(الف)
1
۱۔ دھن نیں اوہ جہناں دی ٹور کامل اے تے جیہڑے رَب دی شریعت تے چلدےنیں۔
2
۲۔ دھن نیں اوہ جیہڑے اوہدیان گواہیاں نُوں من دے نیں تے اپنے سارے دِل نال اوہنوں لبھ دے نیں ۔
3
۳۔ یعنی اوہ جیہڑے بھیڑ نئیں کر دے سگوں اوہدیاں راہواں تے ٹور دے نیں
4
۴۔ تُوں اپنے قانون ایس لئی دِتے نیں پئی دلوں جانوں منے جان۔ ۔
5
۵۔ کاش میریاں راہواں اجیہیاں پکیاں ہون پئی میں تیرے قانوناں نُوں مناں۔
6
۶۔ جد میں تیرے کُل حکماں تے نظر کراں گا تے میں پریشان ناں ہونواں گا۔
7
۷۔ میں دل دی سچائی نال تیرا شکر کراں گا۔ تے جد تیری سچائی دے حکماں نُوں سِکھ لواں گا۔
8
۸۔ میں تیرے قانوناں نُوں یاد کراں گا تاں جو تُوں مینوں کدی ناں چھڈیں ۔ (ب)
9
۹۔ جوان اپنی راہ نُوں کیویں پاک رکھے گا ؟ تیرے کلام نُوں من کے۔
10
۱۰۔ میں اپنے سارے دل نال تینوں لباں گا مینوں اپنے حکماں توں اوراں پراں ناں ہون دے ۔
11
۱۱۔ میں تیری گل اپنے دل وچ رکھداہاں۔ تاں جو تیرے خلاف کوئی پاپ ناں کراں
12
۱۲۔ یا رَبا تُوں دھن ایں۔ مینوں اپنے قانون سِکھا ۔
13
۱۳۔ میں اپنے بُلہاں نال تیرے منُہ دے سارے حکم دسدا ہاں۔
14
۱۴۔ میں تیریاں گواہیاں دی راہ توں ایناں خوش آں جیویں پئی ہر طرح دی دولت نال۔
15
۱۵۔ میں تیرے قانوناں تے دھیان کر دا رہواں گا تے تیریاں راہواں تے نظر مار دا رہواں گا۔
16
۱۶۔ میں تیرے قانوناں دے سببوں راضی ہوواں گا ۔ میں تیرے کلام نُوں ناں بھُلاں گا۔
17
۱۷۔ اپنے بندے تے احسان کر تاں میں جیوندا رہواں۔ تے تیرے کلام تے عمل کراں ۔
18
۱۸۔ میریاں اکھاں اگھیڑ تاں جو میں تیری شریعت دے نرالے کماں تے دھیان کراں
19
۱۹۔ میں دھرتی تے اِ ک راہی ہاں۔ میتھوں اپنے حکم ناں لُکا۔
20
۲۰۔ تیرے حکماں دے شوق وچ لگاتار میری روح سوک دی جا رہی اے۔
21
۲۱۔ تُوں گھمنڈیاں نُوں تریااے لعنتی نیں اوہ بندے جیہڑے تیرے حکماں توں پٹکدے پھر دے نیں ۔
22
۲۲۔ ملامت تے بے عزتی میتھوں دور کر ۔ کیون جو میں تیریاں گواہیاں نُوں مان دا ہاں ۔
23
۲۳۔ امیر بیٹھک وی کرن تے میرے خلا ف آکھن۔ پر تیر ابندہ تیرے قانوناں تے چلدا اے۔
24
۲۴۔ کیوں جو تیریاں گواہیاں خوشی دا سبب نیں ۔ تے تیرے قانون میرے صلاح کار نیں (د)
25
۲۵۔ میری جان مِٹی وچ مل گئی اے تُوں اپنے کلام دے مطابق مینوں حیاتی دے۔
26
۲۶۔ میں اپنی روش ظاہر کیتی تے تُوں میر سُن لئی اپنے قانون مینوں سکھا۔
27
۲۷۔ مینوں اپنے قانوناں دے طریقیاں دی تربیت کر تے میں تیرے نرالے کماں تے دھیان کراں گا۔
28
