داؤد ولوں سر کوپ گوئیے لئی یدوتون دے طور تے ۔ ¹ ۱۔ بس رَب وچ ای میری جان آرام نال اے ۔ اوسے تَوں میری نجات اے۔ ² ۲۔ بس اوہو ای میری چٹان تے میری نجات اے ۔ اوہو ای میرا اُچا بُرج اے مینوں جُنبش نہ ہووے گی ۔ ³ ۳۔ تُسی کد تیک اجیہے بندے تے چڑھائی کر دے رہوؤ گے ۔ تے رَل کے اوہنوں ڈیگدے رہوؤ گے ۔ جیہڑا اُلری ہوئی کَندھ تے ہلدی ہوئی باڑ دے وانگ اے۔ ⁴ ۴۔ یقیناََ اوہو مینوں میرے رُتبے تَوں ہٹاندی صلاح کر دے نیں ۔ اوہ جھوٹ تَوں خوش ہوندے نیں ۔ اوہ اپنے مُنہوں تے برکت دیندے نیں پر دِلوں لعنت کر دے نیں ۔(سلاہ ⁵ ۵۔ اے میری جان بس رَب وچ آرام نال رہ۔ کیوں جو اوسے تَوں مینوں آس اے۔ ⁶ ۶۔ بس اوہو ای میری چٹان تے میری نجات اے۔ اوہو ای میرا اُچا بُرج اے میں کدی ناں تھڑکاں گا ۔ ⁷ ۷۔ میری نجات تے میری شان رب ای دے کول اے ۔ اوہو ای میرے زور دی چٹان اے ۔ تے رَب میری پناہ دی تھاں اے ⁸ ۸۔ لوکو! ہر ویلے اوس تے بھروسہ کرو۔ اپنے دل اوس دے اَگے کھول دیو۔ خُدا ساڈے لئی پناہ دی تھاں اے(سلاہ) ⁹ ۹۔ چھوٹے لوک بس ساہ ای نیں تے ودے جھوٹے نیں ۔ اوہ تکڑی وچ اُتاں ہو جاندے نیں ۔ اوہ سارے دے سارے ساہ تَوں ویں ہولے نیں ۔ ¹⁰ ۱۰۔ ظلم تے بھروسہ نہ کرو۔ تے لُت مار کرن واے تے نہ پھُولو۔ دولت ودھ وی جاوے تے اودھے تے بھروسہ نہ کرو ۔ ¹¹ ۱۱۔ رَب نے اِک گل دسی اے۔ پر میں دو سُنیاں نیں ۔ ( پئی قدرت رَن ای دی اے ) ¹² ۱۲۔ تے یا رَبا (رحمت وی تیری ای اے) کیوں جو تُوں ہر بندے نُوں اوسدے عمالاں دے حساب نال بدلہ دیندا ایں ۔