1
۱۔اَتے جیویں اوُں اُمّت اِچ کوُڑے نبی وی ہَن اوُں وے ای تہاڈے وِچوں وی کوُڑے استاد ہوسن۔ جیہڑے لُکیاں ہویاں مار سٹن آلیاں بدعتاں کڈھیسن اَتے اوُں مالک دا انکار کریسن جئیں نے اُنہاں کوُ مُول گھن گِدا ہا اَتے اپنے آپ کوُ جلدی مار گھن سن۔
2
۔ اَتے بہتیرے اُنہاں دی شہوت پرستی دی پیروی کریسن جنہاں دے پاروُں راہ حق دی بدنامی ہوسی۔
3
۔ اَتے اوہ لالچ تھوں گالہیں بنا کے تہاکوُ اپنے نفع دا سبب ٹھہراسن تے جیہڑا پُرانے زمانے تھوں اُنہاں دی سزا دا حکم تھی چُکے، اوُں دے آون اِچ کجھ وی دیر نئیں اَتے اُنہاں دی ہلاکت سُتی نئیں۔
4
۔ کیونکہ جڈاں خدا نے گناہ کرن آلے فرشتیاں کوُ نہ بخشیا بلکہ جہنم اِچ بھیج کے اندھارے غاراں سَٹ چھوڑے تاں جو عدالت آلے ڈِیں تائیں حراست اِچ راہون۔
5
۔ اَتے نہ ای پہلی دُنیا کو چھوڑا بلکہ بے دین دُنیا تے طوفان بھیج کے راستبازی دی مُنادی کرن آلے نوح کوُ تے سَت آدمیاں کوُ بچا گِدے۔
6
۔اَتے سدوم تے عمورہ دے شاہراں کوُ مٹی نال مِلا ڈِتے تے اُنہاں کوُ ہلاکت دی سزا ڈِتی تے آون آلے زمانے دے بے دیناں کیتے عبرت دی جاہ چا بنائے۔
7
۔ اَتے راستباز لوُط کوُ جیہڑا بے دینیاں دے پلید چال چلن تھوں تنگ ہا رہائی ڈِتی۔
8
۔ ( چنانچہ اوہ راستباز اُنہاں وِچ رہ کے تے اُنہاں دے بے شرع کماں کوُ ڈیکھ ڈیکھ کے تے سُن سُن کے گویا ہر ڈینہ اپنے سچے دِل کوُ شکنجے وِچ کھچیندا ہا۔)
9
۹۔ تے خداوند دین داراں کوُ آزمایش اِچوں کڈھ گھننا تے بدکاراں کوُ عدالت آلے ڈِیں تائیں سزا اِچ رکھنا جان دا ہِے۔
10
۱۰۔ خاص کراُنہاں کوُ جیہڑے ناپاک خواہشاں نال جسم دی پیروی کریندے ہِن اَتے حکومت کوُ کوُئی شئے نئیں جان دے۔ اوہ گستاخ تے آپ ای مشورہ ڈیون آلے تے عزت داراں دی بےعزتی کرن تھوں نئیں ڈردے۔
11
۱۱۔ اِیں دے باوجود کہ فرشتے جو طاقت تے قدرت اِچ اُنہاں تھوں وڈے ہِن، خداوند دے سامنے اُنہاں تے لعن طعن دے نال بےعزتی نئیں کریندے۔
12
۔ پر ایہہ لوگ بےوقوف جانوراں دی طرح ہِن جو پکڑے ونجن تے ہلاک تھیون کیتے حیوان پیدا تھئے ہِن۔ جنہاں گالہیں کوُں نئیں جان دے اُنہاں دے بارے وِچ ڈوجیاں تے لعن طعن کریندے ہِن۔ اپنی اِچ آپ خراب کیتے ویسن۔
13
۔ ڈوجیاں کوں بُرا کرن دے بدلے اُنہاں دا ہی بُرا تھیسی۔ اِنہاں کوُں ڈینہ ڈیہاڑے عیاشی کرن اِچ مزا آندے، ایہہ داغ تے عیب ہِن۔ جڈاں تُہاڈے نال کھاندے پیندے ہِن تا اپنی طرفوں محبت دی ضیافت کر کے عیش وعشرت کریندے ہِن۔
14
۱۴۔ اُنہاں دیاں اکھیاں جنہاں وِچ زِنا کار عورتاں ہِن گناہ تھوںرُک نئیں سگدیاں اوہ بے گھراں آلیاں کوُ پھنساندے ہِن۔ اُنہاں دا دِل لالچ دا کریندا راہندے۔ اوہ لعنت دی اولاد ہِن۔
15
۱۵۔ اوہ سِدھی راہ چھوڑ کے گمراہ تھی گئیِن تے بعور دے پُتر بلعام دی راہ تے تھی گئیِن جئیں نے ناراستی دی مزدوری کوُ چنگا سمجھے۔
16
۱۶۔ پر اپنے قصور تے ملامت چاتی کہ ہک بےزبان گڈھاں نے بندے دی طرح بول کے اوُں نبی کوُ دیوانگی تھوں باز رکھے۔
17
۱۷۔ اوہ اندھے کھوُ ہِن اَتے ایہو جئی کوہیڑ جینکوں اَندھاری اُڑا ویندی ہِے۔ اُنہاں کیتے بہوں زیادہ اندھارا ہِے۔
18
۱۸۔ اوہ گھمنڈ دیاں بےہودہ گالہیں آکھ آکھ کے شہوت پرستی دے نال اُنہاں لوگاں کوُں جسم دی خاہشاں اِچ پنسا گھن دے ہِن جیہڑے گمراہیاں وِچوں نکل دے ہی دے پئے ہِن۔
19
۱۹۔ اوہ اُنہاں نال آزادی دا وعدہ کریندے ہِن تے آہ خرابی دے غلام بنے ہوئے ہِن کیوں جو جیہڑا بندہ جئیں تھوں مغلوب ہِے اوہ اوندا غلام ہِے۔
20
۲۰۔ اَتے جڈاں اوہ خداوند تے مُنّجی یسوع مسیح دی پہچان دے وسیلے نال دُنیا دی آلودگی تھوں آزاد تھی کے وَلا اُنہاں وِچ پھنس ونجے اَتے اُنہاں کولوں مغلوب تھیوےتاں اُنہاں دا پچھلا حال پہلے تھوں وی بُرا تھیا۔
21
۲۱۔ کیوں جو راستبازی دی راہ دا نہ جاننا اُنہاں دے کیتے اِیں دے کولوں چنگا تھیوے ہا کہ اوُں کوُ جان کے اوُں پاک حکم تھوں پھر ویندِن جیہڑا اُنہاں کوُ ڈِتا گیا ہا۔
22
۲۲۔ اُنہاں تے ایہہ سچی مثال ثابت تھیندی ہِے جو کُتا اپنےاُلٹی دی پاسے وَل آندے، تے دھانتی ہوئی سئورنی دَلدَل اِچ کلٹیاں مارن دے پاسے۔