۲۸۔ دُکھ دے مارے میری جان ہنجو کیر دی اے اپنے کلام دے مطابق مینوں قائم کر
29
۲۹۔ مینوں جھوٹ دی راہ توں دور رکھ تے اپنی شریعت مینوں بخش دے
30
۳۰۔ میں حق دی راہ پسند کیتی اے۔ میں تیرے حکم اپنے اَگے رکھے نیں
31
۳۱۔ میں تیریاں گواہیاں گِن دا رہندا واں سو یا رَبا مینوں شرمندیاں ناں ہون دے
32
۳۲۔ میں تیرے حکماں دی راہ تے بھجاں گا جد تُوں میرے دل نُوں کھُلا کریں گا۔ (ہ)
33
۳۳۔ یا رَبا مینوں اپنے قانوناں دی راہ دس ۔ تے میں اونج ای اوہناں تے چلاں گا۔
34
۳۴۔ مینوں سمجھ بخش تاں جوں میں تیری شریعت تے چلاں ۔ تے اپنے سارے دِل نال اوہناں نُوں رٹ لواں گا ۔
35
۳۵۔ مینوں اپنے حکماں دی راہ تے ٹور ۔ کیوں جو اوسے وچ میری خوشی اے۔
36
۳۶۔ میرا دل اپنیاں گواہیاں تے لا۔ لالچ تے نئیں ۔
37
۳۷۔ میریاں اَکھاں نُوں جھوٹ وَل ویکھن توں ڈک۔ اپنی راہ دے سببوں مینوں حیاتی دے ۔
38
۳۸۔ اپنے بندے لئی اپنی اوہ گل پوری کر ۔ جیہڑی تیتھوں ڈرن والیاں لئی ہوئی سی۔
39
۳۹۔ میتھوں اوہ ملامت دور کر جہدا مینوں ڈر اے۔ کیوں جو ت تیرے حکم میری خوشی دا سبب نیں ۔
40
۴۰۔ ویکھ میں تیرے قانوناں دا مُشتاق ہاں ۔ اپنی سچائی دے مطابق مینوں حیاتی دے۔
41
۴۱۔ یا رَبا تیریاں رحمتاں تے تیری نجات ۔ تیرے آکھن دے مطابق مینوں نصیب ہون۔
42
۴۲۔ فیر میں اپنے ملامت کرن والیاں نُوں جواب دے سکان گا۔ کیوں جو میں تیرے کلام تے بھروسہ کر داہاں۔
43
۴۳۔ حق دی گل میرے مُنہ توں وکھ ناں کر ۔ کیوں جو تیرے حکماں تے مینوں بھروسہ اے۔
44
۴۴۔ تے میں سدا ہر ویلے ۔ بلاناغہ تیری شریعت تے عمل کر دا رہواں گا۔
45
۴۵۔ تے میں کھُلے راہ تے ٹر دارہواں گا ۔ کیون جو میں تیرے قاعدیاں دا طالب رہیا واں۔
46
۴۶۔ تے میں بادشاہواں اَگے تیریاں گواہیساں دیاں دیاں گا۔ تے شرمندہ نہ ہوواں گا۔
47
۴۷۔ تے میں تیرے حکماں توں جیہڑے مینوں پیارے نیں ۔ خوشی حاصل کراں گا۔
48
۴۸۔ تے میں تیرے حکماں وَل اپنے ہتھ چُکاں گا۔ تے تیرے قانوناں تے دھیان دیاں گا۔
49
۴۹۔ جیہڑا کلام تُون اپنے بندے نال کیتا اے تے جہدے توں تُوں مینوں آس دوائی اے۔اوہدا چیتا کر۔
50
۵۰۔ میرے دُکھ وچ میرے لئی تسلی دا سبب اے۔ پئی تیرا قول مینوں حیاتی دیندا اے۔
51
۵۱۔ تے گھمنڈی شدت نال مینوں مخول کر دے نیں ۔ پر میں تیری شریعت تَوں نئیں موڑ دا ۔
52
۵۲۔ یا رَبا میں تیر ے ابدی حکماں نُوں چیتے رکھداواں۔ تے مینوں تسلی ملدی اے۔
53
۵۳۔ میں اوہناں شریراں دے سببوں بڑے غُصے وچ آیا ہاں۔ جیہڑے تیری شریعت نُوں چھڈ دیندے نیں۔
54
