¹ ۱۔ ساہنوں نئیں ! خُداوند ساہنوں نئیں ! سگوں تُوں اَپنی رِحمت تے اَپنی سچیائی دی خاطر اَپنا جلال وِکھا ² ۲۔ اوپریاں قوماں کیوں آکھن پئی اوہناں دا خُدا کِتھے وے ؟ ³ ۳۔ سادا خُدا َسمان تے وے اوہنے جو کُجھ چاہیا ۔ اوہ کُجھ ای کیِتا ⁴ ۴۔ اوہناں دے بُت سونا تے چاندی نیں ۔ تے بندے دی کاری گری نیں ⁵ ۵۔ اوہناں دا مُو نہہ تے ہے پِر اوہ کُوندے نئیں اَکھاں ہے نیں پَر اوہ ویکھدے نئیں ⁶ ۶۔ کِن ہےپَر اوہو س/پندے نئیں نَک ہے وے پَر سُنگھ دے نئیں ⁷ ۷۔ ہَتھ ہے نیں پَر ٹوہندے نئیں پیر ہے نیں پَر اوہ ٹُردے نئیں اوہ اَپنے سینگ چون واج نئیں کڈدے ⁸ ۸۔ اوہناں دے بنان والے اوہناں وانگر ای ہو جان گے جیہڑے اوہناں تے بھروسہ رکھدے نیں ⁹ ۹۔ اسرائیلؔ دا خانوادہ خُداوند تے ای آس رکھ دا اے اوہ ای اوہناں دا مدد کرن والا تے ڈھال اے ¹⁰ ۱۰۔ ہارون ؔ دا خانوادہ خُداوند دی آس رکھد اے اوہو ای مدد کرن والا رتے ڈھال اے ¹¹ ۱۱۔ خُداوند توں ڈرن والے خُداوند تے بھروسہ رکھدے نیں اوہ ای اوہناں دا مدد کرن والا تے اوہناں دی ڈھال اے ¹² ۱۲۔ خُداوند نے ساہنوں یاد رکھیا تے برکت دئے گا اوہ اسرائیلؔ دے خانوادے نُوں برکت دے گا اوہ ہارون ؔ دے خانوادے نُوں برکت دے گا ¹³ ۱۳۔ کیہ نَکے کیہ وَڈے اوہ خُداوند توں ڈرن والیاں تو برکت دئے گا ¹⁴ ۱۴۔ خُداوند تُہانوں ودھائے گا تُہانوں تے تُہاڈی اولاد نُوں وی ¹⁵ ۱۵۔ تُسیں خُداوند وَلوں مُبارِک اوہ جِہنے اَسمان تے دھرتی نُوں بنایا ¹⁶ ۱۶۔ اَسمان تے خُداوند دا اَسمان اے پَر دھرتی اوہنے آدم ؔ دی اولاد نُوں دَتی اے ¹⁷ ۱۷۔ مُردے خُدا دی حَمد نئیں کردے تے ناں اوہ جیہڑے پاتال چہ ٹُر جاندے نیں ¹⁸ ۱۸۔ پَر اسیں ہُن وی تے سدا تیِکر وی خُداوند نُوں مُبارِک آکھاں گا