1
۱۔ اُوسے ویلے بوعز شہر دے پھاٹک تے آ گیا تے اُوتھے بہہ گیا تے جدوں او مُربی تے رشتہ دار جِیدا اُونے ذِکر کِیتا سی آگیا تے بوعز نے آکھیا یار اِیتھے آ تے بہہ جا تے فیر او اُوتھے جا کے بہہ گیا۔
2
۲۔ بوعِز نے شہر دے وڈیِریاں وِچو دس لُوکاں نُوں صِیدیا تے اُوتھے بہین نُوں آکھیا تے او وی بہہ گٗے۔
3
۳۔ فیر اُونے اُوس مُربی رشتہ دار نُوں آکھیا۔ نعومی جہڑی موآب تُوں مُڑ آئی اے زمین دا اک حصہ جہڑا ساڈے بھرا الملک دی جائداد سی ویچ رہی اے۔
4
۴۔ میں اہیہ سوچیا کہ میں اہیہ مسئلہ تینوں دِساں تے اہیہ صلاح دیواں کے تُو اُونوں اُوناں لوکاں دے سامنے جہڑے اِیتھے بِیٹھے نے تے میری قوم دے وڈیرایاں دے سامنے خِرید لے۔ جے تُوں اُونوں چُھڑانا تے تُو چُھڑا لے جے تُو نیں چُھڑنا چاندا تے تُو کہہ دے تاں فیر مِینوں پتا چل جاوے کیوں جے تیرے علاوہ ہور کِسے نُوں اہیہ حق نیں جہڑا اُنوں چُھڑاوے تے تیرے بعِد میں واں۔ اُونے آکھیا کے میں اُنوں چُھڑا لواں گا۔
5
۵۔ فیر بوعِز نے آکھیا جِس دِن اُو زمین تُو نعومی تے موآبی رُوت توں خرید لویں گا اُوس بیوہ رُوت نُوں وی اِپنا بنانا پے گا تاں جے اُوھدے مِرے ہوۓ خاوند دا ناں اُوھدی جائدار نال جُڑیا روے۔
6
۶۔ فیر اُوھدے مُربی رشتہ دار نے آکھیا فیر تے میں اُنوں نیں چُھڑا سکدا کیوں جے اُوھدے نال میری آودی جائداد خطرے وچ پے جاوے گی تُو اُونوں چُھڑا لے میں نیں چُھڑا سکدا۔
7
۷۔ پُرانے زمانے وِچ اسِرائیل دا رواج سی کے جائیداد دے چُھڑان تے لِین دِین دا مُعاملہ بِالکل طے کر دے ویلے اک گروہ آودی جُتی لاہ کے دُوجے نُوں دیندہ سی۔ لِین دِین دا قانونی طور تے سہی اے ای طریقہ سی۔
8
۸۔ فیر اُوس چُھڑان الے مُربی رشتہ دار نے بوعِز نُوں آکھیا تُو ای اُونوں خرید لے تے اُونے آودی جُتی لاہ لئی۔
9
۹۔ فیر بوعِز نے وڈیریاں تے سارے لُوکاں دے سامنے اعلان کیتا کے اج تُسی گواہ او کے میں نعومی الملک کلیون تے محلون دی ساری جائداد خرید لئی اے۔
10
۱۰۔ میں محلون دی بیوہ موآبی رُوت نُوں وی اپنی بیوی دے طور تے من لیا اے تاں جے مِر ے ہوئے دا ناں اُودی جائیداد دے نال ملیا روے تے اُوناں اُودے خاندان وچوں یا شہر دے دروازے تُوں مِٹِے نہ۔ اِج تُسی ایِِدے گواہ او۔
11
۱۱۔ فیر وڈیریاں تے او سارے لوکاں نے جہڑے پھاٹک تے جمع ہوۓ سی آکھیا اِسی گواہ واں۔ جہڑی عُورت تیِرے گھِر وِچ آرہی اے خداوند اُونوں راخل تے لیاہ وانگر کر دوے۔ جنہاں نے مِل کے اِسرئیل دے گھِر نُوں قائم کیتا اے تے تینوں افراتہ دے وِچ اُوچی تھاں ملے تے بیِت الحم وِچ تیرا ناں روشن ہوے ۔
12
۱۲۔ تے اُوناں بچیاں دے سببوں جو خداوند تینوں اُوس عُورت تُوں دِیوے تیرا خاندان فَارس دے خاندان ورگا ہوے جہڑا یہودا تُوں تِمر ول پیدا ہویا۔
13
۱۳۔ فیر بوعِز نے رُوت نُوں لے لیا تے اُو اُودی بیِوی بنی تے اُو اُوھدے کول گیا تے خداوند دے فضل دے نال او حامِلہ ہوئی تے اُوھدا پُتر پیدا ہویا۔
14
۱۴۔ عُورتاں نے نعومی نُوں آکھیا خداوند دی تعریف ہوۓ کے اج تینوں مُربی رشتہ دار دے بغیر نیں چھڈیا اُوناں دا ناں سارے اسِرئیل دے وِچ مشہوُر ہوے۔
15
۱۵۔ او تیری زِندگی نُوں خُوش کرے گا تے تیرے بُڈھے ہون تیک تینوں سنبھالے گا۔ کیوں جے تیری نُوھو نے جہڑی تیرے نال محبت رکھتی اے تے جہڑی تیرے لئی سِت پُتراں تُوں وی ودھ کے وے اُونوں جمیا اے۔
16
۱۶۔ فیر نُعومی نے اُوس بچے نُوں چُک کے اپنی گود وِچ لیاِ ۔
17
۱۷۔ اُوھدی گوانڈ ناں نے آکھیا نُعومی دا پُتر ہویا اے تے اُوناں نے اُوھدا ناں عبید رکھیا۔ او یِسی دا پُیو سی تے اوہی یِسی داؤد دا پُیو سی۔
18
۱۸۔ جیویں کے فارص دا خندان اہیہ وے۔ فارص تُوں حصرون پیدا ہویا۔
19
۱۹۔ حصرون تُوں رام تے رام تُوں عمینداب پیدا ہویا۔
20
۲۰۔ عمینداب تُوں نحسون تے نحسون تُوں سلُمون پیدا ہویا۔
21
۲۱۔ سلمُون تُوں بوعِز تے بوعِز تُوں عبید پیدا ہویا۔
22
۲۲۔ عبید تُوں یِسی تے یِسی تُوں داؤد پیدا ہویا۔