۵۴۔ میری راہ دے مسافر کھانے وچ۔ تیرے قانون میرا گھوٹ رہے نیں ۔
55
۵۵۔ میں رات نُوں تیرا ناں یاد کر ناںواں۔ تے میں تیری شریعت تے عمل کرآں گا ۔
56
۵۶۔ ایے مینوں ایسے لئی ملیا اے۔ پئی میں تیرے قاعدیاں نوں ماندا ہاں ۔
57
۵۷۔ یا رَبا میں آکھیا اے۔ پئی تیرے کلام پورا کرنا میرا حصہ اے۔
58
۵۸۔ میں سارے دل نال تیرے کرم دا مُشتا ق ہاں۔ اپنے قول دے مطابق میرے تے رحم کر
59
۵۹۔ میں اپنی چال تے دھیان کیتا اے۔ تے تیریاں گواہیاں وَل اپنے پیر پھیرے نیں ۔
60
۶۰۔ میں تیرے حکماں نُوں پورا کرن وچ ۔ چھیتی کیتی تے ویلا نئیں لایا۔
61
۶۱۔ شریر دے رسیاں نیں مینوں ویہر لیا۔ پر میں تیری شریعت نئیں بھلائی۔
62
۶۲۔ میں تیرے نیاں دے فیصلیاں لئی ۔ اِدھی راتیں تیر ا شکر کرن لئی اُٹھ دا ہاں۔
63
۶۳۔ میں اوہناں ساریاں دا بیلی آں۔ جیہڑے تیتھوں ڈر دے تے تیرے قاعدیاں نُوں من دے نیں۔
64
۶۴۔ یا رَبا دھرتی تیری رحمت نال بھری ہوئی اے۔ مینوں اپنے قانوناں دی تعلیم دے ۔
65
۶۵۔ یارَبا تُوں اپنے کلام دے مطابق ۔ اپنے بندے نال بھلائی کر۔
66
۶۶۔ مینوں پرکھ تے دانش سکھا ۔ کیوں تیرے حکماں تے مینوں اعتبار اے۔
67
۶۷۔ میں مُصیبت وچ پین تَوں پیلاں کراہے پیا ہویا ساں ۔ پر ہون تیرے قول دا راکھا واں ۔
68
۶۸۔ تُوں نیک تے کریم ایں۔ مینوں اپنے قانوناں دی تعلیم دے ۔
69
۶۹۔ دگھمنڈی میرے تے بہتان لاؤندے نیں۔ پر میں اپنے سارے دل نال تیرے قاعدیاں نُوں مان دا ہان ۔
70
۷۰۔ اوہناں دا دل چربی وانگ موٹا ہوگیا اے۔ پر مینوں تیری شریعت تَوں خوشی ہوندی اے ۔
71
۷۱۔ میرے لئی چنگا اے پئی میں دُکھی آں۔ تاں جو تیرے قانوناں نُوں سیکھ لَواں ۔
72
۷۲۔ میرے لئی تیرے منہ دی شریعت ۔ سونے تے چاندی دے ہزار سِکیاں تَوں وی ودھ کے وے۔
73
۷۳۔ میں تیرے ہتھاں دی کاری گری تے بنت آں۔ مینوں سمجھ دے تاں جو میں تیرے حکم سِکھاں ۔
74
۷۴۔ تیتھوں ڈرن والے مینوں ویکھ کے خوش ہون گے ۔ ایس لئے میں تیرے کلام تَوں آس رکھی اے ۔
75
۷۵۔ یا رَبا مینوں پتہ اے پئی تیرے حکم سچے نیں ۔ تے اے وی پئی تُوں اپنی سچائی دے مطابق دُکھ دِتا اے۔
76
۷۶۔ اوس قول دے مطابق جیہڑا تُوں اپنے بندے نال کیتا اے۔ تیری رحمت میری تسلی دا سبب ہووے ۔
77
۷۷۔ تیریاں رحمتاں میرے تے وسن تاں جو میں جیواں ۔ کیوں جو تیری شریعت میری خوشی دا باعث اے ۔
78
۷۸۔ گھمنڈی دُکھی ہون ۔ایس لئی پئی ناحقا مینوں دُکھ دیندے نیں ۔ میں تیرے قاعدیاں تے گیان دھیان کر دا رہواں گا ۔
79
۷۹۔ جیہڑے تیتھوں ڈر دے تے تیریاں گواہیاں دا لحاظ کر دے نیں ۔ اوہ میرے وَل پرتن ۔
