¹ ۱۔ (ہیلیلویاہ) میں خداوند نال پیار کرنا آں۔کیوں جو خداوند نے میری مِنت دی واج سُن لئی اے ۔ ² ۲۔ کیوں جو جس دیہاڑے میں اوہنوں پُکاریا۔اوہنے میرے وَل اپنا کن جھُکایا۔ ³ ۳۔ موت دے رسیاں نے مینوں ولانگلا ماریا۔تے عالمِ ارواح دے پھندے میرے تے آپئے ۔میں پریشانی تے دُکھ وچ پھسیاں واں ۔ ⁴ ۴۔ تے میں خداوند نُوں پکاریا۔اےخداوند میری جان نُوں بچا لے۔ ⁵ ۵۔ خداوند کرم کرن والا تے سچا اے ۔ساڈا خُدا رحم کرن والا اے۔ ⁶ ۶۔ خداوند نِکیاں دی رکھوالی کر دا ے۔میں نیواں ہو گیا ساں ۔سگوں اوہنے مینوں بچا لیا اے۔ ⁷ ۷۔ اے میری جان اپنی تسلی وَل دھیان کر ۔کیوں جو خداوند نے تیرے نال نیکی کیتی اے۔ ⁸ ۸۔ اوہنوں میری جان نُوں موت تَوں میری اَکھاں نُوں اَتھرو وگان تَوں تے میرے پیراں نُوں تلکن تَوں بچا لیا اے۔ ⁹ ۹۔ میں خدا دے حضور جیوندیاں وی دھرتی تے ٹر دا رہواں گا ۔ ¹⁰ ۱۰۔ میں اوس ویلے وی ایمان لیاندا جدوں میں آکھیا پئی ۔میں دُکھ نال بھریا ہویا واں۔ ¹¹ ۱۱۔ میں اپنے گھراں وچ آکھ دِتا پئی ہر اِک بندہ دھوکا اے۔ ¹² ۱۲۔ میں اوہدیاں ساریاں مہربانیاں لئی ۔ایہدے علاوہ خُدا نُوں کیہ دیواں ۔ ¹³ ۱۳۔ میں چھٹکارے دا پیالہ لے کے خُداوند دا ناں لَواں گا ۔ ¹⁴ ۱۴۔ میں اوہدی ساری قوم دے منہ دروں خُداوند لئی اپنیاں ساریاں منتاں پوریاں کراں گا ۔ ¹⁵ ۱۵۔۔ خُداوند دی نظر وچ اوہدے پاک کیتے ہوئے لوکاں دی موت بڑی مہنگی اے ¹⁶ ۱۶۔ اے خداوند میں تیرا بندہ ہاں ۔میں تیرا بندہ یعنی تیری بندی دا پُتر واں تُوں میرے بندھناں نُوں کھولیا اے۔ ¹⁷ ۱۷۔ میں تعریف دی قربانی تیرے حضور گُزرانا گا ۔تے خداوند دا ناں لَواں گا ۔ ¹⁸ ۱۸۔ میں اوہدی قوم دے مونہہ دروں خداوند لئی اپنیاں منتاں پوریاں کراں گا ۔ ¹⁹ ۱۹۔ یعنی خداوند دے گھر دی بارگاہواں وچ تیرے وچکار اے یروشلیم ۔