داؤد وَلوں زبور ¹ ۱۔ الف۔ یا رباّ میں اپنی جان تیرے وَل چُکنا ہاں۔ ² ۲۔ یا میرے رَبا میرے رَبا (ب)میں تیرے تے بھروسہ کرنا مینوں شرمندیاں نہ ہون دیویں اینج نہ ہون دیویں پئی ویری میرے حال تے خوشیاں منان ³ ۳۔ (ج)کیوں جو جینوں تیری آس اے اوہ شرمندیاں نہ ہووے گا پر جیہڑے نا حق بے وفائی کر دے نیں اوہ شرمندے ہون گے ⁴ ۴۔ (د)یا رَبا مینوں اپنیاں راہوں وکھا تے اپنے رستے مینوں دَس دے ⁵ ۵۔ (ح)مینوں اپنی سچائی تے ٹور تے مینوں سیکھا کیوں جو تُوں میرا سچا رَب ایں تے مینوں سارادن تیری ای آس اے ⁶ ۶۔ (ز)یا رَبا اپنیاں رحمتاں تے شفقتاں یاد کر کیوں جو اوہ سدا توں نیں ⁷ ۷۔ (ہ)میری جوانیاں دیاں بھُلاں تے میرے پاپ یاد نہ کر یا رَبا اپنی نیکی لئی اپنی رحمت دے مُطابق یاد کر ⁸ ۸۔ (ط)رَب نیک تے سچا اے ایسے لئی خطاکاراں نُوں ٹورن دا وَل دس دا اے ⁹ ۹۔ (ی)اوہ مہاتڑاں نوں نیکی دی ہدایت دیندا اے اوہ مہاتڑا ں نُوں اپنا راہ سیکھاندا اے ¹⁰ ۱۰۔ (ک)رَب دے سبھے راہ اوہناں لئی رحمت تے سچائی نیں جیہڑے اوہدے عہد تے گواہیاں نوں من دے نیں ¹¹ ۱۱۔ (ل) یا رَبا تُوں اپنے ناں دے لئی میری بُرائی جیہڑی وڈی اے معاف کریں گا ¹² ۱۲۔ (م)اوہ کیہڑا بندہ اے جیہڑا رَب توں ڈر دااے اوہ اوہنوں اوہ راہ دسے گا جیہڑی اوہنوں چُننی چاہیدی اے ¹³ ۱۳۔ (ن)اوہ آپ سکون وچ رہوے گا تے اوہدی آل بھوئیں وارث ہووے گی ¹⁴ ۱۴۔ (س)رَب دے بھید اوہ ای جاندے نیں جیہڑے اوہدے تَوں ڈر دے نیں تے اوہ اپنا عہد اوہناں تے کھولے گا ¹⁵ ۱۵۔ (ع)میریاں اَکھاں ہر ویلے خداوند وَل لگیاں رہندیاں نیں کیوں جو اوہو میرے پیر نُوں پھندے توں بچاوے گا ¹⁶ ۱۶۔ (ف)میرے وَل دھیان کر تے میرے تے رحم کر کیوں جو میں بے وَس تے مُصیبت وچ پھسیاں واں ¹⁷ ۱۷۔ (ص)میرے دل دے دُکھاں توں مینوں آرام دے مینوں میری مُصیبت توں چھُڈا لے ¹⁸ ۱۸۔ (ق)تُوں میرے دُکھ تے تنگی نُوں گھٹ کر تے میریاں کُل خطاواں نُوں معاف کر ¹⁹ ۱۹۔ (ر)میرے ویریاں نیں وَل ویر کیوں جو اوہ بتھیرے نیں تے میرے نال ڈاھڈا ویر رکھدے نیں ²⁰ ۲۰۔ (ش)میری جان دی حفاظت کر تے مینوں چھُڈا تے مینوں شرمندیاں نہ ہون دیویں کیوں جو میں تیری پناہ وچ ہاں ²¹ ۲۱۔ (ت)بے گناہی تے نیکی مینوں سلامت رکھے کیوں جو میں تیرا اُڈیکن ہار ہاں ²² ۲۲۔ (ف)جا رَبا اسرائیل نوں اوہناں دے کُل دُکھاں توں رہائی دے ۔