80
۸۰۔ تیرے قانوناں وچ میرا دل کامَل رہوے۔ اینج نہ ہووے پئی میں شرمندہ ہو جاواں ۔
81
۸۱۔ میری جان تیری نجات دے شوق وچ غش کھاندی اے ۔ میں تیرے کلام اُتے آس رکھدا ہاں ۔
82
۸۲۔ میریاں اَکھاں تیرے قول دے شوق نال دُھندلا جاندیاں نیں ۔ تُوں کدو ں مینوں تسلی دیویں گا ۔
83
۸۳۔ بھاویں میں دُھو ئیں وچ رکھی ہوئی مُشک وانگ ہو گیا واں ۔ فیر وی میں تیریاں تیرے قانوناں نُوں نئیں بھُلیا ۔
84
۸۴۔ تیرے بندے دے دیہاڑے ہے ای کِنے؟ تُوں میرے تنگ کَرن والیاں تے کدوں فتویٰ دیں گا ؟
85
۸۵۔ جیہڑے گھمنڈی تیری شریعت دے مطابق نئیں چلدے ۔ اوہناں نیں میرے لئی ٹوئے پُٹے نیں ۔
86
۸۶۔ تیرے سارے احکم سَچے نیں ۔ اوہ ناحقا مینوں سَتاؤندے نیں ۔سو تُوں میری مدد کر ۔
87
۸۷۔ اینج ہون ای والا سی پئی اوہ مینوں دھرتی تَوں مِٹا دین۔ پر میں تیرے قاعدیاں نُوں ترک نئیں کیتا ۔
88
۸۸۔ اپنی شفقت دے مطابق مینوں حیاتی دے۔ تے میں تیرے مونہہ دیاں گواہیاں نُوں یاد کراں گا ۔
89
۸۹۔ یا رَبا تیرا کلام ہمیشاں تیک قائم اے۔ اوہ اَسمان وانگ مضبوط اے ۔
90
۹۰۔ تیرا قول پیڑھیوں پیڑھی قائم اے۔ تُوں دھرتی نُوں گڈیا اے تے اوہ پَکی اے۔ اوہ تیرے فیصلیاں دے مطابق ہر ویلے مُستقل نیں۔
91
۹۱اوہ تیرے فیصلیاں دے مطابق ہر ویلے مُستقل نیں۔
92
۹۲۔ جے تیری شریعت میری خوشی دا سبب نہ ہوندی ۔ تے میں اپنے دُکھ وچ مَر جاندا ۔
93
۹۳۔ میں ہمیشاں تیک تیرے قاعدیاں نُوں نئیں بھُلاں گا ۔ کیوں جو ایہناں دے ذریعے ای تُوں مینوں زندگی دِتی اے۔
94
۹۴۔ میں تیرا ای ہاں ۔مینوں بچا لے ۔ کیوں میں تیرے قاعدیاں نُوں لبھیا اے ۔
95
۹۵۔ گنہگار مینوں تَک دے نیں تاں جو مینوں مار دین۔ میں تیریاں گواہیاں دا لحاظ رکھدا ہاں ۔
96
۹۶۔ میں ویکھیا اے پئی ہر اِک کمال دا انجام ہوندا اے ۔
97
۹۷۔ یا رَبا تیری شریعت مینوں بوہت ای عزیز اے۔ میں ساری دیہاڑی میں اوہناں اُتے غور کر داہاں ۔
98
۹۸۔ تیرے حکم نیں مینو ں میرے ویریاں تَوں زیادہ عقل والا بنا دِتا اے ۔ ایس لئی پئی اوہ ہمیشاںتیک میرے نال نیں ۔
99
۹۹۔ میں اپنے اُستاداں تَوں بوہتی سمجھ رکھدا ہاں ۔ ایس لئی پئی میں تیریاں گواہیاں اُتے غور کر دا رہندا واں۔
100
۱۰۰۔ میں بُدھیاں تَوں بوہتی عقل رکھدا واں ۔ ایس لئی پئی میں تیرے قاعدیاں اُتے عمل کر دا واں ۔
101
۱۰۱۔ میں ہر بُری راہ تَوں اپنے پیر روکدا واں ۔
102
۱۰۲۔ میں تیرے فیصلیاں تَوں پیچھاں نئیں ہٹدا ۔ ایس لئی پئی تُوں مینوں تعلیم دِتی اے ۔
103
