۔ میِر مُغنی دے لئی ۔ "سون" دی طرز وانگوں ۔ داؤدؔ وَلوں ¹ ۱۔ یا ربّا۔ میِنوں بچا ۔ کیونکہ پانی میرے گَل تیِکر اَپڑ گیا اے ۔ ² ۲۔ میں ڈونگی چیِکڑ چہ دھس گیا واں تے پیر رکھن دی کوئی تھاں نئیں ۔ میں پانی دی دوُنگیائی چہ وڑ گیا آں ۔ تے ہَڑ میرے اُتوں دی لنگھدے نیں ³ ۳۔ میں چیِکد یاں چیِکدیاں تھک گیا آں میرا سَنگ سُک گیا اے رَبّ دی اُڈیک چہ ۔ میریاں اَکھاں اَگے ہنیرا آگیا اے ⁴ ۴۔ جیہڑے بناں وجہ میرے توں سَڑ دے نیں اوہ میرے سِر دے والاں توں وہ بوہتے نیں جیہڑے بیفایدہ میرے ویری نیں اوہ میریاں ہڈیاں توں وَدھ زور آور نیں کیِہ مینوں اوہ دینا پوے گا جیہڑ ا میں لیا ای نئیں ⁵ ۵۔ اَے رَبّ۔ تُوں میری نادانی نُوں جاننا ایں تے میرے پاپ تیرے توں لُکے نئیں ۔ ⁶ ۶۔ ائے رَبّ ۔ فوجاں دے رَبّ ۔ تینوں اُڈیکن والے میرے سببوں شَرمندہ ناں ہون ۔ ائے اسرائیل ؔ دے رَبّ ۔ تینوں منن والے میرے سببوں بے عزت ناں ہون ⁷ ۷۔ کیوں جو تیرے لئی میں بُرا ناں بناں تے شرمندگی میرے مُونہہ توں ظاہر ہوئی ۔ ⁸ ۸۔ میں اَپنے بھراواں دے نیڑے اوپرا ۔ تے اَپنی ماں دے پُتراں دے نیڑے بیگانہ بنیا آں ۔ ⁹ ۹۔ کیوں جو تیرے گھر دی غیرت مینوں کھا گئی ۔ تیرے مینیاں دی پھٹکا ر میرے تے آ پئی اے ۔ ¹⁰ ۱۰۔ میں فاقہ کرکے اَپنی جان نُوں نیویاں کیِتا ۔ تے ایہہ میرے لئی پھٹکار دا سبب اے ۔ ¹¹ ۱۱۔ میں ٹاٹ نُوں کپڑیاں وانگوں پایا ۔ تے ایہناں دے نیہڑے اکھان بنیا ۔ ¹² ۱۲۔ بروُہ چہ بیہن والے میرے خِلاف فضول گلاں کردے نیں ۔ تے نشئی مینوں گانیاں وانگوں گاؤندے نیں ¹³ ۱۳۔ پَر ائے خُداوند تیرے اَگے میری دُعا اے منظوری دے ویلے ۔ یا ربّا ۔ تُوں اَپنی وڈی بھلیائی توں تے اَپنی ہَر واری مد د کرن دے سببوں میری سُن ۔ ¹⁴ ۱۴۔ چیِکڑ چوں مینوں کَڈھ تاں جو میں ڈُوب ناں جاواں اوہناں توں جیہڑے میرے توں نفرت کردے نیں تے پانی دی ڈونگیائی توں بچا لے ¹⁵ ۱۵۔ اینج ناں ہووے پئی ۔ ہَڑ مینوں ڈوب دیوے ۔ یا ڈونگیائی مینوں کھا جاوے ۔ یاں ٹوئیا اَپنا مُونہہ میرے اُتے بند کَر لوے ۔ ¹⁶ ۱۶۔ یا ربّا۔ میری سُن ۔ کیوں جو تیری مِہر بوہت اے اَپنی مِہر دے وادھے توں دے حِساب نال میرے وَل دھیان کَر ۔ ¹⁷ ۱۷۔ تے اَپنے بندے توں اَپنا مُونہہ ناں پھیر ۔ چھیتی میری سُن ۔ کیوں جو میں تنگی چہ پیا واں ¹⁸ ۱۸۔ کول آ کے میری جان نُوں چھُڈا لے ۔ میرے ویریاں دے سببوں میِنوں رہائی دے ۔ ¹⁹ ۱۹۔ تُوں میری بے عِزتی تے ذلالت تے خجل ہون نُوں جاننا ایں ۔ تے جِہنے مینوں تنگ کردے نیں ۔ اوہ سارے تیرئ اَگے نیں ۔ ²⁰ ۲۰۔ پھٹکار دے سببوں میرا دِل پَج گیا ۔ میں پریشان پیا واں میں اُڈیک دا رہیا واں پئی کوئی دَرد ونڈائے ۔ پَر کوئی نئیں لبھا ۔ ²¹ ۲۱۔ تے اوہناں نے میرے کھانے چہ تُما رَلایا ۔ تے جِہدوں میں ترہایا سی ۔ تے مینوں سِرکا پیایا۔ ²² ۲۲۔ اوہناں دے کھان دے میچ لئی پھاہی تے اوہناں دے یاراں لئی جال بن گئے ²³ ۲۳۔ اوہناں دیاں اَکھاں اَگے ہنیرا ہووے تان جو اوہ ویکھ ناں سکن ۔ تے اوہناں دے لَک کمبدے رہن دے ۔ ²⁴ ۲۴۔ تُوں اَپنا کرودھ ڈوہل دے ۔ تے تیرے غُصے دا ودھنا اوہناں تے آ پوے ²⁵ ۲۵۔ اوہناں دا گھر اُجڑ جاوے ۔ تے اوہناں دت ڈیریاں چہ کوئی وَسن والا ناں ہووے ۔ ²⁶ ۲۶۔ کیوں جو اوہناں نے اوہنوں ای تنگ کیِتا جِہنوں تُوں ماریا اے ۔ تے جِہنوں تُوں پھَٹ لائے ۔ تے اوہناں نے اوہدا دُکھ ودھایا۔ ²⁷ ۲۷۔ اوہناں دے قصُور تے قصُور ودھا ۔ تے اوہ تیرے کول سچا نئیں کہوایا ۔ ²⁸ ۲۸۔ اوہ ھیاتی دی کِتاب چوں مِٹا دِتے جان۔ تے سچیاں دے نال لِکھے ناں گئے ہون ۔ ²⁹ ۲۹۔ پَر میں مسکین تے دُکھی آں یا ربّا۔ تیری مدد میری رکھوالی کرے ۔ ³⁰ ۳۰۔ میں گیِت گا کے رَبّ دے ناں دی تعریف دَساں گا ۔ تے شُکر گذُرای دے نال اوہدی تعریف کراں گا ۔ ³¹ ۳۱۔ تے ایہہ ڈھگے دی ۔ سگوں سینگ تے کھُر والے وَچھے دی دی تھاں ۔ رَبّ نُوں بوہتا جچے گا ۔ ³² ۳۲۔ ویکھو ۔ ائے غریبو ۔ تے خُوشی مناؤ ۔ تے تُسیں جیہڑے رَبّ نُوں منگدے او۔ اوہ تُہاڈے دِل نُوں سجرا کرے ۔ ³³ ۳۳۔ کیوں جو خُداوند مسکیِناں دی سُندا اے ۔ تے اَپنے غُلاماں دی بے عزتی نئیں کردا ۔ ³⁴ ۳۴۔ اسمان تے دھرتی اوہدی وڈیائی کرن ۔ تے سمُندر وی تے جو کُجھ ایہدے چلدا پھِردا اے ۔ ³⁵ ۳۵۔ کیوں جو رَبّ صیونؔ نُوں بچاوے گا ۔ تے یہوداہ ؔ دے شہراں نُوں نواں بناوے گا۔ تے اوہ اوتھے ای وَسن گے تے اوہدے مالک ہون گے ۔ ³⁶ ۳۶۔ تے اوہدے بندیاں د ے اولاد اوہدی وارِث ہووے گی ۔ تے اوہ جیہڑا اوہدے ناں نُوں چنگا جاندے نیں۔ اوہدے چہ وَسدے رہن گے ۔