داؤد وَلوں مزمور جس ویلے اوہو یہوداہ دے جنگل وچ سی۔ ¹ ۱۔ یا رَبا تُوں میرا خُدا ایں ۔ میں برے جوش نال تینوں لبھ دا ہاں ۔ اوس سُکی تے ترہائی دھرتی وانگ ہاں جیتھے پانی نئیں ہوندا ۔ میری جان تیری تہائی اے تے میرے پنڈےنُوں تیری تانگھ اے ۔ ² ۲۔ میں اینج ای مقدس وچ تینوں تکدا ہاں ۔ تاں جو تیری قدرت تے تیرے جلال نُوں ویکھاں۔ ³ ۳۔ کیوں جو تیری رحمت جیون تَوں بہتر اے ۔ میرے ہونٹاں توں تیری وڈیائی ہووے گی۔ ⁴ ۴۔ میناپنی ساری حیاتی تینوں اینج ای دھن آکھیا ں گا ۔ میں تیرا ناں لے کے اپنے ہتھ چُکیا کراں گا ۔ ⁵ ۵۔ میری جان مِکھ تے چربی نال رجے گی ۔ تے میرا مُنہ خوش ہونٹاں نال تیری وڈیائی کرے گا ۔ ⁶ ۶۔ میں اپنے مَنجے تے تینوں یاد کرکے۔ جگراتے وچ تے دھیان کراں گا ۔ ⁷ ۷۔ کیوں جو تُوں میرا مدد کرن والا بنیا ہویا ایں ۔ تے میں تیرے کھنباں دی چھاں ہیٹھاں خوشیاں مناؤنداہاں ۔ ⁸ ۸۔ میری جان تیرے پیچھے ٹور دی رہندی اے ۔ تیرا سجا ہتھ مینوں سنبھالدا اے۔ ⁹ ۹۔ پر جیہڑے میری جان نُوں مار مُکان دے نیڑے نیں ۔ اوہو دُنیا دے پاتا ل وچ ٹُور جان گے ۔ ¹⁰ ۱۰۔ اوہ تلوار دے حوالے کیتے جان گے ۔ اوہ گیدڑاں دا گرہون گے ۔ ¹¹ ۱۱۔ پر بادشاہ خداوند وچ جوش ہووے گا ۔ ہر اِک جیہڑااوہدی سَوں کھاندا اے اوہ فخر کرے گا ۔ کیوں جو جھوٹ مارن والیاں دا منہ بند کیتا جاوے گا ۔