۱۰۳۔ تیرے قول میرے گَلے وچ کیا ای مِٹھے نیں ۔ میرے مونہہ وچ شہد تَوں وَدھ میٹھے نیں ۔
104
۱۰۴۔ تیرے قاعدیاں تَؤں مینوں دسمجھ مِل دی اے۔ ایس لئی میں شرارت دی ہر راہ تَوں نفرت رکھدا واں ۔
105
۱۰۵۔ تیرا کلام میرے قدماں دے لئی لَو اے۔ تے میری راہ دے لئی چانن اے ۔
106
۱۰۶۔ میں سَوں کھا کے ارادہ رکھدا واں ۔ پئی میں تیرے سچے فیصلیاں نُوں یاد کراں گا ۔
107
۱۰۷۔ یا رَبا میں بڑا دُکھی آں۔ اپنے کلما دے مطابق مینوں زندہ کر ۔
108
۱۰۸۔ یا رَبا میرے مونہہ تَؤں خوشی دِیاں نذراں قبول کر۔ تے اپنے فیصے مینوں سِکھا ۔
109
۱۰۹۔ میری جان ہر ویلے ہتھ تے دھری اے ۔ پَر میں تیری شریعت نُوں نئیں بھُل دا ۔
110
۱۱۰۔ گنہگاراں نیں میرے لئی پھندا لایا اے ۔ پر میں تیرے قاعدیاں تَوں نئیں مُوڑیا ۔
111
۱۱۱۔ تیریاں گواہیاں مری ابدی میراث نیں۔ کیوں جو او میرے دل دی خوشی نیں ۔
112
۱۱۲۔ میں اپنے دل نُوں تیرے قانوناں نُوں پورا کرن لئی ۔ ہر ویلے ۔اینج ای موڑیا اے ۔
113
۱۱۳۔ میں دو دِلاں تَوں نفرت کرد اواں ۔ پر تیر شریعت مینوں عزیز اے ۔
114
۱۱۴۔ تُوں میری لُکن دی تھاں تے میری ڈھال ایں ۔ تیرے کلام اُتے مینوں آس اے
115
۱۱۵۔ اے شریرو ! میرے کولوں دور ہو جاؤ۔ تے میں اپنے خُدا دے حُکماں اُتے عمل کراں گا ۔
116
۱۱۶۔ اپنے قول دے مطابق مینوں سنبھال تے میں جیوندا رہواں گا۔ تے مینوں میری آس تَوں شرمندیاں نہ ہون دے ۔
117
۱۱۷۔ میری مدد کر تے میں بچ جاواں گا ۔
118
۱۱۸۔ جینے وی تیر ی شریعت تَوں پھیر گئے تُوں اوہناں ساریاں نُوں حقیر جاندا ایں ۔ کیوں جو اوہناں دا دھوکھا بے سبب اے۔
119
۱۱۹۔ تُوں دھرتی دے کُل خطاکاراں نُوں بھیڑا جاندا ایں ۔ ایس لئی میں تیریاں گواہیاں مینوں پیاریاں نیں۔
120
۱۲۰۔ تیرے ڈر تَوں میرا جُثہ کنبیاں اے ۔ تے میں تیرے فیصلیاں تَوں ڈردا واں ۔
121
۱۲۱۔ میں فیصلے تے نیاں نُوں عمل وچ لیایا واں ۔ مینوں ظلم کرن والیاں دے حوالے نہ کر ۔
122
۱۲۲۔ بھلائی لئی اپنے کلام دی ضمانت دے۔ تاں جو مغرور میرے اُتے ظلم نہ کر ن۔
123
۱۲۳۔ تیری نجات تے تیرے نیاں قول دے انتظار وچ ۔ میریاں اَکھاں دُھندلا گئیاں نیں ۔
124
۱۲۴۔ اپنے بندے نال اپنی نیکی دے مطابق سلوک کر ۔ تے اپنے قانونا ں دی مینوں تعلیم دے ۔
125
۱۲۵۔ میں تیرا بندہ واں ۔مینوں سمجھ بخش۔ تاں جو میں تیریاں شہادتانُوں پہچاناں ۔
126
۱۲۶۔ رَب دے لئی کم کرن دا ویلا آگیا اے ۔ لوکاں نیں تیری شریعت تَوں مونہہ پھیر لیا اے۔
127
۱۲۷۔ میں ایس لئی سونے تے کُندن دی نسبت ۔ تیرےحکم مینوں پیارے نیں۔
