داؤد وَلوں سر کوپ گوئیے لئی گیت ۔ ¹ ۱۔ یا رَبا صیہونؔ وچ وڈیائی دا گیت تیرے لائق اے۔ تیرے لئی منّت پُوری کیتی جاوے۔ ² ۲۔ دُعاواں قبولن والیا ہر بندہ تیرے کول آؤندا اے ۔ ³ ۳۔ شرارتاں دے سببو ساڈے پاپ سانوں دھا لیندے نیں ۔ تُوں ای اوہناں نُوں معاف کر دا ایں ۔ ⁴ ۴۔ دھن اے اوہ جنہوں تُوں سَد کے اپنے کول لیاؤندا ایں ۔ اوہ تیریاں بارگاہواں وچ وسدے نیں ۔ کاش پئی اسیں تیرے گھر دیاں چنگیاں برکتاں تے ہیکل دی پاکیزگی نال رجئیے۔ ⁵ ۵۔ تُوں سچ دے ڈر ا دین والے کر شمیاں نال ساڈی منّت سُندا ایں۔ اے ساڈے سچے رَب تُوں جو دھرتی دے دور دراڑھے تھاواں تے دور دے سمندراں دا بھروسہ ایں ۔ ⁶ ۶۔ جیہڑا طاقت نال لک بن کے اپنے زور نال پہاڑاں نُوں قائم رکھدا اے۔ ⁷ ۷۔ اوہ سمندر دی ٹھنڈ تے اوس دیاں ٹھلاں تے قوماں دے رولے نُوں تھما لیندا اے۔ ⁸ ۸۔ تے یرے کرشمیاں دے سببوں دھرتی دیاں حداں وسنیک تیھوں ڈر دے نیں ۔ ⁹ ۹۔ تُوں دھرتی دی راکھی کیتی تے اوہنوں پانی دِتا اے ۔ تُوں اوس نُوں بڑا زخیز کیتا اے ۔ رَب دیاں نہراں پانی نال بھریاں ہوئیاں نیں ۔ تُوں اوہناں دا اناج تیار کیتا اے۔ تُوں اینج بھوئیں تیار کیتی اے۔ ¹⁰ ۱۰۔ تُوں اوس دیاں کیاریاں نُوں پانی لیاا اے اوس دے ڈھیلیا نُوں پدرا کیتا اے۔ تُوں اوس نُوں ودھیرے پانی نال پولیاں کیت اے۔ تے اوس دی پیداوار وچ برکت پائی اے۔ ¹¹ ۱۱۔ تُوں سال نُوں اپنے لُطف دا تا ج پَوایا اے ۔ تے تیریاں راہواں توں روغن ٹپکدا اے۔ ¹² ۱۲۔ اوہ اُجاڑ دیاں چراگاہواں توں ٹپکدا اے۔ تے ٹیلے خوشی نال کمر کَس دے نیں ۔ ¹³ ۱۳۔ مَرغزار غلیاں نال بھرے نیں ۔ تے وادیاں غلے نال بھریاں نیں۔ اوہ خوشی دے مارے للکاردیاں تے گیت گاؤندیاں نیں۔