ہیکل نوں پاک کرن دا گیت ¹ ۱۔ یا رَبا میں تیری وڈیائی کراں گا کیوں جو تُوں مینوں چُھڑایا تے میرے ویریاں نوں خوش نئیں ہون دِتا ۔ ² ۲۔ خداوند میرے رَبا میں تیرے اَگے چِیلکیا تے تُوں مینوں شفا دِتی ³ ۳۔ یارَبا تُوں میری جان پاتال وچوں کڈلیا یا تُوں مینوں قبرے پین والیاں وچوںمحفوظ رکھیا ⁴ ۴۔ رَب دے پاک بندیوں رَب دی وڈیائی کرو تے اوہدے پاک ناں داشُکر کرو ⁵ ۵۔ کیوں جو اوہدا غُصہ گھڑی دی گھڑی اے تے اوہدا کرم ساری حیاتی تیک اے خورے راتیں رونا پَوے پر سرگی ویلے خوشی دی گھڑی آؤندی ⁶ ۶۔ میں تے سُکھ دے دیہاڑیاں وچ آکھیا سی پئی میں کدی نا ں تھڑکاں گا ⁷ ۷۔ یا رَبا تُوں اپنے کرم نال مینوں اُچیائی تے ٹِل دِتا سی تے جد تُوں اپنا مُنہ لُکایاتے میں گھبرا گیا ⁸ ۸۔ یا رَبا میں تیرے اَگے کُرلاناں ہاں تے اپنے رَب دیاں مِنتاں کر ناں واں ⁹ ۹۔ قبرے پَے کے میرا لہو کس کم آوے گا کی مِٹی تیری چنگائی دَسے گی؟ یاں تیر ی سچائی دے گُن گاوے گی ¹⁰ ۱۰۔ یا رَب میری سُنت تے میرے تے رحم کر یا رَبا میر مدد گا ر ہو ¹¹ ۱۱۔ تُوں میرا دُکھ ناچ وِچ بدلیا اے تُوں میرے تَوں ٹاٹ لاہ سُٹیا اے تے میرا لَک خُشی نال بنیا اے ¹² ۱۲۔ تاں جو میری روح تیری حمد گاؤندی رہوے تے چُپ نہ بَوے یارَبا میرے رَبا میں سدا تیک تیر ی وڈیائی کر دا رہواں گا