128
۱۲۸۔ میں ایسے لئی تیرے سب قاعدیاں نُوں پسند کیتا اے۔ تے ہر اِک جھوٹی راہ توں نفرت کر دا ہاں ۔
129
۱۲۹۔ تیریاں گواہیاں غور دے قابل نیں۔ ایس لئی میں اوہناں اُتے عمل کر داواں ۔
130
۱۳۰۔ تیرے کلام دی تشریح لَو بخش دی اے ۔ اوہ نویں نُوں عقل دیندی اے ۔
131
۱۳۱۔ میں اپنا مونہہ کھولدا تے ہانپدا واں ۔ کیوں جو تیرے حکماں دا مینوں شوق اے ۔
132
۱۳۲۔ میرے وَل دھیان کر تے میرے اُتے اوس فیصلے دے مطابق رحم کر۔ جیہڑے تیرے پیارکرن والیاں دے حق وچ اے۔
133
۱۳۳۔ اپنے قول دے مطابق میرے قدماں دی رہنمائی کر ۔ تے کوئی بدی میرے اُتے غالب ہو پاوے۔
134
۱۳۴۔ انسان دے ظلم تَوں مینوں چُھڈا۔ تے میں تیرے قاعدیاں نُوں یاد کراں گا ۔
135
۱۳۵۔ اپنامُکھ اپنے بندے اُتے ظاہر کر ۔ تے اپنے قانوناں دی مینوں تعلیم دے ۔
136
۱۳۶۔ میریاں اَکھاں توں پانی دیاں ندیاں وَگن۔ کیوں جو اوہناں نیں تیری شریعت اُٹے عمل نئیں کیتا ۔
137
۱۳۷۔ یارَبا تُوں نیائی ایں ۔ تے تیرے فرمان سچا اے ۔
138
۱۳۸۔ تُوں انصاف تے کامل وفا دے نال ۔ اپنیاں گواہیاں دا حکم دِتا اے ۔
139
۱۳۹۔ میر ی غیرت مینوں کھا جاندی اے ۔ کیوں جو میرے مخالف تیرا کلام بھوُل جاندے نیں ۔
140
۱۴۰۔ تیرا قول اُکا ای خالص اے ۔ تے تیرے بندے لئی اوہ پیارے نیں ۔
141
۱۴۱۔ میں نیکا تے حقیر تاں ہے واں ۔ پر میں تیرے حُکماں نُوں نئیں بھُول دا ۔
142
۱۴۲۔ تیرا نیاں ابدی نیاں اے۔ تے تیری شریعت مضبوط اے ۔
143
۱۴۳۔ تنگی تے مُصیبت میرے اُتے آ پئی ۔ تیرے حکم میری تسلی دا سبب نیں ۔
144
۱۴۴۔ تیری گواہیاں دی راستی ابدی اے ۔ مینوں سمجھ دے تے میں جیوندا رہواں گا ۔
145
۱۴۵۔ میں اپنے سارے دِل نال بُلاندا واں ۔یا رَبا میری سُن لے ۔ میں تیرے قانوناں اُتے عمل کراں گا ۔
146
۱۴۶۔ میں تینوں بُلاؤندا واں ۔مینوں بچا لے ۔ تے میں تیریاں گوہیاں نُوں یاد کراں گا ۔
147
۱۴۷۔ میں سویرے ای پہل کر کے آؤندا واں تے ترلا کر داواں ۔ میں تیرے کلام دا بھروسہ کرد اہاں ۔
148
۱۴۸۔ میریاں اَکھاں رات دے پہریاں تَوں وی جِیت جاندیاں نیں ۔ تاں جو میں تیرے قول اُتے دھیان کراں۔
149
۱۴۹۔ یا رَبا اپنی شفقت دے مطابق میر ی واج سُن۔ اپنے فرمان دے مطابق مینوں حیاتی بخش۔
150
۱۵۰۔ میرے ستان والے بدی دے خیال نال نیڑے آؤندے نیں ۔ اوہ تیری شریعت تَوں دُور نیں ۔
151
۱۵۱۔ یارَبا تُوں نیڑے ویں ۔ تے تیرے سارے حکم حق تے نیں ۔
152
۱۵۲۔ شروع تَوں ای مینوں تیریاں گوہیاں دے بارے پتہ اے ۔ پئی تُوں ایہناں نُوں ہمیشاں لئی قائم کیتا اے ۔ (ر)
