¹ v1۱۔ داؤد وَلوں مُناجات یاَربا حق دی فریاد سُن میری فریاد وَل دھیان کر میری دُعا تے کَن لا جیہڑی بے مَکر ہونٹاں توں نکل دی ² ۲۔ میری فتویٰ تیرے وَلوں آوے تیریاں اَکھان راستی تے نظر کردیاں نیں ³ ۳۔ توں میرے دل نوں پرکھیں راتی پہرادیویں تے مینوں اَگ وچ تائیں تاں ویں توں میرے وچ شرارت نہ ویکھیں گا ⁴ ۴۔ انسانی دستور دے حساب نال میرے منہ نیں خطا نئیں کیتی تیرے ہونٹا ں دے حساب نال میں شریعت دیاں راہواں نوں سنبھالیا اے ⁵ ۵۔ میرے پیر تیریاں راہواں تے قائیم نیں میرے پیر تیلکے نئیں ⁶ ۶۔ یا ربا میں تینوں پُکارنا واں کیوں جو تُوں میری سُنیں گا میرے وَل کَن کر میری گل سُن لے ⁷ ۷۔ توں جیہڑا اوہناں نوں ویریاں توں چھُڈاندا ایں جیہڑے تیرے سجے ہتھ دی پناہ لیندے نیں اپنی عجیب رحمت وَکھا کے ⁸ ۸۔ آکھ دی پُتلی وانگ میری راکھی کر اپنے کھنمباں دے پرچھاویں ہیٹھ مینوں لُکالے ⁹ ۹۔ اوہناں شریراں تے جیہڑے میرے تے ظلم کر دے نیں تے میرے ویری جیہڑے مینوں وہر لیندے نیں ¹⁰ ۱۰۔ اوہ اپنےڈاہڈے دِل باند کر دے نیں اپنے مونہوں گھمنڈدی گل کر دے نیں ¹¹ ۱۱۔ ایس ویلے وی اوہناں دے پیراں دی دھمک میرے چَواں پاسے وے۔ اوہ تاڑ وچ نیں پئی سانوں بھوئیں سُٹ دین ¹² ۱۲۔ اوس ببر شیر وانگ جنہوں شکار دی حِرص ہووے اوس شیر بچے وانگ جیہڑا لُک کے گھات وچ چھئی لا کے بیٹھا اے ¹³ ۱۳۔ اُٹھ یا رَبا ایہدا ساہمنا کر کے ایہنوں ڈیگ دے اپنی تلوار نال مینوں شریرتوں بچا لے ¹⁴ ۱۴۔ اپنے ہتھ نال یا رَبا مینوں بندیاں توں چھُڈا اوہناں بندیاں توں جنہاں داحصہ ایہہ حیاتی اے تے جیناں نوں تُوں اپنے بوہلاںوچوں بچانا ایں جیناں دی اولاد رجھ دی اے تے جیہڑے اپنا باقی مال اپنے بالاں لئی باقی چھڈجاندے نیں ¹⁵ ۱۵۔ پر میں تینوں سچائی وچ ویکھا گا تے جاگدیاں تیرے حُضور وچوں رَجٍٍاں گا