¹ ۱۔پس میں ساریاں توں پہلے ایہہ نصیحت کریندا ہاں کہ مُناجاتیں تے دعاواں تے التجاواں تے شکرگزاریاں سارے بندیاں کیتے کیتی ونجن۔ ² ۲۔ بادشاہواں تے سارے وڈے مرتبہ آلیاں دے واسطے اِیں کیتے جو اساں کمال دین داری تے سنجیدگی نال امن وآرام دے نال زندگی گزاروُں۔ ³ ۳۔ ایہہ ساڈے مُنجی خدا دے نیڑے چنگا تے پسندیدہ ہِے۔ ⁴ ۴۔ اوہ چاہندہ ہِے جو سارے بندے نجات پاؤن اَتے سچائی دی پہچان تک پہنچن۔ ⁵ ۵۔ کیونکہ خدا ہِک ہِے اَتے خدا تے انسان دے وِچ درمیانی وی ہِک یعنی مسیح یسوع جو انسان ہِے۔ ⁶ ۶۔جئیں نے اپنے آپ کوُ ساریاں دے فدیہ اِچ ڈے ڈِتے تاں جومناسب ویلے اِچ اوُندی گواہی ڈِتی ونجے۔ ⁷ ۷۔ میں سچ آدھا ہاں۔ کوُڑ نئیں بولیندا کہ میں اِیں غرج نال مُنادی کرن آلا تے رسول تے غیر قوماں کوُ ایمان تے سچائی دی گالہیں سِکھاون آلا مقرر تھیا۔ ⁸ ۸۔ پس میں چاہندا ہاں جو مَرد ہر جاہ تے غصے تے تکرار توں بغیر پاک ہتھ چا کے دعا کیتا کرن۔ ⁹ ۹۔ ایویں ای زنانیاں حیادار کپڑے تے شرم پرہیزگاری دے نال اپنے آپ کوُ سنوارن نہ کہ بال بناون تے سونے تے موتی تے مہنگے کپڑیاں نال۔ ¹⁰ ۱۰۔ بلکہ نیک کماں نال جیویں خدا دی عبادت کرن آلیاں زنانیاں کوُ مناسب ہِے۔ ¹¹ ۱۱۔ عورت چُپ کر کے وڈی تابع داری دے نا ل سِکھے۔ ¹² ۱۲۔ اَتے میں اجازت نئیں ڈیندا کہ عورت سکھاوے یا مَرد تے خُکم چلاوے بلکہ چُپ چاپ راہوے۔ ¹³ ۱۳۔ کیونکہ پہلے آدم بنایا گیا ہا۔ اوُں دے بعد حوا۔ ¹⁴ ۱۴۔ اَتے آدم نے دھوکا نئیں کھادا ہا بلکہ عورت دھوکا کھا کے گناہ وِچ ڈھِے پئی۔ ¹⁵ ۱۵۔ پر بالاں دے ہون پاروُں نجات پاسی پر شرط اِے ہِے کہ اوہ ایمان تے محبت تے پاکیزگی اِچ پرہیزگاری دے نال قائم راہون۔