا کیہو جیا انتظار کرن چاہیدا ہِےَ؟۔ جیندے پاروُں آسمان اَگ نال پگھل ویسن تے آسمانی تارے سخت گرمی دے نال گل ویسن۔ ¹³ ۔ پر اوُندے وعدہ دے موافق اساں نویں آسمان تے نویں زمین دا انتظار کریندے ہئیں جنہاں دے وِچ نیک کم راہندِن ¹⁴ ۱۴۔ پس اِے بھراؤ! چونکہ تُساں اِنہاں گالہیں دے منتظر ہو اِیں کیتے اوُں دے سامنے اطمینان دی حالت اِچ بغیر داغ دے تے بےعیب نکلن دی کوشش کرو۔ ¹⁵ ۱۵۔اَتے ساڈے خداوند دے تحمل کوُ نجات سمجھو۔ چنانچہ ساڈے سنگتی بھرا پولُس نے وی اوُں حکمت دے موافق جو اوُں کوُ ملی ہائی تہاکوں ایہو لکھا ہِے۔ ¹⁶ ۱۶۔اَتے اپنے سارے پَتراں وِچ اِنہاں گالیں دا ذکر کیتا ہِے جنہاں وِچوں بہوں ساریاں گالہیں ایہو جیہاں ہِن جِنہاں دا سمجھنا بہوں مشکل ہِے اَتے جاہل تے کہیں گال تے ناں ٹہرن آلے لوگ اُنہاں معنویاں کوُ وی بئے صحیفیاں دی طرح چھک تان کے اپنے کیتے ہلاکت پیدا کریندے ہِن۔ ¹⁷ ۱۷۔ پس اِے سنگتیو! چونکہ تہاکوں پہلے تھوں پتا ہِے ایں کیتے ہوشیار راہو تاں جو جیہڑے بےدین ہِن اُنہاں دی گمراہی دی طرح اپنی مضبوطی کوُ چھوڑ نہ ڈیوو۔ ¹⁸ ۱۸۔ بلکہ ساڈے خداوند تے مُنّجی یسوع مسیح دے فضل تے عرفان اِچ ودھدے جاؤ۔ اوُں دی تمجید ہُن وی ہووے تے اَخیر ہوندی راہوے۔ آمین۔