¹ ۱۔ یا رَب بدلہ دین والے ۔یا رَب ۔ یا رَب بدلہ دین والے ۔ظاہر ہو۔ ² ۲۔ اے جہان دا نیاں کرون والے ۔اُٹھ۔ ³ ۳۔ یا رَبا ۔شریر کدوں تیک ۔ شری کدوں تیک گھمنڈ کردے رہن گے ۔ ⁴ ۴۔ کدوں تیک اوہ سب بدکردار۔ بکواس تے شیخی تے گھمنڈ کردے رہن گے ۔ ⁵ ۵۔ یا رَب تیری اُمت نُوں پیس چھڈ دے نیں ۔ تے تیری میراث نُوں دُکھ دیندے نیں ۔ ⁶ ۶۔ اوہ بیوہ دے پردیسی نُوں دُکھ دیندے نیں ۔ تے یتیم نُوں مار دیندے نیں ۔ ⁷ ۷۔ تے آکھدے نیں پئی رَب نئیں ویکھدا ۔ یعقوب ؔدا رَبخیال نئیں کر دا۔ ⁸ ۸۔ اے اُمت دے جاہلو سمجھلو۔ تے اے بے عقلو تہانوں کدوں عقل آوے گی؟ ⁹ ۹۔ جس نیں کَن دِتا کیہ اوہ آپ نئیں سُن دا؟ یاں جس نیں اَکھ بنائی کیہ اوہ آپ نئیں ویکھدا؟ ¹⁰ ۱۰۔ کیہ قوماں دا مہذب ادب نئیں سکھائےگا ؟ تے انسان دا اُستاد عِلم نئیں رکھدا؟ ¹¹ ۱۱۔ رَب انسان دے خیالاں نُوں جاندا اے۔ پئی اوہ بے اصل نیں ۔ ¹² ۱۲۔ یا رباَ مبارک اے اوہ بندہ جنہوں تُوں سکھاویں ۔ تے اپنی شریعت دی تعلیم دیناں ویں ۔ ¹³ ۱۳۔ تاں جو تُوں اوہنوں بُرے دِناں وچ آرام بخشیں ۔ جد کے شری لئی ٹویا پُٹیا جاندا اے ۔ ¹⁴ ۱۴۔ کیوں جو رَب اپنی اُمت نُوں نئیں چھڈے گا ۔ تے اپنی میراث نُوں نئیں چھڈے گا ۔ ¹⁵ ۱۵۔ کیوں جو نیاں سچائی وَل دھیان کرے گا ۔ تے سب راست دل اوہدے پِچھے چلن گے ۔ ¹⁶ ۱۶۔ شریراں دے مقابلے لئی میرے لئی کون اُٹحے گا ؟ بدکرداراں دے خلاف میرے لئی کون کھلووے گا ؟ ¹⁷ ۱۷۔ جے رَب نے میری مدد ناں کیتی ہوندی ۔ تے اینج ہون ای والا سی پئی میری جان پاتال وچ چلی جاندی۔ ¹⁸ ۱۸۔ جدوں میں سمجھناں واں پئی میرا پیر تلکن لگا اے۔ تے یا رَبا تیری رحمت مینوں سنبھال لیندی اے۔ ¹⁹ ۱۹۔ جدوں میرے دِل وچ بوہت فکراں ہوندیاں نیں ۔ تے تیری تسلی میری جان نُوں خوش کر دی اے۔ ²⁰ ۲۰۔ کی شریراں دی مسند نال تینوں کوئی غرض اے۔ جیہڑا قانوناں دی آڑ وچ بدی گھڑ دا اے؟ ²¹ ۲۱۔ اوہ صادق دی جان اُتے حملہ کر دے نیں ۔ تے بے گناہ اُتے قتل دا فتویٰ لاؤندے نیں ۔ ²² ۲۲۔ یقیناً رَب میری لُکن دی تھاں اے۔ تے میرا خُدا تے میری آس دی چٹان اے۔ ²³ ۲۳۔ اوہ اوہناں دی بدکاری اوہناں اُتے ای لیاوے گا ۔ تے اوہناں دی شرارت دے نال ای اوہناں نُوں مِٹا دیوے گا ۔ رَب ساڈا خُدا اوہناں نُوں مِٹا دے گا ۔