داؤد وَلوں زبور ¹ ۱۔ دھرتی تے اوہدی بھرائی رَب دی اے،جہاں دے اوہدے واسی ² ۲۔ کیوں جو اوہنے سمندراں تے اوہدی نیہ دھری تے دریاواں تے اوہنوں کھلاریاں ³ ۳۔ رَب دے پہاڑ تے کون چڑھے گا تے کون اوہدے پاک تھاں تے کھلووے گا؟ ⁴ ۴۔ اوہو جہدے ہتھ تے دل پاک اے جیہڑا جھوٹیاں شیواں تے جی نئیں لاؤندا تے اپنے گوانڈی نال مکر دی سَوں نئیں کھاندا ⁵ ۵۔ ایہہ خداوند وَلوں برکت تے اپنے سچے رَب وَلوں اجر پاوے گا ⁶ ۶۔ ایہہ اوہدے طالبان دی پیڑھی اے تے اوہناں نوں یعقوبؔ دے رَب نوں ویکھن دی تانگھ اے ⁷ ۷۔ (صلاح)پھاٹکو اپنے سِر اُچے کرو تے پُرانے بوویوں اُچے ہو جاؤ تاں جو جلال دا بادشاہ اندر آوے ⁸ ۸۔ ایہہ جلال دا بادشاہ کون اے؟ خداوند جیہڑا قادر تے قوی اے خداوند جنگ وچ ڈاھڈا اے ⁹ ۹۔ پھاٹکواپنیاں سردلاں اُچیاں کر لو تے پُرانے بوہیوں اُچے ہو جاؤ تاں جو جلال دا بادشاہ اندر آوے ¹⁰ ۱۰۔ ایہہ جلال دا بادشاہ کون اے؟ جتھیاں دا رَب اوہ جلال دا بادشاہ اے