(مزمُور۔گیت ۔سبت دے دِن لئی ۔) ¹ ۱۔ اے حق تعالیٰ ۔رَب دا شُکر ادا کرنا ۔ تے تیرے ناں دی وڈیائی خب اے۔ ² ۲۔ یعنی سَویر دے ویلے تیری رحمت دا ۔ تے ساری رات تیر ی وفا دا ذکر کرنا ۔ ³ ۳۔ دَس تاراں دےساز تے سارنگی اُتے ۔ تے بربط دےنغمے دے نال ۔ ⁴ ۴۔ کیوں جو تُوں اے رَب اپنی صعنتاں نال مینوں خوش کر ناں ایں۔ میں تیرے ہتھ دے کماں دے سببوں خوشی مناؤناںواں۔ ⁵ ۵۔ یا رَبا تیرے کم کیا ای عظیم نیں ۔ تیرے خیالات کیاای گہرے نیں ۔ ⁶ ۶۔ کم عقل انسا ن نُوں ایہناں گلاں دی خب رنئیں۔ تے جاہل نُوں اوہناں دی سمجھ نئیں ۔ ⁷ ۷۔ حالاں کے شریر گھاہ دے وانگ اُگدے نیں ۔ تے سارے بدکار لہلہاندے نیں ۔ ایہہ ایس لئی اے پئی اوہ ہمیشاں لئی تباہ ہون ۔ ⁸ ۸۔ جد کے تُوں یا رَبا!ہمیشاں تیک بُلندا یں ۔ ⁹ ۹۔ کیوں جو ویکھ یا رَبا! تیرے دُشمن ۔ ویکھ تیرےدُشمن ہلاک ہوجان گے ۔ سارے بد کردار پریشان ہو جان گے۔ ¹⁰ ۱۰۔ تُوں جنگلی سانڈ وانگ ۔میرا سِینگ اُچا کیتا اے۔ تُوں چنگے تَوں چنگے تیل نال مینوںمَسح کیتا اے۔ ¹¹ ۱۱۔ تے میری اَکھ نیں میرے ویریاں وَل دھیان کیتا اے۔ تے میرے خلاف کھرے ہون والے شریراں دی چاہ ۔ میرے کَناں نیں سُن لئی اے ۔ ¹² ۱۲۔ صادق کھجور وانگ لہلہائے گا ۔ اوہ لُبنانؔ دے دیودار وانگ وَدھے گا ۔ ¹³ ۱۳۔ جیہڑا رَب دے گھر وچ لائے ہوئے نیں ۔ اوہ ساڈے خُدا دیاں بارگاہواں وچ لہلہان گے ۔ ¹⁴ ۱۴۔ اوہ وڈی عمر وچ وی پھَل دین گے ۔ اوہ تازہ تے ہرے بھرے ہون گے ۔ ¹⁵ ۱۵۔ تاں جو ظاہر کرن پئی رَب یعنی میری چٹان کِنی راست اے ۔ تے پئی اوہدے وچ کوئی ناراستی نئیں ۔