153
۱۵۳۔ میرے دُکھ اُتے نظر کر تے مینوں چُھڈا لے۔ کیوں جو میں تیری شرعت نُوں بھُلیا نئیں ۔
154
۱۵۴۔ میرے مُقدمے دی وکالت کر تے مینوں رہائی دے ۔ اپنے قول دے مطابق مینوں حیاتی بخش۔
155
۱۵۵۔ گنہگار اں تَوں نجات دور اے۔ کیوں جو اوہ تیرے قاعدیاں دا لحاظ نئیں کر دے ۔
156
۱۵۶۔ یارَبا تیریاں رحمتاں دی ودھیریاں نیں ۔ اپنے فرمان دے مطابق مینوں حیاتی بخش۔
157
۱۵۷۔ میرے ستان والے تے مخالف بوہت نیں ۔ پر میں تیریاں گواہیاں تَوں مونہہ نئیں پھیر دا ۔
158
۱۵۸۔ میں دغا دین والیاں نُوں ویکھیا تے مینوں نفرت ہوئی ۔ کیوں جو اوہناں نیں تیرے قول نُوں یاد نئیں کیتا ۔
159
۱۵۹۔ ویکھ یا رَبا مینوں تیرے قاعدے پیارے نیں ۔ اپنی شفقت دے مطابق مینوں جیوندا رَکھ۔
160
۱۶۰۔ تیرے کلام دی سچائی مضبوطی اے ۔ تے تیرے نیاں دا ہر فرمان ابدی اے ۔
161
۱۶۱۔ امیر مینوں بے سبب ستاؤندے نیں ۔ پر میر ا دِل تیرے کلام تَوں ڈر دا ے۔
162
۱۶۲۔ میں تیرے قول دے سببوں اینج خوش واں۔ جیویں بوہت قیمتی شے لین والا خوش ہوندا اے۔
163
۱۶۳۔ میں بدی تَوں نفرت کرد ا تے اوہنوں بھیڑا جانداواں۔ تیری شریعت نال مینوں پیار اے ۔
164
۱۶۴۔ میں تیرے نیائی فرماناں دے سببوں۔ دِن چہ سَت واری تیری حمد کردا واں ۔
165
۱۶۵۔ جیہڑے تیری شریعت نُوں پیار کر دے نیں اوہ بڑے چین وچ نیں ۔ تے اوہناں لئی کوئی دُکھ نئیں ۔
166
۱۶۶۔ یا رَبا میں تیری نجات نُوں اُڈیک ناںواں ۔ تے تیرے حُکماں اُتے عمل کرنا واں۔
167
۱۶۷۔ میں تیریاں گواہیاں نُوں یاد کر ناواں ۔ تے اوہ مینوں بوہت پیاریاں نیں ۔
168
۱۶۸۔ میں تیرے قاعدیاں نُوں یاد کرناواں۔ کیوں جو میریاں ساریاں رَوشاں تیرے اَگے نیں ۔
169
۱۶۹۔ یارَبا میری دُہائی تیرے تیک پہنچے ۔ مینوں اپنے کلام دے مطابق مینوں عقل دے ۔
170
۱۷۰۔ میری مِنت تیرے حضُور وچ پہنچے ۔ اپنے قول دے مطابق مینوں رہائی دے ۔
171
۱۷۱۔ جدوں تُوں اپنے قانون مینوں سکھائے۔ تد میرے بولہہ حمد دا ترانہ گاؤن۔
172
۱۷۲۔ میری جیبھ تیری قول دا گیت گائے ۔ ایس لئی پئی تیرے کُل حُکم سچے نیں ۔
173
۱۷۳۔ تیرا ہتھ میری مدد کرن لئی راضی ہووے۔ اسی لئی پئی میں تیرے قاعدیاں نُوں پسند کیتا اے۔
174
۱۷۴۔ یا رَبا میں تیرے کولوں نجات چاہنداواں ۔ تے تیری شریعت میری خوشی دا سبب اے۔
175
۱۷۵۔ میری جان جیوندی اے تے تیری حمد کرے۔ تے تیرے فرمان میری مدد کرن۔
176
۱۷۶۔ میں گواچی ہوئی بھیڈ وانگ بھٹک گیا واں ۔تُوں اپنے بندے نُوں لبھ ۔ کیوں جو میں تیرے حکماں نُوں نئیں بھُلیا۔