¹ ۱۔ اے ربّا! میں تیری پناہ منگدا ہاں ۔ مینوں کدی شرمندیاں ناں ہون دے ۔ ² ۲۔ اپنی سچیائی دے مُطابق مینوں چُھڑا کے نجات دے ۔ اَپنا کَن میرے وَل کر تے مینوں بچا لے ۔ ³ ۳۔ تُوں میرے لاء پناہ دی چٹان تے چار دیوار ی والا قلعہ ایں ۔ تاں جو میں تیتھوں نجات پاواں۔ کیوں جو میری چٹان تے میرا قلعہ تُوں ای ایں ۔ ⁴ ۴۔ اے میرے رَب ! مینوں شریر دے ہَتھوں ناراست تے اَتھرے دے گپھے وِچوں بچا ۔ ⁵ ۵۔ کیوں جو یا ربّا ! تُو ای میری آس ایں ۔ اے میرے ربّا ! یا رباّ! میرے بھروسہ تیرے تے اے جد میں مُندا ای ساں ۔ ⁶ ۶۔ مان دے پیٹ ای توں میرا اعتماد تیرے تے اے ۔ میں سدا تیرے تے ای بھروسہ ک ر دا آیا ہاں ۔ ⁷ ۷۔ میں بُہتیریاں لئی حیرانی دا سبب بنیا ہاں ۔ کیوں جو تُوں ہی میری لُکن دی پکّی تھاں ایں ۔ ⁸ ۸۔ میرا مُونہہ تیری وڈیائی نال سگوں ہر ویلے تیری وڈیائی نال بھریا رہندا اے۔ ⁹ ۹۔ وڈیریاں ہوواں مینوں پراں ناں کر ۔ جیدوں میرا زور مُک جاوے تے مینوں چھڈ ناں دیویں ۔ ¹⁰ ۱۰۔ کیوں جو میرے ویری میرے وَلوں گلاں کر دے نیں ۔ تے میرے وَل ویکھ ویکھ کے آپو وِچ صلاح کردے نیں ۔ ¹¹ ۱۱۔ اوہ کہندے نیں رب نے ایس نُوں چھڈ دِتا اے ۔ ایس دا پیچھا کرکے تے ایس نُوں پھڑ لواں ۔ کیوں جو آس نُوں چھڈاں والا کوئی نئیں ۔ ¹² ۱۲۔ یا ربا میرے توں پراں ناں رہ ۔ میرے ربا! میری مدد لئی چھیتی آ۔ ¹³ ۱۳۔ میری جان دے ویری شرمندہ ہو کے برباد ہو جان ۔ میرا نُقصان چاہن والے ذِلت تے رسوائی نال مُلبّس ہون ۔ ¹⁴ ۱۴۔ پَر میں سدا آس رکھاں گا ۔ تے تیری صفت نُوں ودھاواں گا ۔ ¹⁵ ۱۵۔ میرا مُونہ سچیائی سگوں ساعٓر دن تیری نجات دے بارے دساں گا ۔ کیوں جو اوہ میرے اندازے نُوں ودھائے ۔ ¹⁶ ۱۶۔ میں رب دی قُدرت دا ذکر کراں گا ۔ یا ربا! میں بس تیری ای صداقت ظاہر کراں گا ۔ ¹⁷ ۱۷۔ یا ربا! توں مینوں میرے مُنڈپے توں ای سکھا ندا آیا ایں ۔ تے میں ہُن تیِک تیرے عجائبات دا ذکر کردا رہیا ہاں ۔ ¹⁸ ۱۸۔ یا ربا! میرے بڑھاپے تے تے چِٹے سِر وِچ چھڈ ناں دیویں ۔ جد تیِک میں ایس پیڑھی نُوں تیرے زور بارے تے آؤن والی پیڑھی نُوں تیری قُدرت دی گل ناں سناں لواں ۔ ¹⁹ ۱۹۔ یا ربّا ! تیری سچائیاں عرشاں تیِک اوُچیاں نیں ۔ تُوں وڈے وڈے کم کیتے نیں ۔ یا ربا! تیرے جوڑ دا کون اے ۔ ²⁰ ۲۰۔ تُوں مینوں بوہتیاں تے ڈاہڈیاں مصیبتاں وکھائیاں نیں ۔ فیر توں فیر جیعندیاں کریں گا ۔ اُتے دھرتی دے پاتال وِچوں مینوں فیر اوہناں لیائیں گا ۔ ²¹ ۲۱۔ یا ربّا! میری قدر ودھا تے نوے سِروں مینوں ےتسلی دے ۔ ²² ۲۲۔ یا ربّا! میں وی سارنگی وجا کے تیری سچیائی لئی تیرا شُکر مناواں گا ۔ اے اسرائیلؔ دے قدُوس میں بربط دے نال تیری وڈیائی کراں گا ۔ ²³ ۲۳۔ جَد میں تیرے لئی گاواں گا تے ہونٹ خُشی منان گے ۔ تےمیری جان وی جِس نُوں توں چُھڑایا اے ۔ ²⁴ ۲۴۔ میری زُبان وی سارا دِن تیری سچیائی دَس دی رہے گی ۔ کیوں جو میری بدی چاہن والے شرمندے تے رسوا کیتے ہوئے نیں ۔