¹ ۱۔ شمعون پطرس دی طرفوں جیہڑا یسوع مسیح دا بندا تے رسول ہِے اُنہاں بندیاں دے ناں جنہاں نے ساڈے خدا تے مُنّجی یسوع مسیح دی نیک نامی اِچ ساڈا جیہا قیمتی ایمان پایا ویندے۔ ² ۔ خدا تے ساڈے خداوند یسوع دی پہچان دے پاروں فضل تے اطمینان تہاڈے تے بہوں تھیندا راہوے۔ ³ ۔ کیوں جو اوُندی الٰہی قدرت نے اوہ ساریاں شئیاں جو زندگی تے دین داری دے متعلق ہِن ساکوُ اوندی پہچان دے وسیلے نال ملیاں ہِن جئیں نے ساکوُ اپنے خاص جلال تے نیکی دے ذریعے سڈیا ہِے۔ ⁴ ۔ جئیں دے پاروں اوُں نے ساڈے نال قیمتی تے بہوں وڈے وعدے کیتے تاں جو اُنہاں دے وسیلے نال تُساں اوُں خرابی تھوں الگ تھی کے جیہڑی دُنیا وِچ بُری خواہش دے پاروں ہِے خدا دی ذات اِچ شریک تھی ونجو۔ ⁵ ۔ پس ایں کیتے تُساں اپنی طرفوں بہوں کوشش کر کے اپنے ایمان تے نیکی تے نیکی تے معرفت۔ ⁶ ۔ اَتے معرفت تے پرہیزگاری تے پرہیزگاری تے صبر تے صبر تے دین داری۔ ⁷ ۔ اَتے دین داری تے برادرانہ اُلفت تے برادرانہ اُلفت تے محبت ودھاؤ۔ ⁸ ۔ کیوں جو اگر ایہہ گالہیں تُہاڈے وِچ موجود ہوؤن تے ودھدیاں ونجن تاں تہاکوُ ساڈے خداوند یسوع مسیح کوُ سُنجھانن اِچ بے کار تے بے پھل نہ تھیون ڈیسن۔ ⁹ ۹۔ اَتے جیندے وِچ ایہہ گالہیں نہ ہوؤن اوہ اندھا ہِے تے بے خبر ہِے اَتے اپنے پہلے گناہاں دے دھوتے ونجن کوُ بھولیا بیٹھا ہِے۔ ¹⁰ ۱۰۔ پس اِے بھراؤ! اپنے بُلاوے تے برگزیدگی کوُ ثابت کرن دی زیادہ کوشش کرو اگر ایویں کریسو تاں کڈائیں وی تھُڈا نہ کھاسو۔ ¹¹ ۱۱۔بلکہ اِیں تھوں تُساں ساڈے خداوند تے مُنّجی یسوع مسیح دی ابدی بادشاہی اِچ وڈی عزّت دے نال داخل کیتے ویسو۔ ¹² ۔ اِیں کیتے میں تہاکوں ایہہ گالہیں یاد ڈیواون اِچ ہمیشہ قائم راہساں اگرچہ تُساں اُنہاں تھوں واقف ہیوے تے اِیں حق دی گالھ تے قائم ہو جو تہاکوُ حاصل ہِے۔ ¹³ ۔ اَتے جداںتائیں میں اِیں خیمے وِچ ہاں تہاکوں یاد ڈیوا ڈیوا کے اُبھارنا میں اپنے اُتے ضروری سمجھدا ہاں۔ ¹⁴ ۱۴۔کیوں جو ساڈے خداوند یسوع مسیح دے ڈساون دے موافق میکوُ پتا ہِے کہ میڈے خیمے دے ڈھے پوؤن دا ویلہ جلدی آون آلا ہِے۔ ¹⁵ ۱۵۔ پس میں ایہو جئی کوشش کریساں جو میڈے مرن دے بعد تُساں اِنہاں گالہیں کوُںہمیشہ یاد رکھیسو۔ ¹⁶ ۱۶۔ کیونکہ جیہڑے ویلے اساں تہاکوُ اپنے خداوند یسوع مسیح دی قدرت تے اوندے آون تھوں ڈسایا ہا تاں دغابازی نال بنائیاں ہویاں کہانیاں دے پچھے نئیں چلے بلکہ آپ اوندی عظمت کوُ ڈِٹھا ہائی۔ ¹⁷ ۱۷۔ جو اوُں نے خدا باپ نال اوُں ویلے عزت تے جلال پاتے جڈاں اوُں افضل جلال وِچوں اوُں کوُ ایہہ آواز آئی جو ایہہ میڈا پیارا پُتر ہِے جئیں تھوں میں خوش ہاں۔ ¹⁸ ۱۸۔اَتے جیہڑے ویلے اوُں دے نال پاک پہاڑ تے ہاسے تاں آسمان تھوں ایہو آواز آندی ہوئی سُنی۔ ¹⁹ ۱۹۔ اَتے ساڈے کول نبیاں دا اوہ کلام ہِے جیہڑا بہوں معتبر ہِے اَتے تُساں چنگا کریندے ہیوے جو ایہہ سمجھ کے اوندے تے غور کریندے ہو کہ اوہ ہِک ڈیوا ہِے جو اندھاری جاہ تے سوجھلا ڈیندا ہِے جڈاں تائیں سویر نہ تھیوے اَتے صبح دا تارہ تُہاڈے دِلاں وِچ نہ چمکے۔ ²⁰ ۲۰۔ اَتے پہلے اِیہہ جان گھنو کہ کتاب مقُدس دی کوئی نبوت دی گالھ دا عذر کئیں دے ذاتی اختیار تے نئیں ²¹ ۲۱۔ کیوں جو نبوت دی کوُئی وی گالھ بندے دی خواہش تھوں تڈائیں وی نئیں تھئی بلکہ بندے روح القدس دی تحریک دے سببوں خدا دی طرفوں بولیندے ہَن۔