¹ ۱۔ست فرشتیاں وچوں اِک فرشتے جیس نے ہتھ وچ ست پیالے چُکے ہوئے سَن مینوں کیہاکہ آ، مَیں تینوں عظیم کنجری دی سزا بارے ویکھانا جیڑی پانیاں اُتے بیٹھی اے۔ ² ۲۔ایہ اوہ وے جس دے نال زمین دے بادشاواں نے شہوت دی حرامکاری کیتی۔ یہ اُہدی شہوت دی حرامکاری دی شراب دی بے راہ روی سی کہ جس نال زمین دے اُتے رہن والے نشئی ہو گئے۔ ³ ۳۔فیر فرشتہ میرے رُوح نوں چُک کے بیابان وچ لے گیا۔ مَیں عورت نوں اِک سُرخ حیوان اُتے بیٹھے ویکھیا جو کُفر دے ناواں نال بھریا سی۔ اُس حیوان دے سَت سر تے دس سینگ سَن ⁴ ۴۔عورت نے سُرخ تے جامنی لباس پایا سی۔ جِنے سونے، قیمتی پتھر تے موتی لگے سَن۔ اُونے اپنے ہتھ وچ اِک سونے دا پیالہ جیڑا اوہدی حرامکاری تے ناپاکیاں نال بھریا سی، پھڑیا سی۔ ⁵ ۵۔اُودے مَتھے اُتے اِک ناں لکھیا سی جس دا مطلب پوشیدہ ہَے، وڈا شہرِ بابل کنجریاں تے دھرتی دیاں مکروہ چیزاں دی ماں۔ ⁶ ۶۔مَیں ویکھیا کہ عورت یسُوع دے شہیداں دے خون تے مَقدساں دے خون نال شرابی ہوئی اے۔ جدوں مَیں اُوس نوں ویکھیا مَیں بہت حیران ہویا۔ ⁷ ۷۔پَر فرشتے نے مینوں کیہا، ’’تُوں کیوں حیران ایں؟‘‘ میں تینوں عورت تے جیس حیوان اُتے اوہ سوار اے اوہدا مطلب دساں گا۔ حیوان جس دے ست سر تے دس سِنگ نے۔ ⁸ ۸۔جیڑا حیوان توں ویکھیا اور ہُندا سی پر ہُن نئیں اے پَر اتھاہ گڑھے وچوں آؤن والا اے۔ تے اوہ ہلاک ہو جائیگا۔ جیڑے دھرتی اُتے رہندے نے تے جناں دا ناں دُنیا دے شروع توں کتابِ حیات وچ نئیں لکھیا اَوہ حیوان نوں ویکھ کے حیران ہون گے کہ اَوہ موجود سی، پر ہُن موجود نیں پر آؤن والا اے۔ ⁹ ۹۔اے عقل رکھن والے ذہین لئی موقع اے۔ سَت سر ست پہاڑیاں نےجِس اُتے عورت بیٹھی اے۔ ¹⁰ ۱۰۔اوہ ست بادشاہ وی نے ۔ پنچ بادشاہ ختم ہو گئے نے اِک موجود اے تے آؤن والا اے۔ جدوں اُوہ آئے گا اوہ صرف تھوڑے وقت لئی رہے گا۔ ¹¹ ۱۱۔جیڑا حیوان پہلاں سی تے ہن نیں ایہ اپنے آپ وچ اَٹھواں بادشاہ وی اے پَر اے ست بادشاواں وچوں اِک اے۔ ایہ ہلاکت وچ لے جائیگا۔ ¹² ۱۲۔جیڑے دس سینگ توں ویکھے نے اوہ دس بادشاہ نے جناں نوں ہُن تک کوئی بادشاہت نئیں مِلی پر اُناں نوں حیوان دے نال اِک گھنٹے لئی بادشاہ دا ختیار ملے گا۔ ¹³ ۱۳۔ایناں ساریاں دی اِکوں مرضی ہووے گی تے اَوہ اپنا اِختیار تے طاقت اوس حیوان کو دے دین گے۔ ¹⁴ ۱۴۔اُوہ برے دے خلاف جنگ کرن گے ہَر برے نوں فتح ہوئے گی۔کیوں جو اُوہ خداونداں دا خدا تے بادشاواں دا بادشاہ اے۔ اور اُہدے نال بُلائے ہوئے چُنے ہوئے تے وفادار لوگ ہین۔ ¹⁵ ۱۵۔فرشتے نے مینوں کہیا، ’’جناں پانیاں نوں توں ویکھیا جتھے کنجری بیٹھی سی اُوہ لوک، لشکر، قوماں تے زباناں نیں‘‘۔ ¹⁶ ۱۶۔جیڑے دس سینگ توں ویکھے اور تے حیوان کنجری توں نفرت کرن گے اَوہ اُس نون بے کس تے ننگا کرن گے تے اُوہ اوس دا بدن کھاجان گے تے اُوس نوں پوری طرح اَگ نال ساڑھ دین گے۔ ¹⁷ ۱۷۔کیوں جو خُدا نے اُوناں دے دِل وچ پا دِتا اے کہ اُس دا مقصد پُورا کرے ۔ اِس طرح کہ اُوہ رضا مندی دے نال اپنی حکمرانی دی طاقت حیوان نوں دے دین جدوں تک کہ خُدا دا کلام پُورا نئیں ہو جاندا۔ ¹⁸ ۱۸۔جس عورت نوں توں ویکھیا اُوہ عظیم شہر ااے جیہڑا زمین دے بادشاواں اُتے حکومت کردا اے۔