(مناجات۔داؤد وَلوں ) ¹ ۱۔ یا رَبا اپنا کَن جھُکا تے میری سُن۔ کیوں جومیں غریب تے مَسکین واں۔ ² ۲۔ میری جان نُوں سنبھال کیوں جو میں دیندا رواں ۔ اپنے خادم نُوں جہدا بھروسہ تیرے اُتے وے رہائی دے ۔ ³ ۳۔ تُوں میرا خُداایں۔یارَبا میرے اُتے رحم کر۔ کیوں جو میں سارا دِن تیرے اَگے فریاد کرنا واں ۔ ⁴ ۴۔ اپنے بندے دے جی نُوں خوش کر ۔ کیوں جو یا رَبا میں تیرے وَل اپنی روح نُوں جھُکاناں واں ۔ ⁵ ۵۔ ایس لئی پئی تُوں اے رَب نیک تے غیرت والا ایں ۔ تے اپنے سارے منگن والیاں اُتے رحم کر نا ایں ۔ ⁶ ۶۔ یا رَبا میری دُعا سُن۔ تے میری مِنت دی آواز تے کَن دھر ۔ ⁷ ۷۔ میں اپنی مُصیبت دے دِن تینوں بُلاؤناںواں ۔ ایس لئی پئی تُوں میری سُن لیں گا ۔ ⁸ ۸۔ یا رَبا معبوداں دے وچکار تیرے ورگا کوئی نئیں ۔ تے تیریاں صنعتاں دی کوئی مثال نئیں ۔ ⁹ ۹۔ اوہ کُل قوماں آؤن گِیاں جنہاں نُوں تُوں پیدا کیتا اے۔ تے یا رَبا تینوں سجدہ کرن گِیاں ۔ تے تیرے ناں دی تمجید کرن گِیاں۔ ¹⁰ ۱۰۔ کیوں جو تُوں عظیم ایں تے عجیب کما کرن والا ایں ۔ تُوں ای کَلا رَب ایں ۔ ¹¹ ۱۱۔ یا رَب اپنی راہ مینوں دَس تاں جو میں تیری راہ اُتے چلاں ۔ میرے دِل نُوں اِکو پاسے کر تاں جو تیرے ناں تَوں ڈرے۔ ¹² ۱۲۔ ی ر۔با میرے خُداداد میں اپنے سارے دِل نال تیر ا شُکر کراں گا ۔ تے ہمیشاں تیک تیرے ناں دی ستائش کر دا رہواں گا ۔ ¹³ ۱۳۔ کیوں جو میرے اُتے تیری بڑی رحمت اے۔ تے تُوں میری جان نُوں پاتال دی تہہ وچوں چھُڈایا اے۔ ¹⁴ ۱۴۔ یا رَباگھمنڈیاں نیں میرے اُتے چڑھائی کیتی اے ۔ تے ظالماں دا ِک گروہ میری جان دے پیچھے پَیا اے۔ تے اوہ تینوں اپنے سامنے نئیں رکھدے ۔ ¹⁵ ۱۵۔ پر تُوں اے خُداوند خُدا!رحم تے کرم کرن والے ۔ طویل البصر۔بےحد شفیق تے وفا دار اے۔ ¹⁶ ۱۶۔ میری وَل دھیان کر تے میرے اُتے رحم کر ۔ اپنے خادم نُوں طاقت بخش۔ تے اپنی بندی دے پُتر نُوں نجات دے ۔ ¹⁷ ۱۷۔ مینوں اپنے کرم دا کوئی نشان وَکھا۔ تاں جو میرے تَوں نفرت کرن والے شرمندہ ہون ۔