داود دا زبُور۔ ¹ ۱۔ میں شفقت تے عدل دا گیت گاواں گا۔ ایہہ خداوند میں تیری مدح سرائی کراں گا۔ ² ۲۔ میں عقل مندی نال کامل راہ تے چلاں گا توں میرے کول کدوں آویں گا۔ میں اپنےگھر وچ پورے دل نال خالص ہو کے پھراں گا۔ ³ ۳۔ میں کسی خباثت نوں اپنیاں اکھاں دے سامنے نیں رکھاں گا۔ مینوں کج رفتاراں دے کم توں نفر ت اے۔ اوہنوں میرے نال کوئی سروکار نیں ہووے گا۔ ⁴ ۴۔ کج دلی میتھوں دور ہو جاوے گی۔ میں کسی برائی توں واقف ناں ہوواں گا۔ ⁵ ۵۔ جیہڑا لُک کےاپنے گوانڈی دی چغلی کرے۔ میں اوہنوں مٹا دیاں گا۔ میں اُچی اکھ تے آکڑ والے دل نوں نیں جھلاں گا۔ ⁶ ۶۔ میری نگاہ دیس دے سچیاراں اُتے ہووے گی۔ پئی اوہ میرے نال وسن۔ جہیڑا کامل راہ تے چلدا اے۔ اوہو میری سیوا کرے گا۔ ⁷ ۷۔ دغاباز میرے گھر وچ نہ وسے گا۔ جھوٹا میریاں اکھاں دے اگے قائم نہ رہوے گا۔ ⁸ ۸۔ ہر صبح میں دیس دے ساریاں شریراں نوں مٹایا کراں گا۔ تانجو خداوند دے شہر توں سارےبدکاراں دا ناس کر دیاں۔