داؤد وَلوں ¹ ۱۔ یارَبا میں تینوں پُکارناں واں میریئے چٹانے میتھوں مُنہ نہ پھیر اینج نہ ہووے جے تُوں میرے بارے چُپ رہویں تے میں اوہناںوانگ ہوواں جیہڑے قبراں وچ ٹور جاندے نیں ² ۲۔ تُوں میری مِنت دی واج سُن جد میں تینوں پُکاراں جد میں اپنے ہتھ تیری پاک ہیکل وَل چُکاں ³ ۳۔ مینوں اوہناں شریراں تے بدکاراں نال دھرو کے نہ کھڑ جیہڑے اپنے گوانڈیاں نال مِٹھیاںمِٹھیاں گلاں کر دے نیں پر دِلاں وچ کرود ھ رکھدے نیں۔ ⁴ ۴۔ اوہناں دے کماں دے حساب نال اوہناں نوں بدلہ دے اوہناںدے کماں دے مُطابق اوہناں نوں بدلہ دے ⁵ ۵۔ ایسے گلوں پئی اوہ رَب دے کم تے اوہدے ہتھاں دے کم تے دھیان نئیں کر دے ایس لئی اوہ اوہناں نوں فنا کر دیوے گا تے بحا ل نہ کرے گا ⁶ ۶۔ خداوند مُبارک ہووے کیوں جو اوہنے میری مِنت دی واج سُن لئی اے ⁷ ۷۔ رَب جیہڑا میرا زور تے میری ڈھال اے میرے دل نیں اوہدے تے بھروسہ کیتا تے مینوں اوہدے توں مدد ملی اے ایس لئی میرا دل خو ش اے تے میں اپنے گیت نال اوہدی وڈیائی کراں گا ⁸ ۸۔ رَب اپنی اُمت دا زور اے اوہ اپنے ممسُوح لئی نجات دا قعلہ اے ⁹ ۹۔ اپنی اُمت نُوں نجات تے اپنی میراث نوں برکت دے اوہناں دی راکھی کر تے سدا تیک اوہناں نوں سنبھالی رکھ