¹ ۱۔ (ہیلیلویاہ)خداوند دا شکر کرو ۔کیوں جو اوہ نیک اے تے اوہدی رحمت ہمیشاں تیک اے۔ ² ۲۔ اسرائیلؔ دا کھنوادا آکھے ۔پئی اوہدی رحمت ہمیشاں تیک قائم اے۔ ³ ۳۔ ہارونؔ دا کھنوادا آکھے پئی اوہدی رحمت ہمیشاں تیک قائم اے۔ ⁴ ۴۔ خداوند تَوں ڈرن والے آکھن پئی اوہدی رحمت ہمیشاں تیک اے ۔ ⁵ ۵۔ میں مُصیبت وچ خداوند نُوں پکاریا ۔خداوند نے میری سُنی تے مینوں چھُڈایا۔ ⁶ ۶۔ خداوند میرے نال اے میں نئیں ڈر دا ۔بندہ میرا کیہ کر دسکدا اے۔ ⁷ ۷۔ خداوند میرے نال اے میرا مددگار اے ۔سو میں اپنے حسد رکھن والیاں دی پریشانی نُوں ویکھا ں گا۔ ⁸ ۸۔ بندے تے بھروسہ رکھن دی بجائے۔خداوند دی پناہ لینا بہتر اے۔امیراں تے بھروسہ رکھن دی بجائے۔ ⁹ ۹۔ خداوند دی پناہ لینا اعلیٰ اے۔ساریاں قوماں نے مینوں گھیر لیا ۔ ¹⁰ ۱۰۔ میں خُداوند دے ناں نال اوہناں نُوں تباہ کیتا ۔اوہناں مینوں چَواں پاسیوں گھیر لیا۔ ¹¹ ۱۱۔ اوہناں نے شہد دیاں مکھیاں وانگر مینوں گھیر لیا ۔میں خُداوند دے ناں اوہناں نُوں برباد کیتا ۔ ¹² ۱۲۔ میں خُداوند دے ناں تے اوہناں نُوں بر باد کیتا ۔اوہ کنڈیاں وچ اَگ وانگر بل پے۔میں خُداوند دے ناں تے اوہناں نُوں برباد کیتا ۔میں دھکیا گیا ۔تاں جو دھکے نال ڈَگ پَواں۔ ¹³ ۱۳۔ سگوں خداوند نے میری مدد کیتی ۔خداوند میری طاقت تے میرا زور اے ۔ ¹⁴ ۱۴۔ اوہ ای میرا چھُڈان والا ٹھہریا ۔سچیاں دیاں تنبوواں وچ ۔ ¹⁵ ۱۵۔ خوشی تے چھٹکارے دی واج اے۔خداوند دے سجے ہتھ نے طاقت دا کم کیتا اے۔ ¹⁶ ۱۶۔ خُداوند دے سجے ہتھ نے مینوں اُچیاں کیتا اے ۔میں مراں گا نئیں سگوں جیوندا رہواں گا۔ ¹⁷ ۱۷۔ تے خُدا دے کم بیان کراں گا۔خُداوند نے مینوں ڈاہڈی ڈانٹ ڈپٹ کیتی اے ۔ ¹⁸ ۱۸۔ سگوں موت دےحوالے نئیں کیتا ۔سچیائی دے بوہے میرے تے کھولو۔ ¹⁹ ۱۹۔ میں اوہناں وچ وڑکے خُداوند دا شُکر کراں گا ۔خُداوند دا بوہا ایہہ اے ۔ ²⁰ ۲۰۔ اوہدے تَوں سچے وڑن گے ۔میں تیرا شُکرکراں گا ۔ایس لئی تُوںمیری سُن لئی ۔ ²¹ ۲۱۔ تے میرا چھٹکارا دین والا ٹھہریاں ایں ۔ ²² ۲۲۔ جس پتھر نُوں راجاں نے رد کیتا او ای گوٹھ دے سِرے دا پتھر ہو گیا ۔ ²³ ۲۳۔ ایہہ خُداوند دے وَلوں ہویا اے تے ساڈیاں نظراں وچ عجیب اے۔ ²⁴ ۲۴۔ ایہہ اوہ ای دیہاڑا جیہڑا خدا وند نے مِتھیا اے اسی ایہدے بارے خوش ہوئیے تے خوشی منائیے۔ ²⁵ ۲۵۔ اے چھٹکارا دین والے خداوند ۔اے خُداوند اُچیائی عطا کر ۔ ²⁶ ۲۶۔ مبارک اے اوہ جیہڑا خُداوند دے ناں تَوں آؤندا اے۔اسی خُدا دے گھر تہانوں دُعا دینے واں ۔ ²⁷ ۲۷۔ خُداوند ای خُدا اے ۔اوہنے سانوں چانن کیتا اے۔قربانگاہ دے سِنگاں تیک ۔پرچھاواں کرن والیاں ٹہنیاں دے نال جشن مناؤ۔ ²⁸ ۲۸۔ تُوں میرا خُداوند ایں میں تیرا شکر کرن والا ہاں ۔اے خُداوند خُدا میں تیری تعریف کرناں واں۔ ²⁹ ۲۹۔ خُداوند دا شُکر کرو ۔اوہ نیک اے۔اوہدی رحمت ہمیشاں تیک قائم اے۔