¹ ۱۔اوں حیاتی دے کلام دے کلام دے پاروں جیہڑا مڈھوں ہائی اَتے جیں کوں اساں سُنے اَتے اپنی اکھاں نال ڈِٹھے ہتھوں دھیان ڈے کے ڈِٹھے اَتے اپنے ہتھ لا کے ڈِٹھے ² ۲۔(تاں اے حیاتی ظاہر تھئی اَتے اساں اوں کوں ڈِٹھے اَتے اوں دی گواہی ڈیندے ہئیں ڈسیندے پئیں ہاں تہاکوں ایں نہ ختم تھیون آلی حیاتی دی جیہڑی پیوُ دے نال ہائی اَتے ساڈے تے ظاہر تھئی۔ ³ ۳۔ جو کجھ اساں ڈِٹھا تے سُنا ہِے تہاکوں وی اوندا پتا ڈیندے ہئیں تاں جو تساں وی ساڈے نال مل ونجو تاں جو ساڈی سنگت پیوُ دے نال تے اوندے پُتر یسوع مسیح دے نال ہِے ⁴ ۴۔ ایہہ گالیں اساں ایں کیتے لکھدے پئے ہاں جو ساڈی خوشی پوری تھی ونجے۔ ⁵ ۵۔ اوندے کولوں سُن کے جیہڑا سنیہا اساں تہاکوں ڈیندے پئے ہاں او ایہہ ہِے کہ خدا نور ہِے اَتے اوندے اَچ تھوڑا جہاں وی اندھارا نئیں ⁶ ۶۔ اگر اساں اۤکھوں کہ ساڈی اوندے نال سنگت ہِے اَتے وَل وی اندھارے وچ ٹروں تاں اساں کوڑے ہئیں اَتے سچائی تے عمل نئیں پئے کریندے ⁷ ۷۔ پر اگر اساں نور دے وچ ٹروں جیویں کہ او نورچ ہِے تاں ساڈی آپس وچ سنگت ہِے اَتے اوندے پُتر یسوع دا لہو ساکوں سارے گناہاں تھوں پاک کریندے۔ ⁸ ۸۔ اگر اساں آکھوں کہ اساں بےگناہ ہئیں تاں اپنے آپ کوں دھوکا ڈینڈے پئے ہاں اَتے ساڈے وچ سچائی کئے نئیں ⁹ ۹۔ اگر اساں اپنے گناہاں دا اقرار کر گھنوں تاں او ساڈے سارے گناہاں دے معاف کرن تے ساڈے کھوٹ پن تھوں پاک کرن اِچ سچا تے عادل ہِے ¹⁰ ۱۰۔ اگر اساں اۤکھوں کہ اساں گناہ نئیں کیتے تاں اوں کوں اساں کوڑا آدھے ہئیں تے اوندا کلام سادے وچ نئیں۔